Esai 5:10 - Maktub gə́ To gə Kəmee

¹⁰ Ŋgan ndɔ-nduú dɔg ndá manee a kas litər rɔ-mi el ləm, Kandə kó gə́ ka̰ dubu as nékwɔji kwɔi-lə-né tɔl (100) Ndá a kandə gə ka̰dee as nékwɔji kwɔi-lə-né dɔg ba ləm tɔ.

Esai 5:10 ပူးပေါင်းရင်းမြစ်များ

Teḛ-Raga 37:22

Dɔ kureje gə barkəm kag pərndɔje lé deḛ to kubururɔ gə́ kára ba ya, deḛ ra deḛ lai gə larlɔr gə́ ra kəi-kɔr’g ləm, to larlɔr gə́ àr ŋgad-ŋgad ləm tɔ.

Esai 32:13

Gə dɔ naŋg lə koso-dəwje ləm Gə́ kunje gə kun-pɔrɔrɔje d’uba keneŋ ləma, Gə dɔ kəije lai gə́ kédé maji yaa̰ Mee ɓee-boo gə́ to ɓee-rɔlel lé ləm tɔ.

Esai 7:23

Mee ndəa’g neelé Looje lai gə́ kag-nduú a to keneŋ tɔl-dɔg (1.000) Gə́ gad dee as larnda tɔl-dɔg (1.000) lé D’a kya̰ kar kunje gə ŋgarje tur dɔ dee.

Jeremi 48:33

Rɔlel gə kalrɔ sané pá Mee loo-ndɔ kagje’g ləm, Gə mee ɓee gə́ Moab ləm tɔ, Ma m’ar mán-nduú Yi mee dura-mbula’g tə-tə, Dəwje mbula nduú gə ndu pa rɔlel Loo-mbula’g el ŋga, Ndu kó-rɔ ɓa ɓar ɓó ndu rɔlel ɓar el.

Joɛl 1:17

Kandə koje tudu naŋg kurum-kurum ləm, Mee damje to wəl ləm, Kəi-ŋgəm-néje tuji pugudu-pugudu ləma, Ko gə́ lam bèe kara godo ləm tɔ.

Ləbije 26:26

Loo gə́ m’a kar nésɔ sí rəm gogo mba̰ ndá denéje dɔg d’a kɔré muru mee pil gə́ kára ba ndá d’a kaw ne kar sí nɛ muru lé a keḭ el ləm, seḭ a ko̰je kara a koso loo ɓó’g lə sí el ləm tɔ.

Ləbije 27:16

Ɓó lé dəw gaŋg ndɔ ləa unda gə kəmee ar Njesigənea̰ ndá i a kwɔji gadee gə goo kandə kó gə́ ka̰ dubu keneŋ, kandə ɔrj gə́ ka̰ dubu as nékwɔji kwɔi-lə-né tɔl-munda lé gadee a kas larnda rɔ-mi.

Ajee 1:6

Seḭ dubuje kó gə tadee rəg-rəg ya nɛ seḭ injaje lam ba bèe. Seḭ sɔje né yaa̰ ya nɛ ndanje ndanee el. Seḭ aije né yaa̰ ya nɛ tɔlje ne kunda lə sí el. Seḭ ulaje kubu ya nɛ rɔ sí nuŋga ne so el tɔ. Nédɔji lə yeḛ gə́ ra kula ar maree godo kalaŋ asəna gə né gə́ ɔm mee ɓɔl gə́ kəmee mbudu’g bèe.

Ajee 2:16

Mee ndəa’g neelé ɓó lé dəw aw loo gə́ d’ɔm kó dɔ na̰’d as kəm nékwɔjee rɔ-joo ndá kó neelé nai keneŋ mee né dɔg ba. Ɓó lé dəw aw ta dura gə́ d’ɔm mán-nduú keneŋ mba kɔr kulum rɔ-mi ndá nai keneŋ as rɔ-joo ba ya.

Tel tura Godndu 28:38

Seḭ a kodoje kó né yaa̰ mba kaw dubu nɛ seḭ a kinjaje lam ba bèe mbata beedéje d’a ko̰ lai.

Tel tura Godndu 28:39

Seḭ a ma̰aje nduúje lə sí ləm, a ndɔ deeje bur-bur ləm tɔ, nɛ seḭ a kaije mán dee el, seḭ a kinjaje kandə dee el mbata kɔrèje d’a sɔ dee ŋgər-ŋgər.