Esai 47:5 - Maktub gə́ To gə Kəmee

⁵ Seḭ Kaldeje gə́ toje asəna gə ŋgon gə́ dené bèe lé Sije naŋg gə ta sí mundu ləm, Awje dan loondul’g ləm tɔ, D’a ɓar sí mbai dɔ ɓeeko̰je el ŋga.

Esai 47:5 ပူးပေါင်းရင်းမြစ်များ

Pakɔsje 31:17

Maji kari ar kəmi to jḛ̀ dɔ kura’g ləi, Maji kari ajim gə goo meenoji ləi!

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Esai 13:10

Mbata kéréméje gə́ boi Gə ŋgan kéréméje gə́ gugu dɔ dee lé D’a kar rɔndɔḭ lə dee ndogó el ləm, Léegəneeya kàr gə́ a kuba bər lé a tel ndul njudu-njudu ləma, Naḭ kara a kar ndá ləa ndogó el ləm tɔ.

Esai 14:23

N’a karee to kugu to nduruje ləm, gə daŋg-mán ləm tɔ, n’a kwa rəw-rəw gə ŋgisa gə́ ka̰ tujee, Njesigənea̰ gə́ njeboo-néje ɓa pa bèe.

Esai 14:4

ndá seḭ a kunje pa neelé kɔm ne ta dɔ mbai gə́ Babilɔn’g pana: Ɗi ɓa bèe wa! Njekunda rəa gə́ dəw gə́ boo lé godo! Gel kula kəm loo ndòo lé gaŋg ŋga!

Esai 21:9

Bèe ɓa aa oo, njérɔ gə kundaje Gə́ d’wa na̰ joo-joo lé d’isi ree! Deḛ d’un ta pa tɔɓəi pana: Babilɔn oso, yee oso ya. Ndá ndil néje gə́ to magəje ləa lé Toso naŋg təd njigi-njigi!

Esai 23:2

Sije mundu mbata néɓəl gə́ teḛ, Seḭ dəwje gə́ síje ta baa’g lé, Seḭ njérab-néndogoje gə́ Sido̰ Gə́ gaŋgje baa-boo-kad lé.

Esai 47:1

Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Esai 47:7

Seḭ paje pana: Seḭ a toje mbai dɔ ɓeeko̰je ya saar-saar! Seḭ ə̰jije meḛ sí’g to gə́ néje neelé Rudu dee a kun ɗiao bèe el ya saar.

Jeremi 25:10

N’a kar ndu rɔlel gə ndu pa kalrɔ ləm, gə pakɔs lə njedené-sigi gə pakɔs lə njeŋgao-sigi ləm, gə kaa mbal-kusu-kó ləma, gə ndogó lə pərŋgel ləm tɔ d’a godo mbuna dee’g.

Jeremi 8:14

See gelee ban ɓa j’isi naŋg wa. Maji kar sí mbo̰je dɔ na̰, J’awje mee ɓee-booje gə́ siŋga dee to Mba kar sí j’wəije keneŋ! Mbata Njesigənea̰ Ala wɔji kar sí j’wəije, Yeḛ ar sí j’aije mán Gə́ kuma̰ tɔl dəw to keneŋ, Mbata jeḛ n’raje kaiya J’ɔsje ne ta lə Njesigənea̰ rəw.

Nɔ̰-ndôo gə́ wɔji dɔ Jerusalem 1:1

Ɗi togə́bè wa. Ɓee-boo gə́ kédé dəwje taa loo keneŋ pəl-pəl lé Tel to dɔ nduba wa. Yee tel to asəna gə njekəisiŋga bèe! Kédé yee ur dɔ ɓeeje lə ginkoji dəwje gə raŋg lai ləm, Ria ɓar yaa̰ mbuna ɓeeko̰je’g lai ləm tɔ Nɛ yee tel to asəna gə njera kula kari ba ŋga!

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Habakuk 2:20

Njesigənea̰ si mee kəi’g ləa gə́ to gə kəmee lé. Maji kar dəwje lai gə́ dɔ naŋg nee D’isi gə ta dee gə́ mundu nea̰’g ya!

Jakari 2:13

Aa ooje, neḛ n’tɔji dee ji neḛ Ndá deḛ d’a tel to nékunda-ba̰rɔ lə ɓərje lə dee gə́ ra kula d’ar dee kédé lé. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam ya.

Jude 1:13

Deḛje neelé néra gə́ mina̰ lə dee lé uba ndugu-ndugu asəna gə paŋgəm mán baa-boo-kad gə́ tuga ar əmee ḭ bèe. Deḛ to d’asəna gə niŋga-ndɔ gə́ teḛ igi kág gə́ loo gə́ ndul njudu-njudu ɓa wɔji dɔ dee gə no̰.

Loo gə́ killa rea kəm Ja̰’g 17:18

Dené gə́ ma m’ée lé to ɓee-boo gə́ o̰ mbaije gə́ dɔ naŋg nee ya.

Loo gə́ killa rea kəm Ja̰’g 18:7

Kɔs gə́ yeḛ ɔs gaji rəa ɓa uru ne dan némajije gə́ d’al dɔ loo sula ɓəi lé areeje uga gə néurti gə kəmndooyoo togə́bè tɔ. Mbata yeḛ ə̰ji ta mée’g pana: N’isi n’to mbai gə́ dené ləm, neḛ n’to gə́ dené nduba el ləm, kəmndooyoo a teḛ dɔ neḛ’g el ŋga ləm tɔ.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.