Esai 48:21 - Maktub gə́ To gə Kəmee

²¹ Mee dɔdilalooje gə́ yeḛ a kɔr no̰ dee keneŋ lé Kṵdaman a tɔl dee el. Yeḛ a kar mán uba tir-tir kaar biri mbal’g Gə mbata lə dee ləm, Yeḛ a ta̰ biri mbal ndá Man a kaḭ ya ləm tɔ.

Esai 48:21 ပူးပေါင်းရင်းမြစ်များ

Nehemi 9:15

I ar dee muru gə́ ḭ mee dara’g Mbata lə ɓó gə́ tɔl dee ləm, I ar mán uba kaar mbal’g ar dee d’ai Mbata kṵdaman gə́ tɔl dee ləm tɔ. Tɔɓəi i ula dee mba kar dee d’aw Mee ɓee gə́ i un ndui gə ndu manrɔ gə mba kar dee gə́ ka̰ dee lé.

Nehemi 9:20

I ar dee ndili gə́ maji Mba kar kəm dee àr ne ləm, I ɔg dee muru ləi gə́ ḭ dara el ləma, I ar dee mán d’ai mbata kṵdaman gə́ tɔl dee ləm tɔ.

Pakɔsje 105:41

Yeḛ ta̰ kaar mbal ar mán teḛ keneŋ Man lé ula gɔl-gɔl taa loo yal-yal To gə́ mán baa gə́ ula looje gə́ tudu kurum-kurum’g lé bèe.

Pakɔsje 74:15

I ar kəm-rəw-manje gə ŋgira-manje tuba tir-tir ləm, Man baaje gə́ d’yi kédé gə́ ləw el lé I ar dee tudu kurum-kurum ləm tɔ.

Pakɔsje 78:15

Yeḛ ta̰ biri mbalje gə́ dɔdilaloo’g lé dana Ar dee d’iŋga ne mán-kai gə́ uba tir-tir lé.

Pakɔsje 78:16

Biri mbal lé yeḛ ar kəm-rəw-manje teḛ keneŋ tir-tir ləm, Yeḛ ar mán ula keneŋ tar gɔl-gɔl to gə́ mán baa bèe ləm tɔ.

Pakɔsje 78:20

Aa ooje, yeḛ unda biri mbal ar mán ula keneŋ, Manje gə́ turu tuma̰-tuma̰ taa loo keneŋ yəŋgəm-yəŋgəm. See yeḛ askəm kar dəwje ləa muru əsé kar dee da ya to wa.

Teḛ-Raga 17:6

Aa oo, m’a kaar nɔḭ’g dɔ mbal gə́ Oreb’g, i a kunda mbal lé ndá mán a teḛ keneŋ kar dəwje d’ai. Moyis ra togə́bè ya kəm ŋgatɔgje’g lə Israɛlje.

Esai 30:25

Dɔ mbalje lai gə́ ŋgal léŋgé-léŋgé ləm, Gə dɔdərlooje gə́ ḭtar gə́ rara kara ləm tɔ lé Man baaje gə kəm-rəw-manje d’a to keneŋ Ndɔ ndum dəwje mburug-mburug ləm, Loo gə́ kəi-kaar-kɔgərɔje gə́ duu dɔ loo d’a təd ləm tɔ.

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Bula lə Israɛlje 20:11

Yen ŋga Moyis un jia gə́ tar unda ne mbal gə kag-tɔs ləa gɔl joo. Ndá mán teḛ kaar mbal’g tir-tir ar koso-dəwje gə nékulje lə dee d’ai tɔ.