Esai 47:14 - Maktub gə́ To gə Kəmee

¹⁴ Aa ooje, deḛ to d’asəna gə ləm mu Ndá pər a roo dee. Deḛ d’a kaskəm kaji rɔ dee Dan ndo̰ pər gə́ teḛ bilim-bilim’g el, A to gə́ kɔr pər gə́ dəw a ndibi el ləm, A to pər gə́ dəw a si ta’g el ləm tɔ.

Esai 47:14 ပူးပေါင်းရင်းမြစ်များ

Teḛ-Raga 5:12

Dəwje neelé sanéna̰ gə loo-loo mee ɓee gə́ Ejiptə mba kwa ləm muje ŋga ɓa tor mu’g.

Esai 10:17

Njesigənea̰ gə́ to lookàr lə Israɛlje lé A tel to pər, Njemeenda lə dee a tel to ndo̰ pər to Ndá yeḛ a roo kunje gə kun-pɔrɔrɔje ləa Mee ndɔ gə́ kára ba ya.

Esai 30:14

Ndògo-bɔrɔ neelé d’a tɔ pɔs-pɔs To gə́ tɔ ne jo lə njekubajo Gə́ deḛ tɔ d’ar gailá nai el ləm, Esé a kiŋga əb keneŋ Gə mba kun ne pər mee pil’g el ləma, Esé d’a kɔr ne mán ɓul-mán’g bèe el ləm tɔ.

Esai 33:14

Njékaiyaje lé deḛ ɓəl mee ɓee gə́ Sio̰’g, Njéra né kori-korije lé d’unda bala tigi-tigi. See na̰ ɓa mbuna sí’g askəm si mbɔr pər gə́ roo loo’g wa. Esé na̰ ɓa mbuna sí’g askəm si mbɔr ndo̰ pərje gə́ to saar-saar gə no̰ lé wa.

Esai 40:24

Deḛ lé ma̰a dee el ləm, Gə dubu dee el ləma, Kag rɔ dee kara ŋgirá aw naŋg el ləm tɔ, Yeḛ ila kəmə pugudu dɔ dee’g Ndá deḛ tudu kurum-kurum ləm, Lel-mal ɓir dee Aw sə dee to gə́ ləm mu bèe ləm tɔ.

Esai 41:2

See na̰ ɓa ar dəw gə́ njekur dɔ loo’g unda loo bər teḛ, Yeḛ gə́ ndu kaji ɓar gée’g lé wa. See na̰ ɓa ɔm ginkoji dəwje gə raŋg jia’g ləm, Ar mbaije d’ula dɔ dee nea̰’g ləm tɔ wa. See na̰ ɓa ar kiambas lə dee tel nduji naŋg ləm, Ar ɓandaŋgje lə dee tel to ləm mu gə́ lel ula ne bèe ləm tɔ wa.

Esai 44:16

Yeḛ roo ges kag ləa Ndá gesee gə́ nai lé Yeḛ ndiri ne da, Yeḛ nuŋga ne sɔ aree asee nag, Yeḛ ndibi ndá yeḛ ra ne: Ha, ha Rɔm nuŋga so, ma m’oo ndo̰ pər!

Esai 5:24

Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Jeremi 51:30

Bao-rɔje gə́ Babilɔn d’əw rɔ dee rɔ ləm, Deḛ d’isi mee kəi-kaar-kɔgərɔje’g ləma, Siŋga dee godo Ar dee to d’asəna gə denéje bèe ləm tɔ. Deḛ tula pər dɔ kəije’g lə ɓee lé biriri-biriri ləm, Deḛ təd pəgərə tarəwje ləa kərm-kərm ləm tɔ.

Jeremi 51:32

To gə́ taa kila-rəwje pəl-pəl. Pər roo dɔ dṵga loo-ndɔje rug-rug Ar dəwje gə́ njérɔje lé ɓəl unda dee badə gaŋg dee.

Jeremi 51:58

Njesigənea̰ lə bao-rɔje lé Pa togə́bè pana: Ndògo-bɔrɔ gə́ Babilɔn gə́ tad rəg-rəg lé A təd kərm-kərm ləm, Tarəwkɔgje ləa gə́ ndəw lé Pər a roo dula-dula ləm tɔ, Togə́bè ɓa koso-dəwje D’ula ne rɔ dee ndubu kari ba ləm, Ginkoji dəwje gə raŋg Dao ne dao-dao ləm tɔ Nɛ pər ɓa roo kula ra dee.

Ejekel 15:7

N’a tel gir neḛ kila k’ar dee, deḛ d’unda loo dan pər’d teḛ nɛ pər a roo dee dula-dula. Bèe ɓa seḭ a gərje ne to gə́ neḛ n’to Njesigənea̰ loo gə́ n’a tel gir neḛ kila k’ar dee lé.

Joɛl 2:5

Kaa dee gə́ ɓar lé To asəna gə kaa pusu-rɔje Gə́ tal dɔ sém mbalje’g tar bèe ləm, To asəna gə ndo̰ pər gə́ o̰ ndɔb rududu-rududu Gə́ aw to̰ ləm muje bèe ləma, To asəna gə kudu njérɔje gə́ siŋga dee to yaa̰ Gə́ d’wa dɔ gɔl rɔ dee gə mba kaw rɔ bèe ləm tɔ.

Abdias 1:18

Ginkoji Jakobje d’a to asəna gə pər bèe ləm, Gel-bɔje lə Jisəb d’a to asəna gə ndo̰ pər bèe ləm tɔ, Nɛ ginkoji Esawuje d’a to asəna gə ləm-mu Gə́ d’a kila pər keneŋ karee o̰ hao̰ bèe, Ndá ginkoji Esawuje d’a nai kára kara el Mbata Njesigənea̰ ɓa pa bèe.

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

Matiyo 16:26

Lé dəw a kiŋga nékiŋgaje gə́ dɔ naŋg nee lai ya nɛ kankəmrea igi yɔm ndá see nékiŋga ɓa nee wa. Esé see ɗi ɓa dəw neelé a kun kuga ne kankəmrea taa wa.

Loo gə́ killa rea kəm Ja̰’g 18:21

Yen ŋga kura gə́ dara gə́ to njesiŋgamoŋ lé un kɔr mbal gə́ to asəna gə mbal gə́ d’usu ne kó bèe ndá yeḛ unda piriŋ ila dan baa-boo-kad’g pana: Togə́bè ya ɓa, d’a kun ne Babilɔn, ɓee-boo gə́ garee godo neelé kila ne mán poŋgm bèe ya tɔ. D’a kiŋgá gogo el ŋga.