Esai 49:10 - Maktub gə́ To gə Kəmee

¹⁰ Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Esai 49:10 ပူးပေါင်းရင်းမြစ်များ

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 25:4

Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 33:16

Ndá debee neelé a si dɔ looje gə́ tar, Loo-kula-dɔ ləa a to dɔ biri mbalje gə́ to kəmba’g, D’a karee muru ləm, Man a lalee el ləm tɔ.

Esai 35:6

Yen ɓa njémədje d’a tal jagəra-jagəra To gə́ arkas bèe ləm, Ndo̰ njégwɔskuduje kara D’a ɗila gə rɔlel ləm tɔ. Mbata manje d’a kuba tir-tir dɔdilaloo’g ləm, Kəm-rəw-manje d’a kula ndag-mbo’g yal-yal ləm tɔ.

Esai 35:7

Naŋgəra gə́ nuŋga kəd-kəd a tel to duu-mán Kar naŋg gə́ tudu kurum-kurum tel to ŋgira manje tɔ, Mee loo-si-kiya-rɔ lə tàlje lé Ko-ab gə ŋgawlal d’a kuba keneŋ.

Esai 4:6

Kəi-surum a to keneŋ mba kar ndilee ɔg loo nuŋga dan kàrá ləm, Gə mba to loo-kiya-rɔ keneŋ ləma, Gə mba karee to loo-kula-dɔ kar ko̰ ndi gə ndi undá el ləm tɔ.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 41:17

Njénékəmndooje gə njéndooje lé Saŋg mán ndá d’iŋga el, Ta dee tudu kurum-kurum Mbata kṵdaman gə́ tɔl dee Ndá ma Njesigənea̰ m’a koo ndu no̰ lə dee, Ma Ala lə Israɛlje m’a kuba dee kya̰ dee nda̰ el.

Esai 43:19

Aa ooje, m’a gə tum gin né gə́ sigi gə́ aw ree: See seḭ a gəreeje el wa. M’a ra rəw dɔdilaloo’g ləm, M’a kar mán baa to ndag-mbo’g ləm tɔ.

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Esai 48:21

Mee dɔdilalooje gə́ yeḛ a kɔr no̰ dee keneŋ lé Kṵdaman a tɔl dee el. Yeḛ a kar mán uba tir-tir kaar biri mbal’g Gə mbata lə dee ləm, Yeḛ a ta̰ biri mbal ndá Man a kaḭ ya ləm tɔ.

Esai 51:14

Waga ndá yeḛ gə́ rugu koŋgoŋ gel kúla lar’g lé A kɔr dəa kúla’g, Yeḛ a kwəi duu-loo’g el ləm, Nésɔ a lalee el ləm tɔ.

Esai 52:12

Maji kar sí undaje loo teḛje gə kaar gəd el ləm, Gə teḛje gə ŋgwɔd el ləm tɔ, Mbata Njesigənea̰ a kaw no̰ sí’g ləm, Yeḛ gə́ to Ala lə Israɛlje a korè goo sí ndəŋ ləm tɔ.

Esai 54:10

Lée mbalje d’a ŋgəs gə́ raŋg ləm, Lée dɔdərlooje d’a yə ləm tɔ kara Meenoji ləm a ŋgəs rɔ sí’g nda̰ el ləm, Maa̰ rɔ ləm gə́ wɔji dɔ meekulɔm lé M’a kya̰ gée el ləm tɔ, Njesigənea̰ gə́ to njekoo kəmtondoo lə sí ɓa pa bèe.

Esai 54:8

Gə goo oŋg gə́ ram waga lé Ma m’iya sə sí kəm, Nɛ gə goo meenoji ləm gə́ to gə no̰ lé ɓa M’a koo ne kəmtondoo lə sí, Njesigənea̰ gə́ njekoga dɔ sí ɓa pa bèe.

Esai 58:11

Njesigənea̰ a to njekɔrnoḭ ya ta-ta ləm, Yeḛ a kar məəi nda̰ tub Mee looje gə́ tudu kurum-kurum’g ləm, Yeḛ a kar barkəmrɔije tel ŋgəŋ ŋgəŋ-ŋgəŋ ləm, I a to kasəna gə loo-kamnaḭ Gə́ saga mán dɔ’g ləma, A to kasəna gə ŋgira mán Gə́ manje d’yi keneŋ tə el ləm tɔ.

Esai 65:13

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, kuraje ləm d’a sɔ né, Nɛ ɓó a ra sí-seḭ, Aa ooje, kuraje ləm d’a kai mán, Nɛ seḭ lé kṵdaman a ra sí, Aa ooje kuraje ləm d’a kal rɔ dee, Nɛ seḭ lé rɔkul a dəb dɔ sí’g,

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Ejekel 34:23

N’a kunda njekul dee kára ba dɔ dee’g karee ul dee, yee ɓa to kura lə neḛ Dabid, yeḛ a kar dee d’o̰ mu ləm, yeḛ a to njekul dee ləm tɔ.

Junas 4:8

Loo gə́ kàr uba mba̰ ndá Ala ar lel gə́ nuŋga pid-pid ḭ bər ula ləm, ar kàr kara nuŋga dɔ Junas’g ləm tɔ ndá yeḛ guru naŋg rug. Yeḛ ndiŋga rəa gə yoo pana: Ma lé kwəi ɓa ma m’ndigi yaa̰ unda kisi kəmba tɔ.

Misee 7:14

Maji kari ul koso-dəwje ləi gə kag gə́ ɗugu ləi, Deḛ gə́ to koso-nékulje gə́ to nékaḭ lé Deḛ gə́ d’isi gə kar dee ba dan mee kag-kɔr gə́ Karmel! Maji kar dee tel d’o̰ mu gə́ Basan gə Galaad To gə́ d’o̰ ne kédé bèe ya.

Matiyo 5:6

Deḛ gə́ mal ra né gə́ gə dɔ najee ra dee asəna gə kṵdaman gə́ tɔl dee əsé ɓoo gə́ ra dee lé rɔ dee lel dee, Mbata meḛ dee a ndan tub-tub ɓəi.

Tagə́maji gə́ Ja̰ ndang 6:35

Jeju ila dee keneŋ pana: Ma m’to muru ko̰ gə́ dəw a si ne gə kəmə lé. Nana ɓa gə́ ree rɔm’g ndá ɓoo a tibi mbɔree pai el ləm, nana ɓa gə́ ɔm mée dɔm’g ndá kṵdaman a tibi mbɔree pai el ləm tɔ.