Esai 49:12 - Maktub gə́ To gə Kəmee

¹² Aa oo deeje, D’ḭ əw ɓa ree, Njé gə́ na̰je d’ḭ dɔgel gə dɔ-gó ləm, Njé gə raŋg d’ḭ ɓee gə́ Sinim ləm tɔ!

Esai 49:12 ပူးပေါင်းရင်းမြစ်များ

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Esai 11:12

Yeḛ a kun nétɔji gə́ tar kar ginkoji dəwje gə raŋg neelé d’oo To gə́ yeḛ a gə mbo̰ Israɛlje gə́ d’wa dee gə́ ɓər lé ləm, Yeḛ a mbo̰ Judaje gə́ sanéna̰ ləm tɔ Kar dee d’ḭ dɔ kum naŋg gə́ sɔ lé tel ree.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 49:1

Seḭ gə́ síje dɔgoré-looje’g lé Ooje ta ləm! Seḭ koso-dəwje gə́ síje əw lé Urje mbi sí gèŋ! Njesigənea̰ ɓarm mee ndəa gə́ d’ojim ne ləm, Yeḛ unda rim mee ndɔ gə́ ma m’teḛ ne mee kɔm’g ya ləm tɔ.

Esai 49:18

Unje kəm sí ooje ne loo gə́ gugu dɔ sí! Deḛ lai mbo̰ dɔ na̰ ree gə́ rɔ sí’g. Njesigənea̰ pana: Ma m’to njesikəmba. Seḭ a kɔm deeje rɔ sí’g Asəna gə néra ma̰dje ləm, Seḭ a tɔ deeje reŋ sí’g To gə́ njeŋgao-sigi tɔ ne néra ma̰dje rḛgee’g bèe ləm tɔ.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Esai 59:19

Un kudee dɔ-gó lé D’a ɓəl ri Njesigənea̰ keneŋ ləm, Un kudee loo gə́ kàr uba’g lé D’a ɓəl rɔnduba ləa keneŋ ləm tɔ. Loo gə́ njeba̰ lé a ree to gə́ mán baa bèe Ndá Ndil Njesigənea̰ a rəa karee aḭ.

Esai 60:4

Un kəmi aa ne looje gə́ gugu dɔi sub oo, Deḛ lai mbo̰ na̰ ree gə́ rɔi’g, Ŋganije gə́ diŋgam d’ḭ loo gə́ əw’g ree ləm, Ŋganije gə́ dené kara d’odo dee kag ji dee’g ləm tɔ.

Jeremi 30:10

I kura ləm Jakob, maji kari ɓəl el, Njesigənea̰ ɓa pa bèe, Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’d Gə́ d’isi keneŋ lé ləm tɔ, Jakob a tel ree ndá yeḛ a kiŋga Loo-kwa-rɔ gə loo-si-lɔm ləm, Dəw kára kara a jɔgee el ləm tɔ.

Misee 4:2

Ginkoji dəwje gə raŋg bula d’a kaw keneŋ ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí kar sí njaaje kila-rəwje’g ləa. Mbata godndu a kḭ Sio̰ ləm, Ta lə Njesigənea̰ a kḭ Jerusalem ləm tɔ.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Jakari 6:15

Deḛ gə́ d’ɔr rɔ dee d’aw əw lé d’a tel ree ləm, d’a ra kula gɔl kəi lə Njesigənea̰ gə́ to gə kəmee gogo ləm tɔ. Ndá seḭ a gərje gao to gə́ Njesigənea̰ gə́ njeboo-néje ɓa ulam rɔ sí’g. Ɓó lé seḭ ilaje ŋgonkoji dɔ ndukun’g lə Njesigənea̰ gə́ to Ala lə sí lé ndá né neelé a kaw lée’g béréré ya.

Matiyo 8:11

Bèe ɓa ma m’ula sí təsərə, njé gə́ na̰je bula d’a kḭ bər ləm, gə dɔ-gó ləm tɔ ndá d’a si na̰’d ta ka-nésɔ’g ɓeeko̰ gə́ dara na̰’d gə Abrakam, gə Isaak, gə Jakob tɔ.

Lugu 13:29

Koso-dəwje d’a kḭ bər gə dɔ-gó ləm, d’a kḭ dɔkɔl gə dɔgel ləm tɔ, d’a kwa na̰ kisi ta nésɔ’g mee ɓeeko̰’g lə Ala ya.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 7:9

Gée gə́ gogo m’aa loo gərərə ndá m’oo koso-dəwje bula dum tura gə́ d’ḭ d’ḭ mbuna ginkoji dəwje gə raŋg’g lai ləm, gə mbuna gelɓee dəwje-dəwje’g lai ləm, gə mbuna koso-dəwje lai ləma, gə mbuna deḛ lai gə́ takɔji dee gə́ gə ria-ria ləm tɔ. Deḛ d’aar no̰ kalimbai’g ləm, gə no̰ Ŋgonbad’g ləm tɔ gə kubu gə́ nda gə́ ŋgal yududu rɔ dee’g tɔɓəi kam kiaŋgar to ji dee’g tɔ.