Esai 48:6 - Maktub gə́ To gə Kəmee

⁶ Seḭ ooje ta néje neelé gə mbi sí mba̰. Loo gə́ d’aw lée’g béréré mba̰ ndá See seḭ a kilaje mberee el wa. Un kudee ɓasinè m’a gə kula sí ta néje gə́ sigi Gə́ to loo-kiya’d gə́ seḭ gər deeje el.

Esai 48:6 ပူးပေါင်းရင်းမြစ်များ

Pakɔsje 107:43

Maji kar yeḛ gə́ to gə́ njekəmkàr lé Tɔs kəmee dɔ néje’g neelé ləm, Maji karee ra kəmee rakaa dɔ némeemajije’g lə Njesigənea̰ lé ləm tɔ.

Pakɔsje 119:13

Rəwta gaŋgje lai gə́ teḛ tai’g lé Tam a teḛ pa taree kɔs goo na̰ ŋgɔg-ŋgɔg ya tɔ.

Esai 21:10

Ǝi dəwje ləm gə́ deḛ tal sí naŋg To gə́ tal ne kandə kó loo-kunda-kó’g bèe lé Ta gə́ ma m’oo ta Njesigənea̰ gə́ njeboo-néje’g Gə́ to Ala lə Israɛlje lé ɓa M’ula sí taree ya.

Esai 42:20

Seḭ ooje néje bula Nɛ seḭ ɔmje meḛ sí dɔ’g el, Mbi sí to tag nɛ Seḭ ooje ne ta el.

Esai 42:8

Ma m’to Njesigənea̰, yee ɓa to rim, Ndá m’a kya̰ rɔnduba ləm kar dəw gə́ raŋg el ləm, Riɓar ləm kara m’a kya̰ kar magəje el ləm tɔ.

Esai 42:9

Aa ooje, néje gə́ dɔtar D’aw lée’g béréré mba̰ Ndá néje gə́ sigi ɓa m’ula sí taree, Kédé ɓa kar dee teḛ ɓəi lé Ma m’ɔr gée m’ar sí ya.

Esai 43:19

Aa ooje, m’a gə tum gin né gə́ sigi gə́ aw ree: See seḭ a gəreeje el wa. M’a ra rəw dɔdilaloo’g ləm, M’a kar mán baa to ndag-mbo’g ləm tɔ.

Esai 48:7

To néje gə́ teḛ ɓasinè-ɓasinè Ɓó to néje gə́ to ləw el, Saar loo gə́ d’aw lée’g béréré lé Seḭ gərje el, Gə mba kar sí pajena: Aa ooje, seḭ gərje mba̰ lé bèe el.

Jeremi 2:31

Seḭ ginkoji dəwje, Maji kar sí ooje ta lə Njesigənea̰ gə́ né ya! See ma m’to asəna gə dɔdilaloo mbata lə Israɛlje Esé ma m’to ɓee gə́ loo ndul keneŋ njudu-njudu wa. See gelee ban ɓa dəwje ləm pana: Loo gə́ meḛ sí ndigi ya j’a kaw’g Jeḛ ndigi kaw rɔi’g el lé wa.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Amɔs 3:6

See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.

Misee 6:9

Ndu Njesigənea̰ ɓar dan ɓee-boo’g, Yeḛ gə́ to njekəmkàr ndá a ɓəl ria. Maji kar sí ooje ta lə ndəi ləm, gə yeḛ gə́ njekunda sí ləm tɔ.

Matiyo 10:27

Ta gə́ m’ula sí dan loo’g ndá paje dan kàrá, ta gə́ m’pa wédé-wédé mbi sí’g ndá ubaje ne dɔ kəije ilaje ne mber.

Tagə́maji gə́ Ja̰ ndang 15:15

Ma m’ɓar sí kuraje ləm el mbata kura lé gər néra ɓéeje el. Nɛ ma m’ɓar sí baokuraje ləm mbata néje lai gə́ ma m’oo rɔ Bɔm’g lé ma m’riba dəa pərəg m’ar sí ya.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

1 Njé gə́ Kɔrḭtə 2:9

Nɛ to gə́ ndaŋg taree mee maktub gə́ to gə kəmee ɓəd lé pana: To néje gə́ kəm dəw oo el ləm, Mbi dəw oo el ləma, Dəw la̰ji toree mée’g el ləm tɔ, Nɛ Ala nja wa dɔ gɔl néje neelé mba kar deḛ gə́ d’undá dan kəm dee’g.

Loo gə́ killa rea kəm Ja̰’g 1:19

Bèe ndá né gə́ ma m’oo lé gə néje gə́ to gən, gə néje gə́ a ree goo dee’g ləm tɔ lé maji kam ndaŋg taree mee maktub’g ya.

Loo gə́ killa rea kəm Ja̰’g 4:1

Tɔɓəi m’aa loo gə́ tar gərərə ndá m’oo rəw-kəi gə́ dara teḛ. Ndu dəw gə́ m’oo kédé lé ndia gə́ ɓar asəna gə to̰to̰ bèe lé to̰ ne səm tam pana: Al gə́ tar nee m’a kari oo né gə́ a teḛ ndɔ gə́ a ree lé.