Esai 49:6 - Maktub gə́ To gə Kəmee

⁶ Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Esai 49:6 ပူးပေါင်းရင်းမြစ်များ

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

2 Mbaije 20:10

Ejekias tel ilá keneŋ pana: Kar ndil kag lé aw kédé as loo dɔg to né gə́ lam ba, nɛ maji karee rəm gə́ gogo ɓa as loo dɔg.

2 Mbaije 3:18

Nɛ né neelé to né gə́ lam ba kəm Njesigənea̰’g ɓəi, yeḛ a gə kɔm Moabje meḛ ji sí’g tɔ ndá,

Pakɔsje 37:28

Mbata Njesigənea̰ ndigi néra gə́ gə meekarabasur ləm, Yeḛ uba majikojije ləa ya̰ dee el ləm tɔ, Yeḛ tɔs kəmee bao-bao dɔ dee’g. Nɛ ŋgaka njémeeyèrje lé D’a kudu bo̰ dɔ naŋg nee.

Pakɔsje 67:3

Mba kar deḛ gə́ dɔ naŋg nee gər ne rəw ləi ləm, Mba kar ginkoji dəwje gə raŋg kara gər ne rəw-kaji lé ləm tɔ.

Pakɔsje 97:10

Seḭ gə́ undaje Njesigənea̰ dan kəm sí’g lé Ǝ̰jije né gə́ majel bəḭ-bəḭ ya. Yeḛ tɔs kəmee bao-bao dɔ majikojije’g ləa Ɔr dee ne ji njémeeyèrje’g.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 42:10

Ɔsje pa gə́ sigi arje Njesigənea̰, Ɔsje pa pideeje ne Areeje ɔr gwɔi naŋg nee njal, Seḭ gə́ awje dɔ baa-boo-kad’g Gə seḭ gə́ síje ta’g ləm, Seḭ dɔgoré-looje gə dəwje lai gə́ d’isi keneŋ ləm tɔ.

Esai 42:6

Ma Njesigənea̰ m’ɓari Mba kari ra néra gə́ gə dɔ najee. M’a kwa jii ləm, M’a ŋgəmi ləma, M’a kundai gə́ némanrɔ Gə́ m’a man ne rɔm kar koso-dəwje ləm tɔ Gə mba kari to lookàr lə ginkoji dəwje gə raŋg.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 48:20

Undaje loo mee ɓee gə́ Babilɔn teḛje ləm, Ḭje dan Kaldeje’g aḭje ləm tɔ! Paje gə ndu kalrɔ, ilaje ne mberee Ar deḛje gə́ d’isi gwɔi naŋg’d d’oo taree Pajena: Njesigənea̰ uga dɔ kura ləa Jakob!

Esai 51:4

Koso-dəwje ləm, Sije gèŋ ooje ndum! Ginkoji dəwje ləm, Urje mbi sí gə́ rɔm’g nee! Mbata godndu a kḭ rɔm’g ləm, M’a tum gel godndum Gə mba karee to gə́ lookàr lə koso-dəwje ləm tɔ.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Esai 56:8

Mbaidɔmbaije gə́ Njesigənea̰ gə́ mbo̰ Israɛlje Gə́ sanéna̰ lé pa pana: M’a gə mbo̰ dəwje gə́ raŋg rəa’g, Rɔ njé’g ləa gə́ mbo̰ dɔ na̰ mba̰ lé.

Esai 60:3

Ginkoji dəwje gə raŋg d’a njaa Goo néndogó’g ləi ləm, Mbaije kara d’a njaa Goo lookàr’g ləi ləm tɔ.

Esai 62:11

Aa ooje, ta gə́ Njesigənea̰ ila mberee Aree oso gə loo mbidi-mbidi dɔ naŋg nee pana: Ulaje koso-dəwje gə́ Sio̰ pajena: Aa ooje, njekaji sí si aw gə́ rɔ sí’g nee, Aa ooje, nékoga-dɔ-ji ləa lé to meḛ jia’g ləm, Nékoga-dɔ-jia lé to nea̰’g ləm tɔ.

Jeremi 12:16

Ɓó lé deḛ ndoo panjaa koso-dəwje lə neḛ ləm, ɓó lé deḛ manrɔ dee gə ri neḛ pa ne pana: Njesigənea̰ to Njesikəmba to gə́ deḛ ndoo koso-dəwje lə neḛ d’ar dee manrɔ dee gə ri Baal ləm tɔ lé ndá d’a si dan rɔlel’g mbuna koso-dəwje’g lə neḛ ya.

Misee 5:3

Yeḛ a kḭ ta ndá A kul badə-kosoje ləa gə siŋgamoŋ lə Njesigənea̰ ləm, Gə rɔnduba lə ri Njesigənea̰, Ala ləa ləm tɔ! D’a kiŋga loo-si dee gə́ d’a si ne gə meekulɔm, Mbata d’a kula rɔnduba dəa’g saar kɔr rudu naŋg nee njal.

Jakari 6:13

Yeḛ a tel kunda kəi lə Njesigənea̰ gə́ to gə kəmee ya. Tɔɓəi yeḛ a kɔm nétɔjije gə́ wɔji dɔ rɔnduba lé rəa’g, Yeḛ a si dɔ kalimbai’g ləa gə mba ko̰ɓee ləm, Yeḛ a to njekinjanéməs dɔ kalimbai’g ləma, Kankəm kɔm na̰’d gə́ maji ɔr njoroŋ A to mbuna dee-deḛ’g joo bɔr ləm tɔ.

Jakari 8:22

Bèe ɓa koso-dəwje bula ləm, Gə ginkoji dəwje bula ləm tɔ D’a ree saŋg Njesigənea̰ gə́ njeboo-néje Gə mba ra ndòo rəa’g mee ɓee gə́ Jerusalem.

Lugu 2:32

Yee neelé to lookàr gə́ a ndogó jol-jol dɔ ginkoji dəwje gə raŋg’g ləm, A kula rɔnduba dɔ koso-dəwje ləi gə́ Israɛl lé ləm tɔ.

Néra Njékaḭkulaje 13:47

Mbata Mbaidɔmbaije un ndia ar sí togə́bè pana: Neḛ n’undai gə́ lookàr lə ginkoji dəwje gə raŋg Mba kari un ta kaji lé aw ne saar teḛ ne gwɔi naŋg’d.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

Néra Njékaḭkulaje 26:23

Deḛje neelé pana: Kristi lé némeeko̰ a gə rəa ləm, yeḛ nja a to dəw gə́ doŋgɔr gə́ a teḛ dan njé gə́ d’wəi’g ləma, yeḛ nja a kila mber ta lə lookàr lé kar koso-dəwje ləm, ginkoji dəwje gə raŋg ləm tɔ.