Esai 48:11 - Maktub gə́ To gə Kəmee

¹¹ Gə goo meenoji ləm-ma tɔgərɔ, Gə goo meenoji ləm-ma ɓa M’ndigi ra ne né, Mbata see to gə́ ban ɓa M’a kya̰ loo kar dee d’ila ndɔl dɔ rim’g wa. M’a kya̰ rɔnduba ləm kar dəw gə́ raŋg el.

Esai 48:11 ပူးပေါင်းရင်းမြစ်များ

Pakɔsje 106:8

Nɛ yeḛ aji dee mba kar ria ɓar ne ya Gə mba nduba ne siŋgamoŋ ləa gə́ raga.

Pakɔsje 115:1

Ǝi Njesigənea̰, kəm kar síjeḛ ɓa j’iŋga riɓar el, Kəm kar síjeḛ ɓa jḭga riɓar el, Nɛ kəm kar dee d’ula rɔnduba dɔ rii-i’g ɓa Mbata meemaji ləi gə meenda londoŋ ləi lé.

Pakɔsje 25:11

Ǝi Njesigənea̰, mbɔl dɔ rii lé ɓa I ar məəi ti ne mbidi dɔ néra kori-kori’g ləm, Mbata to né gə́ boo ya.

Pakɔsje 25:7

Néramje gə́ to gə goo rəbee el loo gə́ m’nai ne basa ɓəi lé Esé néra kori-korije ləm kara Ar məəi olé teḛ dɔ’g el. Ǝi Njesigənea̰, ar məəi olé teḛ dɔm’g gə goo meekɔrjol ləi ləm, Gə goo meemaji ləi ləm tɔ.

Esai 37:35

N’a kaḭ bada dɔ ɓee-boo’g neelé gə mba kajee mbata lə neḛ ləm, gə mbata lə kura lə neḛ Dabid ləm tɔ.

Esai 42:8

Ma m’to Njesigənea̰, yee ɓa to rim, Ndá m’a kya̰ rɔnduba ləm kar dəw gə́ raŋg el ləm, Riɓar ləm kara m’a kya̰ kar magəje el ləm tɔ.

Esai 43:25

To ma nja ɓa m’tuji kaltaje lə sí Gə goo meenoji ləm ləm, M’a kar məəm olé dɔ kaiyaje’g lə sí Gɔgo el ləm tɔ.

Esai 48:5

Yee ɓa ma m’ula sí ne ta néje neelé kédé Ɓad ɓa né teḛ ɓəi ləm, Kédé ɓa kar dee ree ɓəi kara Ma m’ar sí ooje ləm tɔ Gə mba kar sí pajena: To gə́ magəje lə sí ɓa ra dee To néndajije lə sí gə́ tɔl dee əsé gə́ léḛ dee Ɓa d’un ndu dee a paje bèe el.

Esai 48:9

Mbɔl dɔ rim ɓa M’ya̰ ne goo oŋg ləm yɔgɔ, Gə mbata rɔnduba ləm ɓa M’ɔg ne rɔm dɔ sí’g Lal tuji sí ne pugudu gə no̰.

Esai 52:5

Ndá Njesigənea̰ pana: Ɓasinè, see m’a ra ban ɓa loo gə́ deḛ d’ɔr koso-dəwje ləm kari ba lal lar lé wa. Njesigənea̰ pana: Njékorè dɔ dəwje naŋg lé ra né wəl-wəl ləm, teḛ gə ndɔ saar kàr ur naŋg jigi lé d’ula sul dɔ rim’g ləm tɔ.

Jeremi 14:7

Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Ejekel 20:14

Nɛ lé togə́bè kara neḛ n’ra né gə mbata lə ri neḛ mba kar ndɔl wa ne dɔ ri neḛ kəm ginkoji dəwje gə raŋg gə́ n’ar dee d’unda loo kəm dee’g mee ɓee gə́ Ejiptə teḛ lé el.

Ejekel 20:22

Lée togə́bè kara neḛ n’rəm gə ji neḛ dɔ dee’g ɓó n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ neḛ n’ar dee d’unda loo mee ɓee gə́ Ejiptə kəm dee’g teḛ lé el.

Ejekel 20:39

Seḭ gel-bɔje lə Israɛl lé Mbaidɔmbaije gə́ Njesigənea̰ pa togə́bè pana: Awje, nana kara aw pole magəje ləa-ləa! Nɛ gée’g gogo ndá seḭ a kooje ta lə neḛ ləm, seḭ a kilaje ndɔl dɔ ri neḛ’d gə́ to gə kəmee gə nékarje lə sí gə magə-poleje lə sí el ŋga ləm tɔ.

Ejekel 20:44

Yen ɓa seḭ a gərje ne to gə́ neḛ n’to Njesigənea̰ loo gə́ n’a ra sə sí né gə mba ri neḛ ɓó gə goo panjaa sí gə́ majel əsé néraje lə sí gə́ mina̰ lé el, əi gel-bɔje lə Israɛl. Mbaidɔmbaije gə́ Njesigənea̰ ɓa pa bèe.

Ejekel 20:9

Nɛ lé togə́bè kara neḛ n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ d’isi mbuna dee’g el ləm, gə kəm ginkoji dəwje gə raŋg gə́ neḛ n’ar dee gər neḛ gə mba kar dee d’unda loo mee ɓee gə́ Ejiptə teḛ lé ləm tɔ.

Ejekel 36:22

gelee gə́ nee ɓa maji kari ula gel-bɔje lə Israɛl pana: Mbaidɔmbaije gə́ Njesigənea̰ pa togə́bè pana: Seḭ gel-bɔje lə Israɛl lé to mbata lə sí-seḭ ɓa neḛ n’ra ne né togə́bè gə mbəa el, nɛ to mbata ri neḛ gə́ to gə kəmee gə́ seḭ ilaje ndɔl dɔ’g mbuna ginkoji dəwje gə raŋg gə́ seḭ awje keneŋ lé.

Loo gə́ killa rea kəm Daniel’g 9:17

Ǝi Ala lə sí, ɓasinè lé maji kari oo tamaji lə kura ləi gə ndòo gə́ yeḛ ra rɔi’g ndá ar kəmi gə́ to jḛ̀ ndogó dɔ loo ləi gə́ to gə kəmee gə́ tuji lé gə mbata lə meenoji ləi-i Mbaidɔmbaije lé ya.

Tagə́maji gə́ Ja̰ ndang 5:23

mba kar dəwje lai d’ila riɓar dɔ Ŋgon’g to gə́ deḛ d’ila dɔ Bɔbeeje’g bèe lé ya tɔ. Dəw gə́ rara ɓa gə́ ila riɓar dɔ Ŋgon’g neelé el ndá yeḛ ila riɓar dɔ Bɔbeeje gə́ njekulá’g el tɔ.

Njé gə́ Rɔmə 2:24

Mbata deḛ ndaŋg taree mee maktub gə́ to gə kəmee pana: Ndɔl ɓar ri Ala mbuna njépole-magəje’g mbata lə sí-seḭ ya.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.