Esai 5:11 - Maktub gə́ To gə Kəmee

¹¹ Meeko̰ a koso dɔ deḛ gə́ teḛ gə ndɔ rad ya Ndoné goo nékai gə́ mḭ’g ləm, Gə deḛ gə́ ɓad ɓa kar loondul ɓəi ndá Man-nduú gə́ mḭ ɓa ula pər meḛ dee’g ləm tɔ.

Esai 5:11 ပူးပေါင်းရင်းမြစ်များ

2 Samel 19:35

Nɛ Barjilai tel ila mbai keneŋ pana: See m’a kisi kəmba ləbm ka̰da tɔɓəi ɓa m’a kaw gə mbai Jerusalem ya ɓəi wa.

Gosota-Kəmkàrje 20:1

Man-nduú gə́ mḭ to njekula sul dɔ loo’g ləm, Nékaije gə́ mḭ ar njekaiee ra ne né tar ɓəgəgə-ɓəgəgə ləm tɔ, Nana ɓa gə́ ra ɓəree ndá kəmkàr lalee.

Gosota-Kəmkàrje 23:32

Rudee ndá a tɔḭ to gə́ li bèe ləm, A tugai to gə́ li-ŋgɔrŋgo̰d ləm tɔ.

Esai 22:13

Nɛ aa ooje, boo-rɔkal gə rɔlel to keneŋ! Deḛ tɔl maŋgje gə badje ləm, Deḛ d’usɔ da gə d’ai mán-nduú ləm tɔ Pa ne pana: Ar sí j’usɔje gə j’aije Mbata bèlè j’a gə kwəije!

Esai 24:9

D’ai mán-nduú d’ɔs ne pa el ləm, Nékaije gə́ mḭ lé d’adə mbag-mbag ta njékai deeje’g ləm tɔ.

Esai 28:1

Meeko̰ a koso dɔ ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé ləm, Gə pudu gə́ to néɗɔi-rɔ dɔ wəl-loo gə́ aar kó’g Gə́ wɔji dɔ deḛ gə́ d’ar kido tɔs dee ndəgərə naŋg lé ləm tɔ.

Esai 28:3

Ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé D’a tubá naŋg gə gɔl dee,

Esai 5:22

Meeko̰ a koso dɔ deḛ gə́ d’wa rɔ dee kɔgərɔ Mba kai mán-nduú gə́ mḭ ləm, D’ar njaŋg dɔ podé nékaije gə́ mḭ na̰’d ləm,

Esai 56:12

Gə́ reeje, m’a kaw saŋg mán-nduú Ndá jeḛ j’a kaije nékai gə́ mḭ! Bèlè kara j’a ra togə́bè ya ɓəi ləm, J’a kaije yaa̰ karee ur dɔ yeḛ gə́ nee ya ɓəi ləm tɔ!

Habakuk 2:15

Meeko̰ a koso dɔ sí-seḭ’d Gə́ arje mar síje nékai gə́ mḭ d’ai lé Seḭ gə́ mbélje né gə́ mee ku’g lə sí dɔ maree’g Ar deeje d’ai aree oso kəm dee’g Gə mba kar sí ooje ne meembaa dee lé.

Habakuk 2:5

Njebeelé lé to asəna gə dəw gə́ kido tɔlee aree ti ne rəa Ndá yeḛ si lɔm el, Yeḛ teḛ təa to gə́ bwa-dɔɓar bèe ləm, Yeḛ to asəna gə yoo gə́ né asee el bèe ləm tɔ, Yeḛ ndɔr ginkoji dəwje gə raŋg lai gə́ rəa’g ləm, Yeḛ mbo̰ koso-dəwje lai gə́ rəa’g ləm tɔ.

Lugu 21:34

Meḛ sí dɔ rɔ sí’g nà banelə meḛ sí a to dɔ nésɔ’g gə dɔ nékai’g ya ɓa bururu ləm, gə dɔ néje lai gə́ dɔ naŋg nee gə́ njékar meḛ sí pélé wəs-wəsje ləm tɔ ɓa ndəa neelé a kuba sí naŋg bus.

Njé gə́ Rɔmə 13:13

Ar sí njaaje danasur asəna gə dəw gə́ njaa dan kàrá. Ɓər lə kido ləm, gə néraje gə́ ndəl-ndəl ləm, gə kəmnda ləm, gə mɔdkaiya ləm, gə kɔl na̰ ləma, gə kəmkəḭ ləm tɔ, néje neelé saaje rɔ sí keneŋ rəw.

1 Njé gə́ Kɔrḭtə 6:10

əsé njételrɔ dee gə́ denéje əsé ram-dəwje əsé njéɓogoje əsé njékəmndaje əsé njéko̰laolarje əsé njéra ɓər lə kidoje əsé njétajikilje əsé gayim-dəwje lé deḛje neelé d’a kiŋga nédɔji lə dee ɓeeko̰’g lə Ala pai godo.

Njé gə́ Galati 5:21

gə kəmkəḭ ləm, gə kaw gə́ dəw-kido ləm, gə néra gə́ ndəl-ndəl ləma, gə néje gə́ raŋg gə́ as sə dee togə́bè lé ləm tɔ. Ma m’ula sí təsərə to gə́ ma m’ula sí kédé tɔɓəi tɔ, dəwje gə́ ra néje gə́ togə́bè lé d’a kila gɔl dee ɓeeko̰’g lə Ala kiŋga nédɔjije keneŋ pai godo.

1 Samel 25:36

Abigayil tel ree rɔ Nabal’g. Nɛ aa oo, yeḛ ra naḭ gə́ boo mee kəi’g ləa asəna gə naḭ gə́ ka̰ mbai bèe. Mee Nabal lelee ləm, kido rəa yaa̰ ləm tɔ. Abigayil ulá ta né gə́ lam əsé gə́ boi kára kara el saar ar loo àr.