Esai 46:7 - Maktub gə́ To gə Kəmee

⁷ Deḛ d’unee d’unda dɔ tam dee’g ləm, D’aw d’uree loo-kaaree’g d’aree to keneŋ ləm tɔ. Yee ɔd aw raŋg el, Deḛ ra né wəl gə́ rəa’g Nɛ yee ila dee keneŋ el ləm, Yee aji dəw dan néurti’g ləa el ləm tɔ.

Esai 46:7 ပူးပေါင်းရင်းမြစ်များ

Esai 45:20

Seḭ ges ginkoji dəwje gə raŋg gə́ teḛje ta yoo’g lé Maji kar sí mbo̰je dɔ na̰ reeje ləm, Ŋgəsje pər gə́ nee na̰’d ləm tɔ! Deḛ gə́ d’odo magəje lə dee gə́ to kag ləm, Deḛ gə́ ɓar ri magə gə́ askəm kaji dee el ləm tɔ lé Gosɔnégər lə dee godo.

Jeremi 10:5

Dee magəje neelé to d’asəna Gə jigi-kag gə́ aar ndiu lal pata, Dəwje d’odo dee Mbata deḛ d’askəm njaa el. Maji kar sí ɓəl deeje el Mbata deḛ d’askəm ra né gə́ majel Kára kara el ləm, Deḛ d’askəm ra né gə́ maji Kára kara el ləm tɔ.

Esai 46:1

Magə-Bel gə magə-Nebo toso, D’odo néndajije gə́ wɔji dɔ dee d’ɔm dɔ da-kulje’g Ar dee tel to nékodo gə́ wɔi Dɔ da-kulje’g neelé ar dee dao ne!

Junas 1:5

Njébatoje neelé ɓəl yaa̰ ar nana kara no̰ ɓar magə ləa-ləa ya, tɔɓəi deḛ d’odo néje gə́ mee bato’g lé d’ɔm dan mán baa-boo’g ɓa gə mba kya̰ bato lé karee wɔilɔ pélé. Nɛ Junas lé uru mee bato gə́ bər to keneŋ ar ɓi tɔlee pərəg tɔ.

Loo gə́ killa rea kəm Daniel’g 3:1

Mbai Nebukadnesar lé ar dee léḛ larlɔr gə́ néndaji ar ŋgalee as kəmkil dəw rɔ-misa̰ ləm, tadee kara as kəmkil dəw misa̰ ləm tɔ. Yeḛ uree tar wəl-loo gə́ ria lə Dura, dəb ɓeeko̰ gə́ Babilɔn.

Jeremi 2:28

See magəje lə sí gə́ seḭ ra deeje lé d’əd ra ɓəi wa. Maji kar dee d’ḭta, Ɓó lé deḛ d’askəm kaji sí ndɔ nékəmndoo’g Ǝi seḭ Judaje, magəje lə sí bula to gə́ ɓee-booje lə sí bèe!

1 Mbaije 18:40

Eli ula dee pana: Waje njéteggintaje lə Baal gə mba kar dəw kára mbuna dee’g teḛ el! Bèe ɓa deḛ d’wa dee. Eli aw sə dee kəm mán gə́ Kiso̰ ndá lée gə́ nee ɓa yeḛ tḭja gwɔs dee keneŋ tɔ.

1 Mbaije 18:26

Deḛ d’wa bɔ maŋg gə́ d’ar dee lé ndá deḛ gɔlee, tɔɓəi deḛ ɓar ne ri Baal, un kudee gə ndɔ ya saar kàr aar daŋdɔ pa ne pana: Baal, ila sí keneŋ! Nɛ ndia ɓar el ləm, yeḛ ila dee keneŋ el ləm tɔ. Bèe ɓa deḛ tal jagəra-jagəra no̰ loo-nékinjaməs’g deḛ ra lé.

1 Samel 5:3

Bèlè loo kàree lé, loo gə́ dəwje gə́ Asdod teḛ gə ndɔ rad d’aw ndá, deḛ d’oo magə-Dago̰ gə́ oso dəb kəmee naŋg no̰ sa̰duk-manrɔ’g lə Njesigənea̰. Ndá deḛ tel d’un magə-Dago̰ lé d’uree tar toree’g gogo.

Esai 37:38

Nɛ ndɔ kára bèe loo gə́ yeḛ unda barmba mee kəi’g lə Nisrok gə́ to magə ləa ndá Adramelek gə Sareser gə́ to ŋganeeje lé tɔlee gə kiambas ndá d’aḭ d’aw d’isi ɓee gə́ Ararat. Nɛ ŋgonee Esar-Hado̰ ɓa o̰ ɓee toree’g tɔ.

1 Njé gə́ Kɔrḭtə 12:2

Seḭ gərje gao, loo gə́ seḭ naije gə́ njépole-magəje ɓəi lé ndá seḭ ya̰je loo ar dee ndɔr sí d’ɔm sí rɔ magəje gə́ ta mundu’g lé.

Esai 40:20

Dəw gə́ njendoo gə́ askəm kun né lam ba kar lé Yeḛ mbər kag gə́ a gə ndusu el, Yeḛ saŋg njerea gə́ to njegosokula Mba karee ndaji magə gə́ a koso naŋg el.

Esai 41:7

Njetɔl néndaji ula diŋgam mee njelḛ̀ né’g, Yeḛ gə́ njekoo-né gə mo̰ ula diŋgam mee yeḛ gə́ njekunda né dɔ ɗaŋg’d, Yeḛ pa wɔji dɔ né gə́ léer né keneŋ pana: Wa maji ya. Ndá yeḛ ɓər néndaji magə neelé Gə ŋgawlarje gə mba karee oso el.

Esai 41:28

Ma m’aa loo ndá M’oo dəw kára kara el ləm, Ala kára kara mbuna dee’g Gə́ to njekwɔji ta kəmkàr Gə́ askəm kila ta’d gə́ m’dəji dee lé godo ləm tɔ.

Esai 44:12

Njekɔr ra tina, Kúl ɓa yeḛ ra ne kula, Yeḛ kunda gə mo̰ mba karee asəna, Yeḛ ra gə kag jia gə́ to kɔgərɔ-kɔgərɔ. Nɛ loo gə́ ɓó tɔlee ndá Léegəneeya siŋgá godo, Yeḛ ai mán el ndá Léegəneeya yeḛ gur naŋg rug tɔ.

Esai 47:15

Yee ɓa gə́ né gə́ a gə teḛ Dɔ deḛ gə́ seḭ gəŋgje ta dee’g ləm, Deḛ gə́ seḭ ooje ndòo mbata lə dee gə kas sí ba lé ləm tɔ, Deḛ kara d’a sanéna̰ kad-kad: Yeḛ gə́ kára kara gə́ a kaskəm kaji sí lé godo.

1 Mbaije 18:29

Loo gə́ kàr gə́ aar daŋdɔ lé dəs mba̰ ndá deḛ tegginta lé saar d’ar kàr kun nékar gə́ kàrkemetag teḛ tɔ. Nɛ ndia ɓar el ləm, yee ila dee’g el ləma, əsé né gə́ tɔji dee kar meḛ dee to yel kara d’oo el ləm tɔ.

Esai 41:29

Aa ooje, deḛ lai to né gə́ kari ba ləm, Kula ra dee to gə́ né el ləma, Magəje lə dee kara to gə́ lel gə́ ula kari ba ləm tɔ.

Jeremi 11:12

Dəwje gə́ mee ɓee-booje gə́ Juda gə dəwje gə́ Jerusalem lé d’a kaw no̰ ɓar magəje gə́ deḛ roo néje gə́ ə̰də sululu d’ar dee lé. Nɛ d’a kaskəm kaji dee ndɔ nékəmndoo’g lə dee el.