Esai 47:11 - Maktub gə́ To gə Kəmee

¹¹ Meeko̰ a koso dɔ sí’g Lal kar sí gərje loo gə́ ḭ keneŋ, Tuji-boo a koso dɔ sí’g Kar né gə́ a kar sí teḛje ta’g godo, Nétujije d’a ɓugu na̰ dɔ sí’d gə́ léegəneeya Lal kar sí ooje rəbee.

Esai 47:11 ပူးပေါင်းရင်းမြစ်များ

Nehemi 4:11

Deḛ gə́ d’unda ndògo-bɔrɔ lé ləm, gə deḛ gə́ d’odo néje gə́ wɔi-wɔi ləm tɔ lé ra kula gə ji dee gə́ kára ləm, ji dee gə́ kára lé d’wa ne nérɔ ləm tɔ.

Pakɔsje 35:8

Maji kar tuji teḛ dɔ dee’g wai ləm, Maji kar ba̰də gə́ d’ila mba kwam ne lé tel wa dee Kar dee d’oso keneŋ tuji ne pugudu ləm tɔ.

Pakɔsje 50:22

Seḭ gə́ meḛ sí wəi dɔ Ala’g lé Maji kar sí undaje kəmkàr dɔ rɔ sí’g Nà n’a kḭ ti sí ne mbidi-mbidi Lal kar dəw kára kara ɔr sí ila sí tar.

Pakɔsje 55:15

Jeḛ səi lé j’isi na̰’d dan noji’g lə sí N’kulje gə na̰ yururu ləm, J’awje na̰’d gə koso-dəwje mee kəi Ala’g lé ləm tɔ.

Pakɔsje 73:19

Kwii! léegəneeya deḛ tuji pugudu! Né gə́ to ɓəl gə́ a tuji dee ləm, Kar dee godo ləm tɔ lé uba dee naŋg bus!

Gosota-Kəmkàrje 13:21

Némeeko̰ ndolè goo deḛ gə́ ra kaiya, Nɛ némeemaji to nékoga-dɔ-ji njémeekarabasurje.

Esai 13:6

Maji kar sí no̰je, siije mbigi-mbigi Mbata ndɔ lə Njesigənea̰ si aw gə́ nee dəb, Yeḛ ree asəna gə nétuji Gə́ ḭ rɔ Bao-siŋgamoŋ’d bèe.

Esai 29:5

Njéba̰je ləi gə́ bula digi-digi lé D’a to kasəna gə nduji naŋg ləm, Njérɔje nee gə́ bula digi-digi lé kara D’a to tana gə tisa kó gə́ lel ula ne bèe ləm tɔ. Ndá léegəneeya! asəna gə né gə́ teḛ wai bèe,

Esai 30:13

Néra kori-kori neelé a kwɔji dɔ sí Asəna gə ndògo-bɔrɔ gə́ ŋgal gə́ ta̰ kédé ɓa aree təd ɓəi Aree teḛ gə́ raga təd kalaŋ gə́ léegəneeya:

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Esai 47:9

Néje joo neelé d’a teḛ dɔ sí’g wai Gə́ mee ndəa gə́ kára ba ya Kar ŋganje lal sí ləm, Kar sí síje gə́ njékəisiŋgaje ləm tɔ. Lée némbeḛje lə sí gə́ bula əsé Nésukəmlooje lə sí gə́ bula yaa̰ kara Néje joo neelé d’a teḛ dɔ sí’g Mee ndɔ gə́ kára ba ya.

Esai 48:8

Seḭ ooje taree el ləm, Seḭ gərje el ləma, Ləw ba lé taree kara oso mbi sí’g el ləm tɔ, Mbata ma m’gər gao, Seḭ a gə toje njédɔkədərəje ləm, Un kudee gə kas sí ba lé Deḛ ɓar sí njékaltaje ləm tɔ.

Esai 57:1

Njera né gə́ gə dɔ najee lé tuji ndá Dəw kára gə́ njekḛji dɔ’g godo, Dəwje gə́ njéra némajije godo Ar dəw kára kara gər To gə́ d’ɔr dee mbata né gə́ majel Gə́ a gə teḛ dɔ dee’g lé bèe el.

Jeremi 51:29

Dɔ naŋg yə ɓugu-ɓugu ləm, Unda bala ləm tɔ, Mbata né gə́ Njesigənea̰ wɔji gə mba ra Gə Babilɔn lé aw lée’g béréré. Yeḛ a kar ɓee gə́ Babilɔn Tel to dɔdilaloo Gə́ dəw kára kara godo keneŋ.

Jeremi 51:43

Ɓee-booje ləa tuji pugudu-pugudu ləm, Naŋg tudu kurum-kurum to dɔdilaloo ləm tɔ. To ɓee gə́ dəw kára kara si keneŋ el ləm, Dəw kára kara dəs keneŋ el ləm tɔ.

Jeremi 51:8

Kalaŋ bèe ya ndá Babilɔn oso guru rug-rug! Tuma̰je ŋgururu-ŋgururu gə mbəa, Ɔmje no̰-kag gə́ ra gə kuma̰ ta doo’g ləa, Banelə yee a kər kəmsə.

Nɔ̰-ndôo gə́ wɔji dɔ Jerusalem 1:21

Deḛ d’oo ndum Loo gə́ m’tuma̰ ŋgururu-ŋgururu lé Nɛ dəw kára kara ree rɔm’g mba gɔl məəm el, Loo gə́ njéba̰je ləm d’oo ta némeeko̰ gə́ teḛ dɔm’g lé ndá Deḛ d’al rɔ dee Mbata né gə́ i aree teḛ dɔm’g lé, Ndɔ gə́ i wɔji mba kar dee To to gə́ ma bèe lé I a kar ndəa neelé teḛ ləm, I a kila mberee ləm tɔ.

Ejekel 7:26

Meeko̰ ree gə́ dɔ maree’g-maree’g ləm, Sor tuji teḛ orè goo na̰-na̰ ləm tɔ, Deḛ dəji njéteggintaje némḭdije, Njékinjanéməsje gər godndu el ŋga ləm, Ta kwɔji kəmkàr godo rɔ ŋgatɔgje’g ləm tɔ.

Matiyo 18:34

Mee ɓéeje ḭ səa jugugu, aree wá ulá ji njégaŋ-rəwtaje’g ar dee d’ilá daŋgai’g saar mba karee uga ɓaŋg gə́ to dəa’g lé ŋgər-ŋgər ya tɔ.

Lugu 12:59

Ma m’ulai təsərə, lée gə́ neelé i a nai keneŋ saar njena a kuga gira ɓaŋgee ŋgər-ŋgər tɔ.

Lugu 17:27

Dəwje d’usɔ gə d’ai ləm, diŋgam gə denéje taa na̰ tɔɓəi d’ar ŋgan deeje kara taa na̰ ləm tɔ saar Noe ḭ kág uru mee kəi-kag’d ndá mán bélm ḭ unda dee ne naŋg rə̰dəŋ-rə̰dəŋ ar dee d’udu ne bo̰.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

Loo gə́ killa rea kəm Ja̰’g 3:3

Ar məəi olé dɔ ta gə́ i ndoo’g taa gə məəi ləm, reḛ́ keneŋ rḛ́-rḛ́ ləm tɔ ndá wa ndòo rɔi dɔ kaiya’g ləi tɔ. Ɓó lé i teḛ kəmi el ndá m’a teḛ dɔi’g asəna gə njeɓogo bèe nɛ i a gər kàree gə́ m’a gə teḛ ne dɔi’g el.