Esai 45:9 - Maktub gə́ To gə Kəmee

⁹ Meeko̰ a koso dɔ yeḛ gə́ ɔs njekubá rəw! I gə́ to jo-ɓan mbuna jo-ɓanje’g, See a̰ji a dəji njekuba pana: See ban ɓa ubam togə́bè wa. See a pa bèe wa. See jo gə́ i uba mba̰ lé a pana: Nérai majel, a pa bèe wa.

Esai 45:9 ပူးပေါင်းရင်းမြစ်များ

Maktub gə́ wɔji dɔ Jɔb 10:9

Maji kari ar məəi olé dɔ’g to gə́ a̰ji ɓa i ubam ne, See i a ndigi telm gə́ nduji naŋg gogo wa.

Maktub gə́ wɔji dɔ Jɔb 33:13

See mbata ɗi ɓa i ndigi maḭ səa Mbata tura gə́ yeḛ tura goo néreaje ari el wa.

Maktub gə́ wɔji dɔ Jɔb 40:2

See njemaḭta gə Bao-siŋgamoŋ lé see ta dumee wa. See dəw gə́ maḭta gə Ala see yeḛ aw gə ta gə́ kəm kila’g wa.

Maktub gə́ wɔji dɔ Jɔb 9:12

Ɓó lé yeḛ wa né ndá see na̰ a kɔgee dɔ’g wa. Na ɓa a dəjee pana: See ɗi ɓa aw ra bèe ɓəi wa.

Maktub gə́ wɔji dɔ Jɔb 9:4

Kəmkàr gə siŋgamoŋ to kea̰-yeḛ nja doŋgɔ, See na̰ ɓa a kɔsee rəw lal kar ta wa dəa wa.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Njekillamber 6:10

Né gə́ rara gə́ to keneŋ lé D’unda ria mba̰ tɔ. Tɔɓəi kəm gər to gə́ dəw lé Askəm maḭta gə yeḛ gə́ siŋgá ur dəa’g lé el.

Esai 10:15

Tina lé see a ti rəa Dɔ njekunee ra ne kula’g wa. Esé see kuba a kəsta Dɔ njekunee tɔl ne né wa. A to kasəna gə ndəi Gə́ ar njekunee ra ne né ləm, A to kasəna gə kag-tɔs Gə́ ar njetɔsee gə́ to gə́ kag el lé Ra ne né ləm tɔ.

Esai 29:16

See dɔkədərə lə sí to gə́ ban ɓa bèe wa! See d’a koo njekubajo asəna gə a̰ji wa Mba kar né gə́ yeḛ ra lé pana: Yeḛ ɓa ra neḛ el wa. Esé mba kar jo ula njekubá pana: I lé gosonégər ləi godo see a pa bèe ya wa.

Esai 45:10

Meeko̰ a koso dɔ dəw gə́ dəji bɔbeeje pana: See gelee ban ɓa i ojim wa. Gə yeḛ gə́ dəji kea̰je pana: See ban ɓa i turum ilam naŋg wa.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Esai 64:8

Ǝi Njesigənea̰, ar oŋg ləi al dɔ loo sula el, Ar məəi olé dɔ néra majelje’g lə sí saar-saar el, Aa oo, jeḛ n’toje gə́ dəwje ləi ya.

Jeremi 18:6

See ma Njesigənea̰ lé m’askəm ra sə sí seḭ ŋgaka Israɛlje to gə́ njekubajo ra ne bèe el wa. Njesigənea̰ ɓa pa bèe. Aa ooje, to gə́ a̰ji to ne meḛ ji njekubá’g bèe lé seḭ ŋgaka Israɛlje kara seḭ toje meḛ jim’g togə́bè tɔ.

Jeremi 36:29

M’a pata kwɔji ne dɔ Jojakim, mbai gə́ Juda lé pana: Njesigənea̰ pa togə́bè pana: I roo maktub neelé pa ne pana: See ban ɓa m’ndaŋg taje neelé keneŋ pana: Mbai gə́ Babilɔn a ree tuji ɓee neelé pugudu ləm, a kar dəwje gə daje godo keneŋ mbad-mbad ləm tɔ wa.

Jeremi 50:24

Seḭ njé gə́ Babilɔn lé M’iya gum no̰ sí’g m’ar sí osoje keneŋ Nɛ seḭ gərje el, M’teḛ dɔ sí’g wai m’uba sí m’wa sí Mbata seḭ ɔsje ta lə Njesigənea̰ rəw.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.