Esai 48:1 - Maktub gə́ To gə Kəmee

¹ Ooje ta nee, Seḭ gel-bɔje lə Jakob, Seḭ gə́ undaje ri Israɛl dɔ sí’g ləm, Seḭ gə́ ḭje ginka’g lə Juda ləm tɔ, Seḭ gə́ manje rɔ sí gə ri Njesigənea̰ ləm, Seḭ gə́ ɓarje ri Ala lə Israɛlje ləm tɔ Nɛ lal kankəmta gə néra gə́ danasur lé!

Esai 48:1 ပူးပေါင်းရင်းမြစ်များ

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

Gḭ-Néje 35:10

Ala ulá pana: Rii lé to Jakob nɛ d’a ɓari Jakob gogo el ŋga. Rii a to Israɛl ɓa. Ndá Ala unda ria lə Israɛl.

2 Mbaije 17:34

Saar mee ndəa gən lé kara dee d’un goo néjiɓeje lə dee gə́ kédé ya ɓəi, dee ɓəl Njesigənea̰ gəd-gəd el ləm, dee d’aa dɔ godnduje lə dee gə ndukunje lə dee-deḛ el ləma, godndu gə ndukunje lə Njesigənea̰ gə́ yeḛ ar ŋgalə Jakob gə́ yeḛ unda ria lə Israɛl lé kara dee d’aa dɔ dee el ləm tɔ.

2 Mbaije 5:20

Gehaji gə́ to kura lə Elije gə́ dəw lə Ala pa mée’g pana: Aa oo, ɓémje ya̰ Naaman, dəw gə́ Siri gə́ ree gə néje gə mba karee lé gə́ kya̰ ya. Njesigənea̰ to Njesikəmba! M’a kaḭ kaw gée’g taa né gə́ ba̰ un jén jia’g.

Pakɔsje 63:11

D’a kwəi ta kiambas gə́ adə làm-làm’g Tel ne nésɔ lə tàlje ya.

Pakɔsje 66:3

Ulaje Ala pajena: Néraije lé to ɓəl kədm-kədm, Njéba̰je ləi lé kara bɔr bèli Mbata boo-siŋgamoŋ ləi ya.

Pakɔsje 68:26

Deḛ gə́ to njékɔspaje ɓa d’aw gə́ ŋgaw ta dee kédé Ɓa deḛ gə́ to njékim-néje lé d’orè goo dee ɓəi, Deḛ njaa mbuna ŋgama̰dje’g Gə́ d’im dalè-bajḭgje.

Pakɔsje 68:27

Undaje no̰ dɔkaisəgərə lə Ala loo-kwa-dɔ-na̰je’g lə sí, Undaje no̰ dɔkaisəgərə lə Mbaidɔmbaije, Seḭ gə́ toje ginka Israɛl lé ya.

Teḛ-Raga 23:13

Seḭ a tɔsje kəm sí dɔ néje lai gə́ m’ula sí mba ra ya, tɔɓəi seḭ a ɓarje ri magəje nda̰ el ləm, taree kara dəw a koo ta sí’g pai el ləm tɔ.

Gosota-Kəmkàrje 5:16

Ŋgira manje ləi lé See kəm kar mán teḛ keneŋ Ula loo gə́ raga’g wa. Kəm-rəw-manje ləi lé See kəm kar dee d’ula ruba ndag-looje’g wa.

Esai 26:13

Njesigənea̰, Ala lə sí, Ɓée síje gə́ raŋg d’o̰ ɓee dɔ sí’g ya Nɛ mbɔl dɔi-i nja kára ba ɓa Jeḛ m’ɓar ne rii.

Esai 44:5

Yeḛ gə́ nee a pana: Ma m’to ka̰ Njesigənea̰, Yeḛ gə́ yo a kunda ri Jakob dəa’g, Yeḛ gə́ raŋg a ndaŋg dɔ jia’g pana: Ka̰ Njesigənea̰! Ndá d’a ɓar ri Israɛl dan meenoji’g.

Esai 45:23

Ma nja ma man rɔm gə rim ləm, Kankəmta ɓa teḛ tam’g Ɓó m’a telee ɓəd el ŋga ləm tɔ, Nana kara a rəm gə no̰ kəjee naŋg nɔm’g ləm, Dəw gə́ rara kara a kubu rəa gə rim-ma ya ləm tɔ.

Esai 46:12

Ooje ta ləm, Seḭ dəwje gə́ njémeekədərəje Gə́ toje njéba̰je lə néra gə́ danasur!

Esai 51:1

Ooje ta ləm, Seḭ gə́ njéndolè goo néra gə́ gə dɔ najee-je, Seḭ gə́ ndolèje goo Njesigənea̰! Oreeje kəm sí ndəŋ dɔ kɔr mbal gə́ d’ɔr sí kaaree’g ləm, Gə dɔ bwa gə́ Njesigənea̰ ɔr sí keneŋ lé ləm tɔ.

Esai 51:2

Oreeje kəm sí ndəŋ dɔ Abrakam gə́ to bɔ síje ləm, Gə dɔ Sara gə́ to gə́ ko̰ síje gə́ njekoji lə sí lé ləm tɔ, Mbata yeḛ nja kára ba ɓa m’ɓaree, M’tɔr ndum dəa’g ləm, M’ar ŋgakeaje bula digi-digi ləm tɔ.

Esai 58:2

Ndɔje kára-kára lai deḛ saŋgəm, Deḛ ndigi gər rəwje ləm, Asəna gə ginkoji dəwje gə́ ra né gə́ gə dɔ najee Gə́ d’uba godndu Ala lə dee d’ya̰ el ləm, Deḛ dəjim gə mba karm m’ar dee ndukun Gə́ ka̰ gaŋgta gə́ gə dɔ najee ləma, Deḛ d’wɔji mba kar Ala rəm pər gə́ rɔ dee’g ləm tɔ.

Esai 62:8

Njesigənea̰ man rəa gə goo ji siŋgamoŋ ləa Ndá yeḛ pana: N’a kun kó ləi kar njéba̰je ləi D’ul ne rɔ dee nda̰ el ləm, Ŋgalə dəw-dɔ-ɓeeje d’a kai mán-nduú ləi Gə́ to kandə néndɔje ləi lé nda̰ el ləm tɔ.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Esai 65:16

Yeḛ gə́ a ndiŋga rəa Mba kiŋga ndutɔr mee ɓee’g neelé Yeḛ a ndiŋga rəa kar Ala gə́ tɔgərɔ Ɓa tɔr ndia dəa’g, Yeḛ a kubu rəa mee ɓee’g nee Ndá a kubu rəa gə ri Ala gə́ tɔgərɔ ya tɔ. Mbata nékəmndoo gə́ ləw lé Meḛ dəwje a kwəi dɔ’g ləm, D’a kiya rɔ dee kəm’g kág ləm tɔ.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Jeremi 44:26

ndá maji kar sí ooje ta lə Njesigənea̰, seḭ dəwje lai gə́ Juda gə́ síje mee ɓee gə́ Ejiptə lé. Aa ooje, Njesigənea̰ pana: Ma man rɔm gə rim gə́ ur dɔ loo lé, ta dəw gə́ Juda kára kara a teḛ ɓar rim el ŋga ləm, mee ɓee gə́ Ejiptə lai lé dəw kára kara a pa keneŋ pana: Mbai gə́ Njesigənea̰ to njesikəmba lé a pa bèe el ŋga ləm tɔ.

Jeremi 5:2

Ɓó lé deḛ pa pana: Njesigənea̰ si kəmba kara To taŋgɔm ɓa deḛ pa Ndo̰ ne naji d’ubu ne rɔ dee.

Ləbije 19:12

Seḭ a ɓarje rim kubuje ne rɔ sí gə taŋgɔm el mbata yee gə́ nee ɓa seḭ arje ri Ala lə sí tel to ne né gə́ sin kari ba. Ma m’to Njesigənea̰.

Misee 2:7

Seḭ ŋgaka Jakob, See seḭ a paje ta gə́ togə́bè wa. See Njesigənea̰ to njekḭ kalaŋ Kar mée ḭ səa jugugu wa. See yee gə́ bèe ɓa gə́ nérea wa. See taje ləm lé maji lə dee to keneŋ Mbata lə yeḛ gə́ njaa danasur el wa.

Soponi 1:5

N’a tuji deḛ gə́ d’unda barmba dɔ kəije’d gə́ tar no̰ boo-néje gə́ dara’g ləm, Gə deḛ gə́ d’unda barmba d’ubu ne rɔ dee gə ri Njesigənea̰ Esé gə ri mbai lə dee ləm tɔ lé

Jakari 5:3

Yen ŋga yeḛ ulam pana: Yee ɓa to ta ndɔl gə́ a gə kwa dɔ ɓeeje lai. Mbata gə goo taree lé d’a tuba ne njéɓogoje lai gə́ d’isi loo gə́ nee’g ləm, gə goo taree lé d’a tuba ne deḛ lai gə́ njékubu rɔ dee gə taŋgɔmje gə́ d’isi loo gə́ nee’g ləm tɔ.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Bula lə Israɛlje 24:7

Man ḭ ku-goléje’g ləa ruba naŋg ləm, Manje gə́ to yaa̰ lé ar kó-dubu ləa unda ne kəm gəsəsə ləm tɔ. Mbai ləa ur dɔ Agag’d ləm, Ɓeeko̰ ləa kara dum dɔ loo ləm tɔ.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

Tagə́maji gə́ Ja̰ ndang 4:24

Ala to Ndil, bèe ɓa deḛ gə́ ndigi kwá meḛ dee’g lé maji kar dee d’wá meḛ dee’g gə Ndil ləm, gə kankəmta ləm tɔ.

Njé gə́ Rɔmə 2:17

I gə́ ɓar rɔi Jib, i nduna rɔi kaar Godndu’g ləm, i ti rɔi dɔ Ala’g ləm tɔ,

Njé gə́ Rɔmə 9:6

Ta lə Ala lé ra née nja ɓó təa wa ŋgɔ el. Mbata deḛ lai gə́ to gə́ ŋgaka Israɛlje lé to Israɛlje gə́ kojikəi ɓa lai el.

Njé gə́ Rɔmə 9:8

Yee ɓa, m’pa ne m’pana: Ŋganje gə́ ka̰ darɔ ɓa to ŋgan-Alaje el, nɛ deḛ gə́ ndukun wɔji dɔ dee ɓa to ŋgaka Abrakam gə́ gəd ya.

Tel tura Godndu 10:20

Seḭ a ɓəlje Ala lə sí gə́ Njesigənea̰ ləm, seḭ a raje né kaareeje ləm, seḭ a kɔmje səa na̰’d ləma, seḭ a manje rɔ sí gə ria ləm tɔ.

Tel tura Godndu 33:28

Israɛlje d’isi dan meekulɔm’g, Kəm-rəw-manje lə Jakobje to gə kəmee ɓəd Mee ɓee gə́ kó gə mán-nduú to keneŋ, Tàl ḭ mee dara’g ləa wa dɔ’g tɔ.

Tel tura Godndu 5:28

Njesigənea̰ oo taje gə́ seḭ ulamje lé. Ndá Njesigənea̰ ulam pana: M’oo taje lə koso-dəwje gə́ d’ulai lé ya: ta néje lai gə́ deḛ pa lé to maji ya.

Tel tura Godndu 6:13

Ala ləi gə́ Njesigənea̰ lé i a ɓəlee ləm, i a ra né karee ləma, i a man rɔi gə ria ləm tɔ.

1 Timote 4:2

Nehulai lə njétakorije ɓa ar dee ndəm ne ləm, meeyèr ula pər meḛ njétakorije’g lé ɔb ne meḛ dee kág ləm tɔ.

Loo gə́ killa rea kəm Ja̰’g 2:9

Ma m’oo néurti gə́ rai ləm, gə ndòo gə́ teḛ dɔi’g ləm tɔ, nɛ i to gə́ bao ɓəi. Deḛ gə́ gaŋgta d’ɔm tai’g ləm, gə deḛ gə́ ɓar rɔ dee Jibje ɓa deḛ to gə́ Jibje el nɛ deḛ nja to gə́ kəi-kwa-dɔ-na̰ lə Njekurai ləm to lé ma m’oo dee gao ya tɔ.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.