Esai 47:1 - Maktub gə́ To gə Kəmee

¹ Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Esai 47:1 ပူးပေါင်းရင်းမြစ်များ

Maktub gə́ wɔji dɔ Jɔb 2:13

Deḛ d’isi səa dɔ naŋg’d ya ndɔ siri dan kàrá gə loondul’g ar dəw kára kara ulá ta el mbata deḛ d’oo néɓəŋgərəti ləa gə́ al dɔ loo sula lé.

Maktub gə́ wɔji dɔ Jɔb 2:8

Togə́bè Jɔb un seŋgəre ŋgə ne rəa ləm, si ne dan bu’g ləm tɔ.

Pakɔsje 137:8

I ɓee gə́ Babilɔn, i gə́ a gə tuji pugudu lé Rɔlel nai gə yeḛ gə́ ra səi né togə́bè ləm, Gə́ ra səi némajel to gə́ i ra sə síjeḛ bèe ya ləm tɔ.

Pakɔsje 18:27

Dəw gə́ àr ŋgad-ŋgad lé ndá I nja kara àr səa ŋgad-ŋgad ya ləm, Yeḛ gə́ njera némeeyèr lé kara I ra səa gə goo némeeyèr ləa ya ləm tɔ.

Pakɔsje 89:44

I ar ŋgaŋ kiambas ləa roo ləm, I to dərgelee loo-rɔ’g el ləm tɔ.

Esai 13:1

Ndərta gə́ inja kəm Esai, ŋgolə Amots’g aree oo gə́ wɔji ne dɔ Babilɔnje e.

Esai 13:13

Gelee gə́ nee ɓa n’a yə dara ɓugu-ɓugu ləm, Gel naŋg kara a yə ləm tɔ Gə goo oŋg lə Njesigənea̰ gə́ njeboo-néje Mee ndɔ boo-oŋg’d ləa gə́ a kḭ səa jugugu lé tɔ.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 21:1

Ndərta gə́ wɔji dɔ dɔdilaloo gə́ mbɔr baa-boo-kad’g. To gə́ lel-mal ḭ dɔ jikɔl ree ɓir bèe Ndá njeba̰ ḭ dɔdilaloo’d Gə́ to ɓee gə́ to ɓəl kədm-kədm.

Esai 23:12

Yeḛ pana: Seḭ a raje rɔlel pai godo, Seḭ njéɓeeje gə́ Sido̰ gə́ d’ila rɔkul dɔ sí’g! Ḭje ta awje ɓee gə́ Kitim! Lée neelé kara seḭ a kiŋgaje loo-kwa-rɔ sí keneŋ el tɔ.

Esai 26:5

Yeḛ tɔs dəwje gə́ d’isi dɔ mbalje’g tar lé tila dee ləm, Ɓee-boo gə́ to tar ur dɔ mareeje’g lé Yeḛ rəm səa ləm tɔ. Yeḛ aw səa aree oso naŋg ləm, Yeḛ aw səa saar ilá babur’g pal ləm tɔ.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 37:22

Aa oo, ta gə́ Njesigənea̰ pa wɔji ne dəa ɓa nee: Ŋgoma̰də gə́ to ŋgon dené gə́ Sio̰ Ǝ̰jii bəḭ-bəḭ ləm, yeḛ kogo dɔi’g ləm tɔ, Ŋgon dené gə́ Jerusalem Tuga dəa jəgm-jəgm gooi’g kən tɔ.

Esai 52:2

Ḭje tar kundaje kor rɔ sí’g! Ḭje tar síje dɔ loo-si sí’g, Seḭ gə́ Jerusalem! Tuduje kúla gə́ to gwɔs sí’g, Seḭ ŋgalə Sio̰ gə́ toje ɓərje lé!

Jeremi 13:18

Ula mbai gə kea̰je pana: Rəmje síje naŋg Mbata dɔgugu-mbai gə́ to néɗɔi-rɔ sí lé oso naŋg.

Jeremi 46:11

Aw mee ɓee gə́ Galaad Taa no̰-kag gə́ ra gə kuma̰, I Ejiptə gə́ to asəna gə ŋgoma̰də bèe. I taa kuma̰je bula gə́ kédé-kédé kari ba Ɓó a kaji ne rɔi el.

Jeremi 48:18

Seḭ njéɓeeje gə́ Dibo̰ Gə́ to asəna gə ŋgoma̰də lé Ḭje loo-si rɔnduba’g lé urje naŋg, Sije dɔ naŋg gə́ tudu kurum-kurum’g, Mbata njetujiloo gə́ ḭ Moab lé aw gə́ dɔ sí’g nee. Yeḛ tuji kəi-kaar-kɔgərɔje lə sí pugudu.

Jeremi 50:1

Ta gə́ Njesigənea̰ pa gə ndu Jeremi, njetegginta wɔji ne dɔ Babilɔn ləm, gə ɓee lə Kaldeje ləm tɔ.

Jeremi 50:42

Deḛ d’odo ɓandaŋgje Gə ŋgan niŋgaje, Deḛ to njémeemajelje ləm, D’oo kəmtondoo el ləm tɔ. Deḛ tuba kundaje, Deḛ d’isi pèrèrè gə mba rɔ To gə́ dəw gə́ kára ba bèe, D’a gə rɔ sə sí-seḭ gə́ Babilɔn Gə́ toje asəna gə ŋgoma̰də!

Jeremi 51:1

Njesigənea̰ pa togə́bè pana: Aa ooje, ma m’ar lel gə́ njetujiloo Aw gə́ dɔ Babilɔn’g Gə dɔ dee gə́ d’isi Kalde.

Jeremi 51:33

Mbata Njesigənea̰ gə́ njeboo-néje, Ala lə Israɛlje pa togə́bè pana: Babilɔn gə́ to asəna gə ŋgoma̰də lé To asəna gə loo-kunda-kó Gə́ d’aw tuba mba karee asəna rai-rai bèe: Nai lam ba bèe ndá kàr kinja kó a teḛ dəa’g.

Jeremi 51:51

Rɔ sí kul loo gə́ j’oo ta tajikil ləm, Sɔḭ wa kəm sí Loo gə́ dəw-dɔ-ɓeeje ree Mee loo’g lə Njesigənea̰ Gə́ to gə́ kəmee ləm tɔ.

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Nɔ̰-ndôo gə́ wɔji dɔ Jerusalem 2:21

Ŋganje gə ɓugaje lai ya rogo naŋg dan rəw’g, Ŋganəmje gə́ ma̰də gə basa lé d’wəi yoo-kiambas tɔ, Ndɔ oŋg’g ləi lé i tɔl dee ləm, I goré gwɔs dee lal koo ne kəmtondoo lə dee ləm tɔ.

Nɔ̰-ndôo gə́ wɔji dɔ Jerusalem 4:5

Dəwje gə́ kédé to njékusɔ néje Gə́ maji-maji lé kara D’wəi mburug-mburug dan rəw’g ləm, Deḛ gə́ kédé to njékula kubu Gə́ bḭ-maji gə́ ndul piro-piroje lé kara Deḛ rogo naŋg dan siḭ néje’g ləm tɔ.

Ejekel 26:16

Ŋgan-mbaije lai gə́ njékaa dɔ dəb ɓeeko̰je gə́ d’isi ta baa-boo-kad’g lé d’ḭ dɔ kalimbaije’g lə dee d’ur naŋg. Deḛ tɔr kubuje lə dee gə́ boi yul-yul rɔ dee’g ləm, deḛ tɔr kubuje lə dee gə́ d’ɔs ndaji ta’g ləm tɔ. Deḛ ɓiri rɔ dee gə ɓəl ndá rəm d’isi naŋg. Ɓəl-boo dəb dɔ dee’g gə mee kàrje lai ləm, ɓəl unda dee badə gaŋg dee mbata né gə́ yeḛ aree teḛ dɔi’g ləm tɔ.

Ejekel 28:17

I beelé məəi’g mbata maji péd-péd ləi ləm, ndubarɔ ləi lé ari tuji ne kəmkàr ləi ləm tɔ, neḛ n’ɔsi n’ilai naŋg n’ari tel to né mbo̰ kəm dɔ’g lə mbaije ya.

Junas 3:6

Ta neelé aw saar oso mbi mbai gə́ Ninibə’g pad ndá yeḛ ḭ dɔ kalimbai’g ləa, ɔr kubu ləa gə́ boi yul lé rəa’g ya̰ ula kubu-kwa-ndòo rəa’g rəm si ne dan bu’g gə kəmndoo.

Ajee 2:22

N’a tɔs kalimbai ɓeeko̰je tila ləm, n’a tuji siŋgamoŋ lə ɓeeko̰je lə ginkoji dəwje gə raŋg ləm, n’a tɔs pusu-rɔje gə dee gə́ d’isi dɔ’g tila dee ləma, kundaje gə njékaw rɔ gə kundaje lé d’a tɔl na̰ ləm tɔ.

Jakari 2:7

Aa oo, kura gə́ dara gə́ njekwɔji səm ta lé aw lam gə́ kédé ndá kura gə́ dara gə́ raŋg ree iŋgá.

Loo gə́ killa rea kəm Ja̰’g 18:7

Kɔs gə́ yeḛ ɔs gaji rəa ɓa uru ne dan némajije gə́ d’al dɔ loo sula ɓəi lé areeje uga gə néurti gə kəmndooyoo togə́bè tɔ. Mbata yeḛ ə̰ji ta mée’g pana: N’isi n’to mbai gə́ dené ləm, neḛ n’to gə́ dené nduba el ləm, kəmndooyoo a teḛ dɔ neḛ’g el ŋga ləm tɔ.