Esai 49:4 - Maktub gə́ To gə Kəmee

⁴ Ndá ma m’pana: Ma lé m’ra kula kari ba ləm, M’sané siŋgam pi Asəna gə dəw gə́ aiŋgwɔd goo lel’g bèe ləm tɔ. Tɔgərɔ ya, né gə́ wɔji dɔm lé To rɔ Njesigənea̰’g ləm, Nékoga-dɔ-jim kara To rɔ Ala’g lé ləm ləm tɔ.

Esai 49:4 ပူးပေါင်းရင်းမြစ်များ

1 Mbaije 19:10

Yeḛ tel ilá keneŋ pana: Ma m’riba dɔ ri Njesigənea̰, Ala gə́ njeboo-néje lé gə goo malee gə́ ram ŋgwɔd-ŋgwɔd ya, mbata Israɛlje d’uba goo manrɔ ləi d’ya̰ ləm, deḛ tɔs loo-nékinjanéməsje ləi tila ləma, deḛ tɔl njéteggintaje ləi gə kiambas ləm tɔ, ma nja m’nai gə karm ba ndá deḛ saŋg loo mba tɔlm tɔ.

Gosota-Kəmkàrje 29:26

Dəwje bula saŋg loo taa kəm njeko̰ɓee, Nɛ Njesigənea̰ ɓa to njekɔrkəmta lə nana kara gə goo rəbee.

Esai 25:1

Njesigənea̰, i lé to Ala ləm, M’a kɔs gajii kula ne rɔnduba dɔ rii’g Mbata i ra néje gə́ maji dum, Néje gə́ i wɔji-kwɔji ra kédé lé D’aw lée’g béréré ya.

Esai 35:4

Ulaje deḛ gə́ meḛ dee to kəgəgə lé pajena: Waje diŋgam meḛ sí’g ɓó ɓəlje el, Aa ooje, Ala lə sí lé yeḛ a ree dal ba̰ lə sí Kuga ne dɔ ji deḛ gə́ ra sə sí majel, Yeḛ a ree gə rəa-yeḛ nja mba kaji sí.

Esai 40:10

Aa ooje, Mbaidɔmbaije gə́ Njesigənea̰ lé si ree gə siŋgamoŋ Yeḛ a ko̰ɓee gə jia gə́ ɓar mèr-mèr, Aa ooje, nékoga-dɔ-ji ləa to meḛ jia’g ləm, Nékoga-dɔ-jije ləa lé to nea̰’g ləm tɔ.

Esai 40:27

Seḭ ŋgaka Jakob lé see ban ɓa seḭ paje bèe wa. Seḭ Israɛlje lé see ban ɓa seḭ paje pana: Né gə́ wɔji dɔ sí lé Iya rəa kəm Njesigənea̰’g ləm, Né gə́ kəm kar sí j’iŋgaje lé Dəs no̰ Ala’g lə sí lal karee oo ləm tɔ ɓa paje bèe wa.

Esai 57:21

Meekulɔm godo mbata lə njémeeyèrje, Ala ləm pa bèe.

Esai 59:18

Yeḛ a kuga dɔ ji nana kara Gə goo kula rəa-rəa ləm, Yeḛ a kuga njékoma̰ səaje lé Gə oŋg-boo ləm, Gə njéba̰je ləa togə́bè ləm tɔ. Deḛ gə́ d’isi dɔgoré-looje’g kara A ra sə dee bèe tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 62:11

Aa ooje, ta gə́ Njesigənea̰ ila mberee Aree oso gə loo mbidi-mbidi dɔ naŋg nee pana: Ulaje koso-dəwje gə́ Sio̰ pajena: Aa ooje, njekaji sí si aw gə́ rɔ sí’g nee, Aa ooje, nékoga-dɔ-ji ləa lé to meḛ jia’g ləm, Nékoga-dɔ-jia lé to nea̰’g ləm tɔ.

Esai 65:2

M’duu jim gə ndɔje kára-kára lai Par gə́ rɔ koso-dəwje gə́ njékɔsta-rəwje’g Gə́ njaa rəw gə́ majel’g Gə goo takə̰jije lə dee ləm,

Esai 65:23

Deḛ d’a ra kula karee nai rɔ dee’g kari ba el ləm, D’a koji ŋganje kar dee tuji el ləm tɔ, Mbata d’a to ginka dəwje gə́ Njesigənea̰ tɔr ndia dɔ dee’g Gə dɔ ŋgan deeje’g sə dee na̰’d.

Ejekel 3:19

Nɛ ɓó lé m’ula njemeeyèr ɓa yeḛ uba goo meeyèr ləa gə goo rəw néra gə́ majel ləa ya̰ el ndá yeḛ a kwəi dan néra kori-korije’g ləa ya nɛ ma ɓa yḛ̀ m’a taa rɔm.

Ləbije 26:20

Seḭ a saneje siŋga sí kari ba ləm, dɔ naŋg lə sí a kinja gə né el ləma, kagje gə́ dɔ naŋg ɓee’g lə sí kara d’a kandə el ləm tɔ.

Matiyo 17:17

Jeju ilá keneŋ pana, seḭ ginkoji dəwje gə́ njéndɔjitaje ləm, gə mbim-oo-ta-elje ləm tɔ lé see m’a si sə sí ndɔm ka̰da tɔɓəi wa. Esé see ndɔ gə́ ra ɓa rɔm a kasm dɔ sí’g ɓəi wa. Ndɔreeje gə́ rɔm’g nee.

Matiyo 23:37

Seḭ njéɓeeje gə́ Jerusalem, seḭ njéɓeeje gə́ Jerusalem lé seḭ gə́ tɔlje njéteggintaje gə tilaje deḛ gə́ d’ula dee rɔ sí’g gə kɔri-ərje lé see gɔl ka̰da ɓa ma m’ndiŋga rɔm mba mbo̰ sí gelm’g to gə́ ko̰ kṵja mbo̰ ne ŋganee gel bagee’g bèe nɛ seḭ ṵdamje ɓad nee ɓəi wa.

Lugu 24:26

See Kristi lé néurti a rəa togə́bè ɓa mba karee andə ne loo-ronduba’g ləa lé el wa.

Tagə́maji gə́ Ja̰ ndang 1:11

Yeḛ ree rɔ dəwje ləa gə́ gəd-gəd ya nɛ deḛ d’wá gə́ rɔ dee’g el.

Njé gə́ Rɔmə 10:21

Nɛ yeḛ pata wɔji ne dɔ Israɛlje pana: Neḛ n’duu ji neḛ par gə́ rɔ koso-dəwje Gə́ to njékaltaje gə gɔŋgé-maḭtaje Dɔbee’g saar kàr ur naŋg jigi.

2 Njé gə́ Kɔrḭtə 12:15

Ma lé m’a kḭ gə məəm mba tuji néje ləm gə mbata lə sí ləm, darɔm ya kara m’a tujee gə mbata lə kankəmrɔ sí ləm tɔ. Ɓó lé ma m’unda sí dan kəm’g yaa̰ bèe lé see yee nja a kar goo ndigi gə́ seḭ ndigimje lé a yɔr ne wa.

2 Njé gə́ Kɔrḭtə 2:15

Jeḛ lé j’isi mbuna njé gə́ d’aji’g ləm, gə mbuna deḛ gə́ d’a gə saḭ’g ləm tɔ, nɛ jeḛ j’ə̰də baḭ Kristi ɓa no̰ Ala’g lé.

Njé gə́ Galati 4:11

Ma m’ɓəl nà banelə kula gə́ m’ra mbata lə sí lé ma m’bəg rɔm keneŋ gə mḭdé ba.

Njé gə́ Pilibə 2:16

ta gə́ wɔji dɔ kisi gə kəmə lé kara seḭ a kwaje dan dee’g kɔgərɔ ləm tɔ. Ɓó lé seḭ a raje togə́bè ndá ndɔ ka̰ Kristi lé m’a koo loo gə mba ti ne rɔm mbata ŋgwɔd gə́ m’aḭ lé m’aḭ gə mḭdé el ləm, kula kara m’ra gə́ ŋgar el ləm tɔ.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.