Esai 49:16 - Maktub gə́ To gə Kəmee

¹⁶ Aa ooje, Ma m’ndaŋg ri sí dabla jim’g, Kəm to dɔ sí’g pèrèrè.

Esai 49:16 ပူးပေါင်းရင်းမြစ်များ

Teḛ-Raga 13:9

Naḭ neelé a to nétɔji gə́ a to ji sí’g ləm, a to nékolé-mee gə́ a to ŋgo no̰ sí’g ləm tɔ gə mba kar godndu Njesigənea̰ to ne tai’g.

Pa gə́ ur dɔ paje 8:6

Maji kari wam kaari’g sud To gə́ nétorji bèe, To gə́ nétorji gə́ to kag jii’g, Mbata ndigi na̰ lé Siŋga yaa̰ to gə́ ka̰ yoo bèe ləm, Ra nḭ-na̰ lé kədərə To gə́ loo-si njé gə́ d’wəi bèe ləm tɔ. Ra mal-na̰ gə́ ra dee lé O̰ meḛ dee lèm-lèm to gə́ pər To gə́ ndo̰ pər lə Njesigənea̰ bèe.

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 54:12

M’a ra kəmbolè ndògo ləi Gə jər gə́ ria lə rubis ləm, Tarəwkɔgje ləi d’a to jərje Gə́ ri dee lə eskarbuklə ləma, Dan mee gadloo ləi lé M’a ra gə jərje gə́ gad dee to yaa̰ ləm tɔ.

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Esai 62:7

Maji kar sí areeje wa rəa el Saar karee gɔl ne Jerusalem gogo Gə mba karee to gə́ nérɔnduba gə́ dɔ naŋg nee.

Jeremi 17:1

Kaiya ra Judaje lé ndaŋg gə siga gə́ ra gə lar gə́ ndul Gə́ ra təa gə lar gə́ kədərə Gə́ ɓaree diama̰. Deḛ ndaŋg taree dɔɓəŋgərə dee’g ləm, Gə dɔ kum loo-nékinjanéməsje’g gə́ ḭta lə sí ləm tɔ.

Jeremi 22:24

Njesigənea̰ pana: Neḛ n’to njesikəmba, lé i Jekonia, ŋgolə Jojakim, mbai gə́ Juda to gə́ ŋgama gə́ jikɔl neḛ’g ya kara n’a kɔree gə́ léegəneeya.

Ajee 2:23

Njesigənea̰ gə́ njeboo-néje lé pana: Mee ndəa’g neelé n’a kuni-i Jorobabel, kura lə neḛ gə́ to ŋgolə Səaltiel. Njesigənea̰ ɓa pa bèe. N’a ŋgəmi asəna gə nétorji neḛ mbata neḛ nja n’kɔdi n’ɔri. Njesigənea̰ gə́ njeboo-néje ɓa pa bèe ya.