Esai 49:23 - Maktub gə́ To gə Kəmee

²³ Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 49:23 ပူးပေါင်းရင်းမြစ်များ

Gḭ-Néje 27:29

Maji kar dəwje ra né d’ari ləm, Kar ginkoji dəwje gə raŋg d’unda barmba nɔḭ’g ləm tɔ! Maji kari to mbai dɔ ŋgakɔḭje ləm, Kar ŋgakɔḭje gə́ diŋgam d’unda barmba nɔḭ’g ləm tɔ! Ndɔl a kwa dɔ nana ɓa gə́ ila ndɔl dɔi’g ləm, Ndutɔr a nai dɔ nana ɓa gə́ tɔr ndia dɔi’g ləm tɔ.

Gḭ-Néje 43:26

Bèe ɓa loo gə́ Jisəb tel kəi ndá deḛ d’un né-lapia lə dee gə́ deḛ ree ne lé d’aree tɔɓəi deḛ d’unda barmba naŋg nea̰’g tɔ.

Pakɔsje 138:4

Ǝi Njesigənea̰, mbaije lai gə́ dɔ naŋg nee D’a pidii loo gə́ d’oo taje gə́ teḛ tai’g lé!

Pakɔsje 25:3

Deḛ lai gə́ d’unda meḛ dee yel dɔi’g lé Rɔ dee a kul el, Deḛ gə́ d’un dɔ mar deeje gə́ sḭ lé Deḛ nja rɔkul a dəb dɔ dee’g.

Pakɔsje 34:22

Némeeko̰ tɔl njemeeyèr ləm, Njéba̰je lə njemeekarabasur lé Bo̰ néra dee ɔs ta dee’g bɔsɔrɔ ya ləm tɔ.

Pakɔsje 68:31

Da gə́ loo-siée to mee mu-kwaa’g ləm, Gə koso-bɔ maŋgje gə ŋgan maŋgje lə koso-dəwje neelé Gə́ d’unda barmba nɔḭ’g gə larndaje lə dee ləm tɔ lé Maji kari ḭ sə dee ar dee ndəb pəd-pəd, Koso-dəwje gə́ mal rɔ ra dee kara Maji kari sané dee kad-kad ləm tɔ.

Pakɔsje 69:6

Ǝi Ala, i lé gər néra mbə ləm gao ya ləm, Néramje gə́ to gə goo rəbee el lé kara D’iya rɔ dee kəmi’g el ləm tɔ.

Teḛ-Raga 6:7

M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 14:2

Ginkoji dəwje gə raŋg d’a kwa dee kaw sə dee mee ɓeeje’g lə dee gogo ndá ŋgaka Israɛlje d’a taa ɓee neelé gə́ né ka̰ dee-deḛ asəna gə kuraje gə́ diŋgam gə njé gə́ dené bèe, d’a kwa dee-deḛ gə́ d’wa dee ɓər kédé lé gə́ ɓərje lə dee ləm, d’a ko̰ɓee dɔ deḛ gə́ kédé d’ula kəm dee ndòo lé ləm tɔ.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 26:8

Gelee gə́ nee ɓa, əi Njesigənea̰, Jeḛ ŋginai ne dɔ rəwta-gaŋgje’g ləi, Jeḛ ndiŋgaje rɔ sí gə mba ɓar rii ləm, J’ar meḛ sí olé ne dɔi’g ləm tɔ.

Esai 29:22

Gelee gə́ nee ɓa Njesigənea̰, yeḛ gə́ njekaji Abrakam lé Pa ta ar gel-bɔje lə Jakob pana: Ɓasinè lé rɔkul a kwa kəm Jakobje el ŋga ləm, Ɓasinè sɔḭ a kwa kəm dee el ŋga ləm tɔ.

Esai 41:20

Gə mba kar dee d’oo gər ləm, Kar dee la̰ji toree d’oo njai ləm, Kar dee d’oo to gə́ ji Njesigənea̰ Ɓa ra néje neelé ləma, Njerɔkunda lə Israɛlje ɓa gə́ njegin néje neelé ləm tɔ.

Esai 43:10

Njesigənea̰ pana: Seḭ nja toje njékɔrgootaje ləm Seḭ gə kura ləm gə́ ma m’ɔree Gə mba kar sí gərje gao ləm, Kar sí ɔmje meḛ sí dɔm’g ooje to gə́ to ma nja ləm tɔ. Ma m’to gə́ dɔtar Ɓó Ala gə́ njekunda rəa nɔm’g Ɓa m’orè gée ɓəi lé godo ləm, Yeḛ gə́ a korè goom kara godo ləm tɔ.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 50:7

Nɛ Mbaidɔmbaije gə́ Njesigənea̰ la səm, Gelee gə́ nee ɓa ma m’oo rɔkulee gə́ né el ləm, Gelee gə́ nee ɓa m’ar ŋgo nɔm To asəna gə kɔri-mbal bèe ləm tɔ Mbata m’gər gao rɔkul a dəb dɔm’g el.

Esai 52:15

Togə́bè ɓa yeḛ a to nérɔlel lə koso-dəwje bula tɔ. Mbaije d’a ndem ta dee nea̰’g, Mbata d’a koo né gə́ d’ɔr soree d’ar dee kédé el ləm, D’a koo ta gə́ oso mbi dee’g kédé el ləm tɔ.

Esai 52:6

Gelee gə́ nee ɓa koso-dəwje ləm d’a gər ne rim. Gelee gə́ nee ɓa mee ndəa’g neelé d’a gər gao to gə́ to ma nja ɓa m’pata: aa ooje yén m’aar nee.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 60:3

Ginkoji dəwje gə raŋg d’a njaa Goo néndogó’g ləi ləm, Mbaije kara d’a njaa Goo lookàr’g ləi ləm tɔ.

Esai 62:2

Togə́bè ɓa ginkoji dəwje gə raŋg d’a koo kaji ləi ləm, Mbaije d’a koo rɔnduba ləi ləm tɔ Ndá d’a ɓari gə rii gə́ sigi Gə́ ta Njesigənea̰ ɓa a teḛ kunda ne dɔi’g.

Esai 64:4

I ɔr no̰ yeḛ gə́ ra né gə́ gə dɔ najee gə rɔlel ləm, Gə no̰ deḛ gə́ njaa gə kila-rəwje ləi, D’ar meḛ dee olé ne dɔi’g ləm tɔ. Nɛ məəi ḭ səi jugugu mbata jeḛ n’raje kaiya. Yee ɓa jeḛ j’isije ne dan némeeko̰’g kur sí əw Saar ɓa i ɔr sí danee’g ɓəi.

Ejekel 37:6

N’a gɔl ŋgira rɔ sí ləm, n’a kar dakasrɔ sí ɔs dɔ’g ləm, n’a kar ndar sí ɔn dɔ rɔ sí ləma, n’a kula kəmə meḛ sí’g ləm tɔ ndá seḭ a síje kəmba. Bèe ɓa seḭ a gərje ne to gə́ neḛ n’to Njesigənea̰.

Joɛl 2:27

Togə́bè ɓa seḭ a gərje gao To gə́ ma m’isi mbuna Israɛlje’g ya, Ma m’to Ala lə sí gə́ Njesigənea̰, Ɓó yeḛ gə́ raŋg godo, Bèe ɓa rɔkul a dəb dɔ dəwje’g ləm nda̰ el ŋga.

Misee 7:17

D’a munu nduji naŋg to gə́ li bèe ləm, To gə́ néje gə́ d’ag naŋg gə ta mee dee bèe ləm tɔ: D’a kḭ kəi-kaar-kɔgərɔje’g lə dee Kunda loo teḛ gə kəm ɓəl ləm tɔ, D’a ɓəl kunda bala tigi-tigi no̰ Njesigənea̰, Ala’g lə sí ləm, D’a ɓəl sí ləm tɔ.

Bula lə Israɛlje 11:12

See to ma nja ɓa m’əskèm dəwje neelé wa, see ma nja m’oji dee ɓa i ulam pana: M’odo dee kaarm’g asəna gə njekodo ŋgon ta mbà’g saar m’teḛ ne sə dee mee ɓee gə́ i man ne rɔi mba kar bɔ deeje-je lé wa.

Matiyo 25:16

Léegəneeya kura ləa gə́ taa ŋgan larlɔr mi lé ɔd aw tel kəmee iŋga ne ŋgan larlɔr gə́ raŋg mi dɔ’g tɔ.

Njé gə́ Rɔmə 10:11

Nana ɓa gə́ ɔm mée dəa’g ndá a ra kəmkul el.

Njé gə́ Rɔmə 5:5

Meekundayel lé a kɔd sí rɔm el mbata mbɔl dɔ Ndilmeenda gə́ Ala ar sí lé meenoji lə Ala rusu meḛ sí njḭ-njḭ.

Njé gə́ Rɔmə 9:33

to gə́ maktub gə́ to gə kəmee pa lé: Aa ooje, m’unda pil mbal mee ɓee gə́ Sio̰, To mbal gə́ a tuga gɔl dee kar dee d’oso ne Ndá yeḛ gə́ ɔm mée dəa’g ndá rɔkul a dəb dəa’g el.

1 Piɛrə 2:6

Mbata maktub gə́ to gə kəmee lé kara pa pana: Aa ooje, ma m’unda mbal mee ɓee gə́ Sio̰, To mbal kunda dɔ kum kəi m’ɔr m’unda gə kəmee ləm, Gadee to yaa̰ ləm tɔ. Nana ɓa gə́ ɔm mée dəa’g ndá a ra kəmkul el.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.