Esai 48:14 - Maktub gə́ To gə Kəmee

¹⁴ Seḭ lai lé mbo̰je dɔ na̰ ooje ta! See na̰ ɓa mbuna dee’g ɓa To gə́ njepa ta néje neelé wa. Yeḛ gə́ Njesigənea̰ undá dan kəmee’g ɓa A ra né gə́ yeḛ wɔji mée’g Mba ra gə Babilɔnje ləm, Jia a kwɔi ndiŋ-ndiŋ dɔ Kaldeje’g ləm tɔ.

Esai 48:14 ပူးပေါင်းရင်းမြစ်များ

Gḭ-Néje 49:1

Jakob ɓar ŋganeeje ula dee pana: Mbo̰je dɔ na̰ gə mba kam m’ula sí né gə́ a teḛ dɔ sí’g ndɔ gə́ gogo.

Gḭ-Néje 49:2

Waje dɔ na̰, lelje mbi sí, seḭ ŋgalə Jakob lé! Ooje ta lə Israɛl, bɔ síje lé!

Esai 13:19

Babilɔn, i gə́ to nérɔnduba lə ɓeeko̰je ləm, Gə né rɔndɔḭ lə Kaldeje ləm tɔ lé I a tel to kasəna gə Sɔdɔm gə Gɔmɔr Gə́ Ala tuji dee lé.

Esai 21:9

Bèe ɓa aa oo, njérɔ gə kundaje Gə́ d’wa na̰ joo-joo lé d’isi ree! Deḛ d’un ta pa tɔɓəi pana: Babilɔn oso, yee oso ya. Ndá ndil néje gə́ to magəje ləa lé Toso naŋg təd njigi-njigi!

Esai 41:22

Maji kar dee teḛ gə taree gə́ raga d’ula sí Né gə́ a gə teḛ. See ta gə́ seḭ paje taree ləw Gə́ wɔji dɔ néje gə́ d’a gə ree lé to ban wa. Paje mba kar sí j’unda ne kəmkàr dɔ rɔ sí’g Gə mba kar sí n’gərje loo gə́ née teḛ, Esé paje ta né gə́ a gə teḛ Ndɔ gə́ gogo ar sí j’ooje.

Esai 43:9

Maji kar ginkoji dəwje gə raŋg lai mbo̰ dɔ na̰ ləm, Kar koso-dəwje kara d’wa dɔ na̰ ləm tɔ. See na̰ ɓa mbuna dee’g Pa ta néje neelé kédé wa. See njé gə́ ra ɓa d’ar sí j’oo Ta gə́ wɔji dɔ néje gə́ d’a gə ree lé dɔtar wa. Maji kar dee teḛ gə njékɔrgootaje lə dee Mba tɔji sí to gə́ tapa dee to lée’g, Maji kar dee d’oo ndá Ar dee pa pana: To tɔgərɔ ya!

Esai 44:28

Ma m’pata wɔji dɔ Sirus m’pana: Yeḛ to gə́ njekulbadje ləm, Yeḛ a ra torndum karee aw lée’g béréré, Yeḛ a pata kwɔji dɔ Jerusalem pana: Maji kar dee tel gɔlee gogo! Tɔɓəi yeḛ a pata kwɔji ne dɔ kəi gə́ to gə kəmee pana: Maji kar dee tel tum gelee gogo!

Esai 44:7

See na̰ ɓa pata néje gə́ d’a gə ree kédé To gə́ ma m’pa ne taree Un kudee mee ndəa’g m’unda ne dəwje gə́ ləw lé wa. Maji karee pa taree am m’oo! Maji karee pata néje gə́ nai no̰ sí’g ləm, Gə néje gə́ d’a gə ree gogo lé ləm tɔ.

Esai 45:13

Ma ɓa m’ar Sirus ḭ gə goo meekarabasur ləm Ndá m’a gɔl rəwje ləa lai kar dee d’asəna rai-rai, Yeḛ a tel gɔl ɓee-boo ləm gogo ləm, Yeḛ a kɔr ɓər dɔ dəwje’g Gə́ d’wa dee gə́ ɓər lé ləm tɔ Lal dəji nékoga dɔ dee ləm, Lal dəji néndogo-gel ləm tɔ, Njesigənea̰ gə́ njeboo-néje ɓa pa bèe.

Jeremi 50:44

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ To gə́ toboḭ bèe. Léegəneeya m’a kɔs dee naŋg rad Tuba dee kar dee d’aḭ Ndá m’a kunda yeḛ gə́ ma nja m’ɔree toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa askəm kɔsm ŋgərəŋ wa.

Mark 10:21

Jeju aa kəmee gərərə undá dan kəmee’g ndá ulá pana: Né kára lali ɓəi. Ɔd aw ndogo néje ləi lai ya̰ laree ar njéndooje ɓa i a kiŋga nébao ləi ɓee gə́ dara ɓəi. Tɔɓəi ɔd ree goom’g.