Esai 49:3 - Maktub gə́ To gə Kəmee

³ Tɔɓəi yeḛ ulam pana: Ma m’to kura lə neḛ, Ma m’to Israɛl gə́ yeḛ a kiŋga nérɔnduba rɔm’g.

Esai 49:3 ပူးပေါင်းရင်းမြစ်များ

Esai 41:8

Nɛ seḭ Israɛlje gə́ toje kuraje ləm, Seḭ ŋgaka Jakob gə́ ma m’ɔr sí, Seḭ ŋgaka Abrakam gə́ m’unda sí dan kəm’g lé.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Esai 52:13

Aa ooje, kura ləm a teḛkɔr, Yeḛ a si tar ɗaŋg ləm, A kiŋga riɓar ləma, A kur dɔ loo’g ləm tɔ.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Jakari 3:8

Bèe ndá i Jujee ŋgɔ-njekinjanéməs, Maji kari oo ta, I seḭ gə njéboalookawje ləi gə́ d’isi nɔḭ’g Mbata dəwje neelé d’a to gə́ nétɔji, Aa oo, n’a kar kura lə neḛ gə́ ria lə Barkəm-kag-gə́-uba lé unda loo teḛ.

Matiyo 17:5

Ta gə́ pa nai təa’g ɓəi ndá mum ree liriri dəb dɔ dee’g rigim ar ndu dəw ɓar mee mum’g neelé wəl pana: Yeḛ neelé to Ŋgonəm gə́ gəd-gəd gə́ m’undá dan kəm’g gə́ taa kəm rəgm ya. Taaje ta təa’g.

Tagə́maji gə́ Ja̰ ndang 12:28

Bɔm, ar rii oso gə loo mbidi-mbidi ya! Yen ŋga ndu ɓar dara pana: Rim oso gə loo mbidi-mbidi mba̰, nɛ m’a kar rim oso gə loo-loo ya tɔɓəi.

Tagə́maji gə́ Ja̰ ndang 15:8

Ɓó lé seḭ a̰dje gə kandə sí njim-njim ndá yee ɓa seḭ a kulaje ne rɔnduba dɔ Bɔm’g ləm, seḭ a toje njékwakilamje ləm tɔ.

Tagə́maji gə́ Ja̰ ndang 17:1

Loo gə́ Jeju pa togə́bè mba̰ ndá yeḛ un kəmee gə́ dara pana: Bɔm, kàree teḛ mba̰ ya. Maji kari ula rɔnduba dɔ Ŋgoni’g mba kar Ŋgoni kara ula ne rɔnduba dɔi’g tɔ.

Tagə́maji gə́ Ja̰ ndang 17:4

Ma m’ula rɔnduba dɔi’g dɔ naŋg nee ləm, kula gə́ i am mba karm m’ra dɔ naŋg neelé ma m’ra m’tɔlee bém mba̰ ləm tɔ.

Njé gə́ Epesə 1:6

Maji kar noji gə́ yeḛ wa sə sí gin yeḛ gə́ to ŋgonkəmee lé a nduba ne rəa gə́ raga kar dee pidee ne.

2 Njé gə́ Tesalonikə 1:10

Loo gə́ yeḛ a ree mee ndəa’g neelé ndá dəwje ləa gə́ to gə kəmee lé d’a kula rɔnduba dəa’g ləm, deḛ lai gə́ d’ɔm meḛ dee dəa’g lé kaar dee a kwa dee paḭ ləm tɔ. Ta nee wɔji dɔ sí-seḭ to mbata seḭ taaje gin ta gə́ j’ɔr j’ar sí lé.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.