Esai 47:4 - Maktub gə́ To gə Kəmee

⁴ Njekoga dɔ síjeḛ lé To yeḛ gə́ ria lə Njesigənea̰ gə́ njeboo-néje, Yeḛ to Njerɔkunda lə Israɛlje.

Esai 47:4 ပူးပေါင်းရင်းမြစ်များ

Pakɔsje 19:14

Maji kari ɔs njébeeleje rəw rɔ ŋgonjelookisi’g ləi ləm, Gə mba kar dee dum dɔm el ləm tɔ, Bèe ɓa m’a to ne njemeenda ndá Kaiya gə́ boo a ɓar rim el.

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 43:14

Njesigənea̰, njekoga dɔ sí Gə́ to Njerɔkunda lə Israɛlje lé Pa togə́bè pana: Gə mbata lə sí-seḭ ɓa Ma m’ula ne njeba̰ m’aree rɔ ne gə njé gə́ Babilɔn gə mbəa Ndá m’ar dee-deḛ lai gə́ to njékaḭje d’oso ləm, Gə Kaldeje gə́ d’aḭ gə batoje lə dee Gə́ d’ɔs ne gaji rɔ dee lé kara d’oso ləm tɔ.

Esai 43:15

Ma m’to Njesigənea̰, Njerɔkunda lə sí, M’to njekunda Israɛlje gə́ m’to mbai lə sí.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 44:6

Aa ooje, ta gə́ Njesigənea̰, Mbai lə Israɛlje gə njekoga dɔ dee ləm, Yeḛ gə́ to Njesigənea̰ gə́ njeboo-néje ləm tɔ Pa togə́bè pana: Ma m’to yeḛ gə́ doŋgɔr ləm, Gə yeḛ gə́ rudu ləm tɔ. Ɓó lé ma m’godo ndá Ala kara godo tɔ.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 51:15

Ma m’to Njesigənea̰, Ala lə sí Gə́ m’ar baa-boo-kad ḭ ləm, M’ar paŋgəm manee tuga ləm tɔ. Njesigənea̰ gə́ njeboo-néje ɓa gə́ rim.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Jeremi 31:11

Mbata Njesigənea̰ uga dɔ Jakobje Ɔr dee ne ji njeba̰ gə́ siŋgá ur dɔ dee’g.

Amɔs 4:13

Mbata aa ooje, yeḛ gə́ to njera mbalje ləm, Gə njekunda lel ləm, Yeḛ gə́ riba dɔ takə̰ji ləa ar dəw gər ləm, Yeḛ gə́ ar loo gə́ kàr uba lé Tel to loondul ləma, Yeḛ gə́ njaa sém looje’d gə́ tar lə naŋg nee ləm tɔ lé Ria ɓa to Njesigənea̰, Ala gə́ njeboo-néje ya.