Esai 47:6 - Maktub gə́ To gə Kəmee

⁶ Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Esai 47:6 ပူးပေါင်းရင်းမြစ်များ

2 Samel 24:14

Dabid tel ila Gad keneŋ pana: Ma m’isi dan boo-nékəmndoo’g. Wai, maji kar sí j’oso meḛ ji Njesigənea̰’g ɓa mbata meekaw taḭ-taḭ ləa al dɔ loo sula, nɛ maji kam m’oso meḛ ji dəwje’g ɓa el!

2 Sôrta Gḭka Israɛlje 10:11

Ɓasinè, bɔbije unda nékodo gə́ wɔi dɔ dee’g nɛ i lé a kila maree dɔ’g karee wɔi dee unda njé gə́ kédé, bɔbije unda dee gə ndəije nɛ i ndá a kunda dee gə mbai-yḭje ɓa.

2 Sôrta Gḭka Israɛlje 28:9

Njetegginta lə Njesigənea̰ kára ria lə Oded si lé gən lé tɔ. Yeḛ aw tila kəm njérɔje gə́ d’ḭ Samari ndá yeḛ ula dee pana: Aa ooje, mee Njesigənea̰, Ala lə bɔ síje-je ea̰ dɔ Judaje’g aree uba dee ya̰ dee ji sí’g ar sí tɔl deeje ne gə oŋg-boo gə́ aw njal teḛ mee dara’g lé.

2 Sôrta Gḭka Israɛlje 36:17

Togə́bè ɓa Njesigənea̰ ar mbaije lə Kaldeje d’ḭ rɔ sə dee ndá yeḛ tɔl basaje gə kiambas mee loo’g lə deḛ gə́ to gə kəmee’g. Yeḛ ya̰ basa əsé ŋgoma̰də əsé ɓuga əsé dəw gə́ dəa pudu lé kəmba el nɛ yeḛ ya̰ deḛ lai jia’g ya.

2 Sôrta Gḭka Israɛlje 36:20

Deḛ gə́ teḛ ta kiambas’g lé Nebukadnesar wa dee aw sə dee Babilɔn. Deḛ d’ula sul dɔ dee’g nea̰-yeḛ’g ləm, gə no̰ ŋganeeje’g ləm tɔ saar mee ndəa gə́ Persəje taa ne ɓeeko̰ lé

Esdras 5:12

Nɛ loo gə́ bɔ neḛje-je d’ar mee Ala gə́ to mbai dɔ dara ea̰ dɔ dee’g ndá yeḛ uba dee ya̰ dee ji Nebukadnesar, mbai gə́ Babilɔn gə́ to dəw gə́ Kalde ndá yeḛ ɓa tuji kəi neelé ləm, yeḛ wa koso-dəwje ɓər aw sə dee Babilɔn ləm tɔ.

Pakɔsje 69:26

Maji kar loo-si dee tel to dɔ nduba piu-piu Ɓó ar dəwje d’isi mee kəi-kubuje’g lə dee el ya saar!

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Esai 13:16

D’a kunda ŋgan deeje kəm dee’g ya vaga-vaga tɔl dee ləm, D’a buu mee kəije lə dee buu-buu ləma, D’a kur dɔ denéje’g lə dee ləm tɔ.

Esai 14:17

Gə njekar dɔ naŋg tel to gə́ dɔ nduba ləm, Gə njetuji ɓee-booje ləma, Gə njekɔr dəwje gə́ yeḛ wa dee gə́ ɓər lé Kɔm dee tar el ləm tɔ lé el wa.

Esai 14:6

Yeḛ gə́ oŋg ḭ səa jugugu Aree kunda ginkoji dəwje gə raŋg Gə́ kédé-kédé lal kəw rəa ləm, Yeḛ gə́ oŋg ḭ səa Aree dum dɔ ginkoji dəwje gə raŋg ləm tɔ lé D’ula kəmee ndòo lal kunda ŋgaŋgee.

Esai 43:28

Gelee gə́ nee ɓa deḛ gə́ to mbaije dɔ loo gə́ to gə kəmee’g lé Ma m’ra sə dee asəna gə dəwje gə́ mḭdé ba bèe ləm, M’ila njé’g lə Jakob loo-tuji’g ləma, M’ila rɔkul-boo dɔ Israɛlje’g ləm tɔ.

Jeremi 50:42

Deḛ d’odo ɓandaŋgje Gə ŋgan niŋgaje, Deḛ to njémeemajelje ləm, D’oo kəmtondoo el ləm tɔ. Deḛ tuba kundaje, Deḛ d’isi pèrèrè gə mba rɔ To gə́ dəw gə́ kára ba bèe, D’a gə rɔ sə sí-seḭ gə́ Babilɔn Gə́ toje asəna gə ŋgoma̰də!

Nɔ̰-ndôo gə́ wɔji dɔ Jerusalem 1:14

Yeḛ tɔs dɔ néramje gə́ majel lé na̰’d lai Aree to gə́ nékodo gə́ wɔi dɔm’g, Yeḛ ar siŋgam kara yɔ tɔ. Njesigənea̰ ya̰’m ji njéba̰je’g Gə́ m’askəm nar rɔm ji dee’g el.

Nɔ̰-ndôo gə́ wɔji dɔ Jerusalem 1:21

Deḛ d’oo ndum Loo gə́ m’tuma̰ ŋgururu-ŋgururu lé Nɛ dəw kára kara ree rɔm’g mba gɔl məəm el, Loo gə́ njéba̰je ləm d’oo ta némeeko̰ gə́ teḛ dɔm’g lé ndá Deḛ d’al rɔ dee Mbata né gə́ i aree teḛ dɔm’g lé, Ndɔ gə́ i wɔji mba kar dee To to gə́ ma bèe lé I a kar ndəa neelé teḛ ləm, I a kila mberee ləm tɔ.

Nɔ̰-ndôo gə́ wɔji dɔ Jerusalem 2:2

Mbaidɔmbaije tuji loo-sije lə Jakob lai-lai Lal koo kəmtondoo ləa ləm, Dan meekḭ jugugu’g ləa lé Yeḛ unda ne kəi-kaar-kɔgərɔje Lə ŋgolə Juda gə́ dené lé naŋg rab-rab ləma, Yeḛ ar dee tel gɔl ne naŋg ləm tɔ, Tɔɓəi yeḛ ila ndɔl dɔ ɓeeko̰’g ləm, Gə dɔ ŋgan-mbaije gə́ keneŋ ləm tɔ.

Nɔ̰-ndôo gə́ wɔji dɔ Jerusalem 4:16

Njesigənea̰ nja ɓa sané dee kad-kad Yeḛ un kəmee dɔ dee’g rəw ləm tɔ. Dəw ila riɓar dɔ njékinjanéməsje’g el ləm, D’oo kəmtondoo lə ŋgatɔgje el ləm tɔ.

Nɔ̰-ndôo gə́ wɔji dɔ Jerusalem 5:12

Deḛ ya ɗar ŋgan-mbaije gə jidee ləm, D’ila koji dɔ ŋgatɔgje’g el ləm tɔ.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ejekel 28:16

Gə goo boo tel kəm lar ləi lé néra gə́ kərm-kərm taa ne məəi pəl-pəl ari ra ne kaiya, i Nékunda gə́ dara gə́ njekaḭ bada lé neḛ n’ɔsi dɔ mbal’g lə Ala piriŋ n’ilai n’ari sané pá mbuna kɔr mbalje gə́ taa pər gəgəgə’g lé.

Abdias 1:10

Gayim gə́ seḭ raje gə ŋgoko̰ sí Jakob lé Rɔkul a dəb ne dɔ sí’g gə mbəa ləm, Seḭ a kuduje ne bo̰ ləm tɔ.

Abdias 1:16

Mbata kai gə́ seḭ aije né dɔ mbal’g ləm Gə́ to gə kəmee lé Ginkoji dəwje lai kara d’a kai né togə́bè saar-saar ya tɔ, D’a kai ləm, d’a turu meḛ dee’g ləm tɔ ndá D’a godo asəna gə deḛ gə́ d’isi kəmba kédé el,

Jakari 1:12

Yen ŋga kura lə Njesigənea̰ lé un ta dəji pana: Njesigənea̰ gə́ njeboo-néje, see saar ndɔ gə́ ra ɓa i a lal koo kəmtondoo lə njé gə́ Jerusalem gə ɓee-booje gə́ Juda, dee gə́ i ar məəi ḭ səi jugugu dɔ dee’g as ləb rɔ-siri mba̰ lé wa.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Matiyo 7:2

Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.

Tel tura Godndu 28:50

deḛ to gə́ ginkoji dəwje gə́ kəm dee to gəsəsə ləm, deḛ təd kag ɓugaje el ləm, gə d’oo kəmtondoo lə ŋganje el ləm tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.