Esai 47:8 - Maktub gə́ To gə Kəmee

⁸ Seḭ njékərkəmlooje lé Ɓasinè maji kar sí reeje ooje, Seḭ síje lɔm, Seḭ paje meḛ sí’g pajena: Seḭ nja gə kar sí Ɓó dəw gə́ raŋg kára kara godo, Seḭ nja gə́ kar sí ba ləm, Seḭ a síje gə́ njékəisiŋgaje nda̰ el ləma, A lalje ŋganje nda̰ el ləm tɔ.

Esai 47:8 ပူးပေါင်းရင်းမြစ်များ

Esai 14:14

I a kal kaw dɔ sém loo-kil-lə-ndi gə́ tar ləm, I a tana gə Njekurdɔloo’g ləm tɔ.

Esai 32:11

Seḭ denéje gə́ njérɔkwɔije lé Sije dan ɓəl’g! Seḭ denéje gə́ síje lɔm lal kḛji ta lé Undaje bala to! Tɔrje kubu rɔ sí’g síje rɔ sí kari ba Ndá tɔje kubu-kwa-ndòo ɓər sí’g.

Esai 32:9

Seḭ denéje gə́ njérɔkwɔije lé Ḭje tar, ooje ndum! Seḭ ŋgama̰dje gə́ síje lɔm lal kḛjije ta lé Tugaje mbi sí ooje ne ta ləm tɔ!

Esai 45:18

Mbata Njesigənea̰, Yeḛ gə́ to njekunda dara ləm, Gə to Ala kára ba kiao ləm, Yeḛ gə́ to njekunda naŋg Gə́ undá aree ŋgəŋ ŋgəŋ-ŋgəŋ ləm, Yeḛ gə́ undá mba karee tel to dɔdilaloo el ləma, Yeḛ gə́ gɔlee mba kar dəwje d’isi keneŋ ləm tɔ lé Pa togə́bè pana: Ma nja m’to Njesigənea̰ Ɓó yeḛ gə́ njekorè dɔm godo.

Esai 45:5

Ma m’to Njesigənea̰ ɓó yeḛ gə́ raŋg godo, Ɓó lé m’godo ndá Ala kara godo tɔ. Kédé gə́ i gərm el ɓəi lé ya Ma m’tɔ mina-mbai reŋgi’g,

Esai 45:6

Gə mba kar dəwje gə́ d’isi loo-kuba’g lə kàr Saar teḛ dɔ deḛ gə́ d’isi loo-kuru-naŋg’g ləa lé D’a gər gao To gə́ ɓó lé ma m’godo ndá Ala kara godo tɔ. Ma m’to gə́ Njesigənea̰ Ndá yeḛ gə́ raŋg godo.

Esai 47:10

Seḭ ɔmje meḛ sí dɔ meeyèr’g lə sí, Seḭ pajena: Dəw kára kara oo sí el! Kəmkàr lə sí gə négər lə sí lé su kəm sí Ndá seḭ paje meḛ sí’g pajena: Seḭ nja gə kar sí ba Ɓó dəw gə́ raŋg kára kara godo, Seḭ nja gə́ kar sí ba!

Jeremi 49:31

Ḭje tar aw rɔje gə ginkoji dəwje Gə́ d’isi lɔm ləm, Gə d’isi gə́ majee ləm tɔ lé. Njesigənea̰ ɓa pa bèe. Tarəwkɔg lə dee godo ləm, Pəgərə tarəw lə dee godo ləma, Deḛ d’isi gə kar dee ba ləm tɔ.

Jeremi 50:11

Oiyo, maji kar sí síje Dan rɔlel’g gə dan kalrɔ’g Seḭ gə́ undaje nédɔji ləm banrɔ. Oiyo, maji kar sí tilaje riŋga To gə́ ma̰də maŋgje Gə́ d’aar loo-ko̰-mu’g ləm, Maji kar sí no̰je to gə́ kundaje Gə́ gə siŋga dee bèe ləm tɔ.

Jeremi 51:53

Lée Babilɔn aw saar teḛ dará ləm, Lée kəi-kaar-kɔgərɔje ləa to tar sab ləm tɔ kara M’a kar njétujilooje ree rɔ səa. Njesigənea̰ ɓa pa bèe.

Ejekel 16:49

Aa ooje, kaiya ra Sɔdɔm, ŋgokɔḭ gə́ dené lé ɓa nee: Yeḛ to njeti rəa ləm, yeḛ gə ŋganeeje gə́ dené d’isi dan némajije’g bèdèg ləm, d’isi gə́ majee lal kḛji ta dɔ’g ləm tɔ nɛ deḛ gəd deḛ gə́ d’isi dan nékəmndoo’g gə njé gə́ né lal dee lé el.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Ejekel 30:9

Mee ndəa’g neelé njékaḭkulaje d’a kḭ rɔ neḛ’g kaw gə batoje kaw jɔg Etiopije loo-si-lɔm’g lə dee, ɓəl-boo a to mbuna dee’g to gə́ mee ndɔ ka̰ Ejiptə’g bèe mbata aa oo, néje neelé si aw gə́ nee dəb ŋga!

Loo gə́ killa rea kəm Daniel’g 11:36

Mbai lé a ra né to gə́ mée ndigi. Yeḛ a ti rəa ləm, a kɔs gaji rəa koo ne rəa gə́ njekur dɔ magəje lai ləm tɔ ndá yeḛ a pata néje gə́ dum kəm loo kɔs ne ta lə Ala gə́ njekur dɔ magəje lé rəw. Néreaje gə́ togə́bè lé a teḛ ne kɔr saar kar oŋgee wəi bém, saar kar né gə́ d’wɔji-kwɔji ra lé a kaw ne lée’g béréré ya.

Loo gə́ killa rea kəm Daniel’g 4:22

D’a gə kɔsi mbuna dəwje’g tubai ləm, loo-sii a to mbuna daje gə́ wala ləma, i a sɔ mu to gə́ bɔ maŋgje bèe ləm tɔ. Man tàl a teḛ rɔi’g ləm, ləbje siri d’a dəs dɔi’g ləm tɔ saar i a gər gao to gə́ Njekurdɔloo o̰ ɓee dɔ ko̰ɓee’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Loo gə́ killa rea kəm Daniel’g 4:27

ndá mbai lé un ta pa pana: Babilɔn gə́ boo gə́ to neelé see to ma nja gə́ m’unda gelee mba karee to ɓee-si mbai gə goo boo-siŋgamoŋ ləm-ma ləm, gə goo boo-ronduba lə dɔmoŋ ləm-ma ləm tɔ el wa.

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Loo gə́ killa rea kəm Daniel’g 4:4

Bèe ɓa njéra némɔrije ləm, gə njétən kéréméje ləm, gə Kaldeje ləma, gə njénékooje ləm tɔ lé ree ya. Ma m’ula dee ni ləm gə́ m’ni lé nɛ deḛ d’askəm kɔr ginee kam el.

Loo gə́ killa rea kəm Daniel’g 5:23

I ḭ gə mbai dɔ dara ɔsee rəw. Baije gə́ to mee kəi’g ləa lé deḛ d’odo ree ne nɔḭ’g ndá seḭ aije ne mán-nduú gə́ mḭ, i seḭ gə dəwje ləi gə́ boo-boo gə denéje ləi gə gamla-denéje ləi tɔ. I pidi ne magəje gə́ ra dee gə larnda gə larlɔr gə larkas gə larndul gə kag gə mbal tɔ. Magəje neelé d’oo né gə kəm dee el ləm, d’oo ta gə mbi dee el ləma, deḛ gər né kára kara el ləm tɔ ndá Ala gə́ kəmə ləi gə rəw-kabije lai to jia’g lé i ula rɔnduba dəa’g el.

Loo gə́ killa rea kəm Daniel’g 5:30

Mee til’g neelé nja deḛ tɔl Belsasar, mbai lə Kaldeje lé tɔ.

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.

Nahum 3:4

To mbata boo-néraje lə Ninibəje Gə́ to asəna gə néra kaiya-denéje Gə́ ra rɔ dee ma̰də ləm, ra goso su ne kəm loo ləm, Gə́ ndogo ne ginkoji dəwje gə raŋg gə nérakaiyaje lə dee ləma, Ndogo koso-dəwje gə nésukəmlooje lə dee ləm tɔ.

Habakuk 1:7

Deḛ to ɓəl kədm-kədm ar dəwje ɓəl dee ne ləm, Deḛ ti rɔ dee d’wɔji ne dɔ né gə́ kəm kar dee ra ləma, D’wɔji ne loo-boo lə dee ləm tɔ.

Soponi 2:15

Aa ooje, yee ɓa gə́ ɓee-boo gə́ dəwje gə́ keneŋ d’isi dan rɔlel’g Nda ne meḛ dee kaḭ dɔ rɔ dee’g Ra né meḛ dee’g pana: Neḛ ya ɓó né gə́ raŋg godo, to neḛ ya! Ɗi togə́bè wa. Yee tuji pugudu ŋga. Yee tel to loo-to daje gə́ wala! Deḛ lai gə́ dəs mbɔree’g lé D’a kur kɔl piu jeŋ ne ji dee.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

Njéga̰g-Rəwtaje 18:27

Togə́bè ɓa d’ɔr ne né gə́ Mika ra ləm, gə njekinjanéməs ləa ləm tɔ d’aw ne sə dee ndá deḛ d’ur dɔ dəwje gə́ d’isi Layis gə́ to koso-dəwje gə́ d’isi gə́ majee lé. Deḛ tɔl dee gə kiambas ləm, roo ɓee-boo lé ləm tɔ.

Njéga̰g-Rəwtaje 18:7

Dəwje gə́ mi neelé d’ɔd d’aw ndá deḛ teḛ Layis. Deḛ d’oo dəwje gə́ d’isi gə́ majee to gə́ Sido̰je gə́ d’isi ne lɔm lal meekaarkərm bèe. Mee ɓee’g neelé dəw kára kara gə́ njera né gə́ kədərə gə́ tḛ́ bèe ɓa o̰ ne dɔ dee lé godo. Deḛ d’isi əw gə Sido̰je ləm, d’ɔm na̰’d gə dəwje gə́ raŋg el ləm tɔ.