Esai 46:9 - Maktub gə́ To gə Kəmee

⁹ Arje meḛ sí olé dɔ néje gə́ dəs’g Mee ndəaje gə́ ləw’g lé Mbata ma m’to Ala Ɓó yeḛ gə́ njekorè dɔm-ma’g godo, Ma m’to Ala Ɓó yeḛ gə́ njetana səm kára kara godo ya saar.

Esai 46:9 ပူးပေါင်းရင်းမြစ်များ

Maktub gə́ wɔji dɔ Jɔb 10:13

Lée togə́bè kara aa oo né gə́ i iya dɔ ɓəŋgəri’g, Aa oo ma m’gər gao, yee ɓa gə́ né gə́ i wɔji məəi’g ya.

Pakɔsje 111:4

Néreaje gə́ dumkoo lé Yeḛ ar meḛ sí olé dɔ’g ləm, Njesigənea̰ lé to njemeekoso lemsé ləm, Gə njekoo kəmtondoo ya ləm tɔ.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 8:10

Deḛ daa yoo dee dɔ na̰’d ndil-ndil ar mee ɓee gə́ ə̰də mbo̰.

Teḛ-Raga 9:14

Mbata ɓasinè lé n’a gə kar tuji-booje lə neḛ lai d’a koso dɔi’g ləm, gə dɔ kuraje’g ləi ləma, gə dɔ dəwje’g ləi ləm tɔ, mba kari gər ne gao, to gə́ dɔ naŋg nee lai lé dəw kára kara gə́ to tana sə neḛ bèe lé godo.

Esai 41:26

Un kudee ndɔ gə́ dɔtar lé See na̰ ɓa ila mber mba kar sí n’gərje wa. See na̰ ɓa ula sí taree kédé gə́ ləw Mba kar sí m’pajena: To né gə́ tɔgərɔ ya wa. Dəw kára kara ila mberee əsé pa taree kédé el ləm, Dəw kára kara oo taje lə sí el ləm tɔ.

Esai 41:27

Ma nja ɓa m’to njekula njé gə́ Sio̰ ta doŋgɔr M’pana: Aa oo deeje, yḛ̀ d’aar’n! Ma nja m’ula njé gə́ Jerusalem m’pana: M’ula njekaḭkula kára gə taje gə́ maji.

Esai 42:9

Aa ooje, néje gə́ dɔtar D’aw lée’g béréré mba̰ Ndá néje gə́ sigi ɓa m’ula sí taree, Kédé ɓa kar dee teḛ ɓəi lé Ma m’ɔr gée m’ar sí ya.

Esai 43:10

Njesigənea̰ pana: Seḭ nja toje njékɔrgootaje ləm Seḭ gə kura ləm gə́ ma m’ɔree Gə mba kar sí gərje gao ləm, Kar sí ɔmje meḛ sí dɔm’g ooje to gə́ to ma nja ləm tɔ. Ma m’to gə́ dɔtar Ɓó Ala gə́ njekunda rəa nɔm’g Ɓa m’orè gée ɓəi lé godo ləm, Yeḛ gə́ a korè goom kara godo ləm tɔ.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 45:18

Mbata Njesigənea̰, Yeḛ gə́ to njekunda dara ləm, Gə to Ala kára ba kiao ləm, Yeḛ gə́ to njekunda naŋg Gə́ undá aree ŋgəŋ ŋgəŋ-ŋgəŋ ləm, Yeḛ gə́ undá mba karee tel to dɔdilaloo el ləma, Yeḛ gə́ gɔlee mba kar dəwje d’isi keneŋ ləm tɔ lé Pa togə́bè pana: Ma nja m’to Njesigənea̰ Ɓó yeḛ gə́ njekorè dɔm godo.

Esai 46:5

See na̰ ɓa seḭ a kasje kəm kwáje kwɔjimje ne kaareeje as səm wa. See na̰ ɓa a kamje m’to tana səa kar síjeḛ səa n’taje gə na̰ pai-pai wa.

Esai 48:3

Ta néje gə́ d’a gə ree lé Ma m’pa taree ləw-ləw ba, Taree teḛ tam’g ndá Ma m’ila mberee to: Léegəneeya m’ra né ndá Néje lé d’aw lée’g béréré ya.

Esai 65:17

Mbata m’a gə kunda dara gə́ sigi ləm, Gə naŋg gə́ sigi ləm tɔ, Meḛ dəwje a kolé dɔ néje gə́ ləw’d Gə́ dəs lé el ŋga ləm, D’a tel ree dan takə̰ji’g lə dee el ŋga ləm tɔ.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Jeremi 50:44

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ To gə́ toboḭ bèe. Léegəneeya m’a kɔs dee naŋg rad Tuba dee kar dee d’aḭ Ndá m’a kunda yeḛ gə́ ma nja m’ɔree toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa askəm kɔsm ŋgərəŋ wa.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Joɛl 2:27

Togə́bè ɓa seḭ a gərje gao To gə́ ma m’isi mbuna Israɛlje’g ya, Ma m’to Ala lə sí gə́ Njesigənea̰, Ɓó yeḛ gə́ raŋg godo, Bèe ɓa rɔkul a dəb dɔ dəwje’g ləm nda̰ el ŋga.

1 Njé gə́ Kɔrḭtə 8:6

Ndá jeḛ lé Ala lé Bɔ síje lé to kára ba kiao. Néje lai ḭ rəa’g ləm, jeḛ lé j’isi gə́ kea̰-yeḛ nja ləm tɔ. Mbaidɔmbaije lə sí Jeju Kristi lé to gə́ kára ba kiao tɔ. Mbɔl dəa-yeḛ nja ɓa néje lai to ne keneŋ ləm, jeḛje kara j’isi ne keneŋ gə mbəa-yeḛ nja ləm tɔ.

Tel tura Godndu 32:7

Arje meḛ sí olé dɔ ndɔje gə́ ləw’d Gə́ dəs lé ləm, Ǝ̰jije goo ləbje Gə́ orè goo na̰ goo na̰ lé ləm, Dəjije bɔ síje ndá d’a ndoo sí ləma, Dəjije ɓugaje lə sí ndá d’a kula sí ləm tɔ.

Tel tura Godndu 33:26

Moyis pa ya tɔɓəi pana: Dəw kára kara gə́ njetana gə Ala lə Israɛlje lé godo, Yeḛ uba dɔ dara aw Gə mba ree la sə sí ləm, Yeḛ uba dɔ mumje Gə rɔnduba ləa ləm tɔ.