Esai 47:7 - Maktub gə́ To gə Kəmee

⁷ Seḭ paje pana: Seḭ a toje mbai dɔ ɓeeko̰je ya saar-saar! Seḭ ə̰jije meḛ sí’g to gə́ néje neelé Rudu dee a kun ɗiao bèe el ya saar.

Esai 47:7 ပူးပေါင်းရင်းမြစ်များ

Teḛ-Raga 7:23

Parao̰ tel aw mee kəi’g ləa, nɛ yeḛ ar ta néje neelé kára kara wa mée el.

Esai 42:25

Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.

Esai 47:5

Seḭ Kaldeje gə́ toje asəna gə ŋgon gə́ dené bèe lé Sije naŋg gə ta sí mundu ləm, Awje dan loondul’g ləm tɔ, D’a ɓar sí mbai dɔ ɓeeko̰je el ŋga.

Esai 57:1

Njera né gə́ gə dɔ najee lé tuji ndá Dəw kára gə́ njekḛji dɔ’g godo, Dəwje gə́ njéra némajije godo Ar dəw kára kara gər To gə́ d’ɔr dee mbata né gə́ majel Gə́ a gə teḛ dɔ dee’g lé bèe el.

Esai 57:11

See na̰ ɓa seḭ ɓəleeje Ndəbje ne pəd-pəd nea̰’g Mba su ne kəm ləm, Mba kar meḛ sí olé ne dɔm’g el ləma, Mba kḛji ne dɔm’g el ləm tɔ wa. See ma m’isi mundu kurum əw lé el wa. Gelee gə́ nee ɓa Seḭ ɓəlmje ne el gə mbəa.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Nɔ̰-ndôo gə́ wɔji dɔ Jerusalem 1:9

Yiro wa kubu gə́ rɔ dee’g Aree mina̰ jɔmri-jɔmri ləm, Deḛ d’ə̰ji dɔ né gə́ a teḛ dɔ dee’g el ləm, Koso gə́ deḛ d’oso lé Ar kaar dee wa dee ne paḭ ləm, Dəw kára kara gə́ njegɔl dee godo ləm tɔ. Ǝi Njesigənea̰, maji kari oo kəm sí loo to ndòo’g ya! Ti-rɔ lə njeba̰ lé Ḭ dɔ maree’d gə́ kédé-kédé.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Ejekel 29:3

Maji kari pa pana: Mbaidɔmbaije gə́ Njesigənea̰ pa togə́bè pana: Aa oo, i Parao̰, mbai gə́ Ejiptə lé n’aw səi gə ta, i ɓəgərə-mar gə́ aw to mee baa-boo’g ləi lé i pana: Baa-boo ləi to kaḭ-i ya, i nja ɓa gə́ njerea lé!

Ejekel 7:2

I ŋgon-dəw lé ta gə́ Mbaidɔmbaije gə́ Njesigənea̰ pa wɔji ne dɔ dəwje gə́ Israɛl lé ɓa nee: Aa ooje, rudee un ɗiao ŋga! Rudee si ree dɔ kum naŋg gə́ sɔ’g lé ŋga!

Loo gə́ killa rea kəm Daniel’g 4:29

D’a gə kɔsi mbuna dəwje’g tubai ləm, loo-sii a to mbuna daje gə́ wala ləma, i a sɔ mu to gə́ bɔ maŋgje bèe ləm tɔ. Ləbje siri d’a dəs dɔi’g saar i a gər gao to gə́ Njekurdɔloo o̰ ɓee dɔ ko̰ɓee’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Loo gə́ killa rea kəm Daniel’g 4:4

Bèe ɓa njéra némɔrije ləm, gə njétən kéréméje ləm, gə Kaldeje ləma, gə njénékooje ləm tɔ lé ree ya. Ma m’ula dee ni ləm gə́ m’ni lé nɛ deḛ d’askəm kɔr ginee kam el.

Tel tura Godndu 32:29

Ɓó lé deḛ to njékəmkàrje ndá Aa oo, né gə́ d’a gər ɓa nee: D’a kḛji dɔ né gə́ a gə teḛ dɔ dee’g ya.

Loo gə́ killa rea kəm Ja̰’g 18:7

Kɔs gə́ yeḛ ɔs gaji rəa ɓa uru ne dan némajije gə́ d’al dɔ loo sula ɓəi lé areeje uga gə néurti gə kəmndooyoo togə́bè tɔ. Mbata yeḛ ə̰ji ta mée’g pana: N’isi n’to mbai gə́ dené ləm, neḛ n’to gə́ dené nduba el ləm, kəmndooyoo a teḛ dɔ neḛ’g el ŋga ləm tɔ.