Esai 5:13 - Maktub gə́ To gə Kəmee

¹³ Gelee gə́ nee ɓa koso-dəwje ləm lé D’a kwa dee gə́ ɓərje kaw sə dee ɓee-ɓər’g, Dəwje lə dee gə́ boo-boo d’a kwəi yoo-ɓoo ləm, Koso-dəwje lə dee gə́ bula digi-digi lé d’a kwəi yoo-kunda ləm tɔ.

Esai 5:13 ပူးပေါင်းရင်းမြစ်များ

2 Mbaije 17:6

Loo gə́ ləb ko̰ɓee lə Ojee as jinaikara ndá mbai gə́ Asiri taa ɓee gə́ Samari, tɔɓəi yeḛ wa Israɛlje ɓər aw sə dee Asiri. Yeḛ ar dee d’isi Halah ləm, gə mbɔr Habor, baa gə́ Gosan’g ləma, gə mee ɓee-booje’g lə Medəje ləm tɔ.

Gosota-Kəmkàrje 10:21

Ta njemeekarabasur lé Ul dəwje bula, Nɛ mbəje d’wəi Mbata kəmkàr lal meḛ dee.

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Esai 1:7

Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 23:9

Njesigənea̰ gə́ njeboo-néje wɔji mée’g togə́bè Mba tuji ne rɔnduba lə njékəstaje ləm, Mba kila rɔkul dɔ dəwje gə́ boo’g Deḛje lai gə́ dɔ naŋg nee ləm tɔ.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 3:1

Mbaidɔmbaije gə́ Njesigənea̰ gə́ njeboo-néje A gə kɔr négəd-rɔ gə́ rara ləm, Gə loo-nékiŋga gə́ rara ləm, Gə loo-kiŋga-nésɔ gə́ rara kara ləma, Gə loo-kiŋga-mán gə́ rara kara ləm tɔ Mee ɓee gə́ Jerusalem gə mee ɓeeko̰ gə́ Juda,

Esai 3:3

Mbai dɔ dəwje gə́ rɔ-mi gə njeriɓar ləma, Njekwɔji ta kəmkàr gə njegoso tɔl néje Gə njegoso sukəmloo ləm tɔ.

Esai 44:19

Yeḛ la̰ji tor ta mée’g el, Gə mba karee pa pana: M’roo ges kag lé pər ləm, M’yel pəree m’koro ne muru ləma, M’nuŋga ne da m’usɔ ləm tɔ Ndá gesee gə́ nai lé m’a telee gə́ né gə́ mina̰ bèe ləm, M’a kunda barmba no̰ dubu kag’d ləm tɔ lé Gosɔnégər əsé kəmkàr mba karee pa ne bèe lé godo.

Esai 49:21

Bèe ɓa seḭ a paje meḛ sí’g pana: See na̰ ɓa oji dee ar sí wa. Mbata jeḛ n’lalje ŋganje. Jeḛ n’toje kawkadje. D’wa sí gə́ ɓər ɓa tuba sí. See na̰ ɓa odo dee wa. Jeḛ j’isije gə kar sí ba. See loo gə́ ra ɓa ŋganje neelé d’ḭ keneŋ wa.

Esai 65:13

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, kuraje ləm d’a sɔ né, Nɛ ɓó a ra sí-seḭ, Aa ooje, kuraje ləm d’a kai mán, Nɛ seḭ lé kṵdaman a ra sí, Aa ooje kuraje ləm d’a kal rɔ dee, Nɛ seḭ lé rɔkul a dəb dɔ sí’g,

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 14:3

Dəwje gə́ boo-boo d’ula kuraje lə dee Kar dee d’aw to mán, Kuraje lə dee d’aw bwa-mán’g lé Nɛ d’iŋga mán el Ndá dee tel gə joje lə dee kari ba. Rɔkul gə́ boo gə kəm sɔḭ ra dee, Ar dee d’ila kubu dɔ dee’g.

Jeremi 8:7

Yel tira̰-ŋgo̰ gə́ aw tar lé Gər naḭ ləa ləm, Dərnda, gə ləbm-siri, gə dao̰ kara Deḛ tɔs kəm dee bao-bao Dɔ ndɔje’g lə dee gə́ kəm tel ree ne ləm tɔ. Nɛ dəwje lə neḛ Gər godndu Njesigənea̰ el.

Nɔ̰-ndôo gə́ wɔji dɔ Jerusalem 4:9

Deḛ gə́ d’wəi yoo-kiambas lé ndá Meḛ ti mbidi aree maji yaa̰ Unda dee-deḛ gə́ d’wəi yoo-ɓoo ɓa Guru ne naŋg lal kiŋga nésɔ dee.

Ejekel 7:12

Kàree si ree ləm, ndəa si aw gə́ nee dəb ləm tɔ! Maji kar njendogo né al rəa el ləm, maji kar kəm njerab-né to ndòo el ləm tɔ! Mbata oŋg lé nduba dɔ koso-dəwje’g lə deḛ lai gə́ bula digi-digi lé.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Amɔs 8:13

Mee ndəa’g neelé ŋgama̰dje gə́ maji péd-péd ləm, gə basaje ləm tɔ lé D’a kwəi yoo-kunda mán ya.

Lugu 19:44

D’a kya̰ mbal kára dɔ maree’g gə mba kari el mbata ree gə́ deḛ ree d’ooi ndəa gən lé i gər dee keneŋ el lé.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

2 Piɛrə 3:5

Tɔgərɔ ya, ləw ba ta gə́ Ala pa gə təa ya ar dara to ne ləm, naŋg kara ḭ ne dan mán’g gə aar dan mán’g ləma,