Esai 48:9 - Maktub gə́ To gə Kəmee

⁹ Mbɔl dɔ rim ɓa M’ya̰ ne goo oŋg ləm yɔgɔ, Gə mbata rɔnduba ləm ɓa M’ɔg ne rɔm dɔ sí’g Lal tuji sí ne pugudu gə no̰.

Esai 48:9 ပူးပေါင်းရင်းမြစ်များ

Pakɔsje 106:8

Nɛ yeḛ aji dee mba kar ria ɓar ne ya Gə mba nduba ne siŋgamoŋ ləa gə́ raga.

Pakɔsje 143:11

Njesigənea̰, maji kari am m’isi kəmba gə mba kar rii ɓar ne, Ɔrm dan néurti’g gə goo néra gə́ gə dɔ najee ləi lé.

Pakɔsje 25:11

Ǝi Njesigənea̰, mbɔl dɔ rii lé ɓa I ar məəi ti ne mbidi dɔ néra kori-kori’g ləm, Mbata to né gə́ boo ya.

Pakɔsje 78:38

Nɛ lé bèe kara gə goo meekɔrjol ləa ɓa Yeḛ ar mée ti ne mbidi dɔ néra gə́ kori-kori’g lə dee Ɓó yeḛ tuji dee ne el: Ta-ta yeḛ wa goo oŋg ləa sud Ɓó ya̰ rəa yag dan boo-oŋg’g ləa el.

Pakɔsje 79:9

Ala, i gə́ to njekaji sí lé Maji kari ree la sə sí gə mba kar rii ɓar ne ləm, Gə́ taa dɔ sí ar məəi oso lemsé dɔ kaiya ra síje’g Mbata lə rii-i nja ləm tɔ.

Gosota-Kəmkàrje 19:11

Njekəmkàr lé ar oŋg ḭ səa kalaŋ el ləm, Kar mée wəi dɔ majel gə́ deḛ ra səa’g lé ɓa gə́ nérɔnduba ləa ləm tɔ.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 37:35

N’a kaḭ bada dɔ ɓee-boo’g neelé gə mba kajee mbata lə neḛ ləm, gə mbata lə kura lə neḛ Dabid ləm tɔ.

Esai 43:25

To ma nja ɓa m’tuji kaltaje lə sí Gə goo meenoji ləm ləm, M’a kar məəm olé dɔ kaiyaje’g lə sí Gɔgo el ləm tɔ.

Esai 48:11

Gə goo meenoji ləm-ma tɔgərɔ, Gə goo meenoji ləm-ma ɓa M’ndigi ra ne né, Mbata see to gə́ ban ɓa M’a kya̰ loo kar dee d’ila ndɔl dɔ rim’g wa. M’a kya̰ rɔnduba ləm kar dəw gə́ raŋg el.

Esai 65:8

Njesigənea̰ pa togə́bè pana: Loo gə́ d’oo mán-nduú mee ka̰dee’g ndá Deḛ pana: Tujee el Mbata né gə́ maji to gən! Gə goo meenoji ləm lé M’a ra togə́bè gə kuraje ləm Mba tuji dee ne lai el tɔ.

Jeremi 14:7

Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Ejekel 20:14

Nɛ lé togə́bè kara neḛ n’ra né gə mbata lə ri neḛ mba kar ndɔl wa ne dɔ ri neḛ kəm ginkoji dəwje gə raŋg gə́ n’ar dee d’unda loo kəm dee’g mee ɓee gə́ Ejiptə teḛ lé el.

Ejekel 20:22

Lée togə́bè kara neḛ n’rəm gə ji neḛ dɔ dee’g ɓó n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ neḛ n’ar dee d’unda loo mee ɓee gə́ Ejiptə kəm dee’g teḛ lé el.

Ejekel 20:44

Yen ɓa seḭ a gərje ne to gə́ neḛ n’to Njesigənea̰ loo gə́ n’a ra sə sí né gə mba ri neḛ ɓó gə goo panjaa sí gə́ majel əsé néraje lə sí gə́ mina̰ lé el, əi gel-bɔje lə Israɛl. Mbaidɔmbaije gə́ Njesigənea̰ ɓa pa bèe.

Ejekel 20:9

Nɛ lé togə́bè kara neḛ n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ d’isi mbuna dee’g el ləm, gə kəm ginkoji dəwje gə raŋg gə́ neḛ n’ar dee gər neḛ gə mba kar dee d’unda loo mee ɓee gə́ Ejiptə teḛ lé ləm tɔ.

Ejekel 36:21

Nɛ neḛ ndigi kaḭ bada dɔ ri rɔnduba’g lə neḛ gə́ to gə kəmee gə́ gel-bɔje lə Israɛl d’ila ndɔl dɔ’g mbuna ginkoji dəwje gə raŋg gə́ deḛ d’aw keneŋ lé,

Jujé 7:9

Kana̰je gə deḛ lai gə́ d’isi mee ɓee’g neelé d’a koo taree ndá d’a ree kaḭ dɔ sí sub ləm, d’a kar ri sí udu bo̰ dɔ naŋg nee ləm tɔ. Ŋga see ɗi ɓa i a ra mba kar boo-riɓar ləi to ne ɓəi wa.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.