Esai 46:1 - Maktub gə́ To gə Kəmee

¹ Magə-Bel gə magə-Nebo toso, D’odo néndajije gə́ wɔji dɔ dee d’ɔm dɔ da-kulje’g Ar dee tel to nékodo gə́ wɔi Dɔ da-kulje’g neelé ar dee dao ne!

Esai 46:1 ပူးပေါင်းရင်းမြစ်များ

Maktub gə́ wɔji dɔ Jɔb 39:11

See i a kɔm məəi dəa’g mbata siŋgá gə́ to yaa̰ wa. See i a kyá̰ karee ra kula ləi gə dɔrea wa.

Teḛ-Raga 12:12

Mee til’g neelé n’a njaa mee ɓee gə́ Ejiptə ndá n’a kila tuji dɔ ŋgandərje lai gə́ mee ɓee gə́ Ejiptə’g, un kudee dɔ ŋgandər dəwje’g saar teḛ ne dɔ ŋgandər daje’g ləm, n’a gaŋgta dɔ magəje’g lai gə́ to Ejiptə lé ləm tɔ. Neḛ n’to Njesigənea̰.

Esai 2:18

Magə-poleje lai d’a godo.

Esai 2:20

Mee ndəa’g neelé dəwje d’a kɔm magə-poleje lə dee gə́ deḛ ra dee gə larnda gə larlɔr gə mba kwa dee meḛ dee’g lé kar sḭsḭje gə dooje,

Esai 21:9

Bèe ɓa aa oo, njérɔ gə kundaje Gə́ d’wa na̰ joo-joo lé d’isi ree! Deḛ d’un ta pa tɔɓəi pana: Babilɔn oso, yee oso ya. Ndá ndil néje gə́ to magəje ləa lé Toso naŋg təd njigi-njigi!

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Esai 45:20

Seḭ ges ginkoji dəwje gə raŋg gə́ teḛje ta yoo’g lé Maji kar sí mbo̰je dɔ na̰ reeje ləm, Ŋgəsje pər gə́ nee na̰’d ləm tɔ! Deḛ gə́ d’odo magəje lə dee gə́ to kag ləm, Deḛ gə́ ɓar ri magə gə́ askəm kaji dee el ləm tɔ lé Gosɔnégər lə dee godo.

Esai 46:7

Deḛ d’unee d’unda dɔ tam dee’g ləm, D’aw d’uree loo-kaaree’g d’aree to keneŋ ləm tɔ. Yee ɔd aw raŋg el, Deḛ ra né wəl gə́ rəa’g Nɛ yee ila dee keneŋ el ləm, Yee aji dəw dan néurti’g ləa el ləm tɔ.

Jeremi 10:5

Dee magəje neelé to d’asəna Gə jigi-kag gə́ aar ndiu lal pata, Dəwje d’odo dee Mbata deḛ d’askəm njaa el. Maji kar sí ɓəl deeje el Mbata deḛ d’askəm ra né gə́ majel Kára kara el ləm, Deḛ d’askəm ra né gə́ maji Kára kara el ləm tɔ.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Jeremi 50:38

Maji kar loo gə́ tudu kurum-kurum Teḛ dɔ manje’g ləa! Kar manje ləa d’yi tə-tə! Mbata to ɓee magə-poleje, Deḛ ra némbə mbata magəje gə́ wa meḛ dee.

Jeremi 51:44

M’a kar bo̰ néra mag-Bel Ɔs təa’g mee ɓee gə́ Babilɔn ləm, M’a kwa né gə́ yee uru lé təa’g kɔr Ndá ginkoji dəwje gə raŋg D’a kaw budu-budu gə́ rəa’g el ŋga. Ndògo-bɔrɔ gə́ Babilɔn kara Təd oso ya tɔ.

Jeremi 51:47

Gelee gə́ nee ɓa aa ooje, Ndɔje gə́ a gə ree lé M’a gaŋg rəwta dɔ magəje gə́ Babilɔn Ndá mee ɓee ləa lai lé rɔkul a dəb dɔ’g. Nin dəwje ləa a to naŋg rib-rib keneŋ.

Jeremi 51:52

Gelee gə́ nee ɓa aa ooje, Mee ndɔje gə́ a gə ree lé M’a gaŋg rəwta dɔ magəje’g ləa. Njesigənea̰ ɓa pa bèe, Ndá dan mee ɓee’g ləa lai lé Deḛ gə́ d’iŋga doo lé D’a tuma̰ ŋgururu-ŋgururu.

Loo gə́ killa rea kəm Daniel’g 11:8

Yeḛ a kodo magəje lə dee ləm, gə néndajije lə dee gə́ léḛ gə larndul ləma, gə némajije lə dee gə́ ra gə larnda gə larlɔr ləm tɔ ndá a kaw ne sə dee Ejiptə gə́ nébanrɔ. Tɔɓəi mee ləbje gə́ na̰je yeḛ a si əw gə mbai gə́ dɔgel lé.

Loo gə́ killa rea kəm Daniel’g 3:14

Nebukadnesar un ta dəji dee pana: Sadrak gə Mesak gə Abed-Nego, see seḭ mbadje raje né arje magəje ləm ləm, seḭ waje néndaji gə́ ra gə larlɔr gə́ m’uree tar lé meḛ sí’g el ləm tɔ tɔgərɔ ya wa.

Nahum 1:14

Aa ooje, né gə́ Njesigənea̰ un ne ndia wɔji ne dɔ sí-seḭ gə́ Ninibə ɓa nee: Seḭ a kiŋgaje ŋgaka síje gə́ ri sí a ɓar ne dɔ dee’g nda̰ el, N’a tɔr néndajije gə́ seḭ tɔl deeje ləm, gə lḛ̀je ləm tɔ Mee kəi-magə’d lə sí, N’a gɔl bwa-dubu sí mbata seḭ toje dəwje gə́ gə mḭdé ba.

Bula lə Israɛlje 32:38

gə Nebo, gə Baal-Meo̰ gə́ deḛ tel ri dee ɓəd ləm, gə Sibma ləm tɔ ndá deḛ tel d’unda ri ɓee-booje gə́ deḛ ra lé ɓəd tɔ.

Matiyo 23:4

Deḛ tɔ nékodo gə́ wɔi d’unda dɔ tam dəwje’g nɛ ŋgaw ji dee kara d’ula keneŋ d’ɔrɔ ne kereŋ el.

1 Samel 5:3

Bèlè loo kàree lé, loo gə́ dəwje gə́ Asdod teḛ gə ndɔ rad d’aw ndá, deḛ d’oo magə-Dago̰ gə́ oso dəb kəmee naŋg no̰ sa̰duk-manrɔ’g lə Njesigənea̰. Ndá deḛ tel d’un magə-Dago̰ lé d’uree tar toree’g gogo.