Esai 45:4 - Maktub gə́ To gə Kəmee

⁴ Mbɔl dɔ kunda gə́ m’unda njé’g lə Jakob gə́ to kuraje ləm, Gə Israɛlje gə́ m’ɔr dee m’unda dee gə kəmee ləm tɔ dan kəm’g lé ɓa Ma m’ɓari ne gə rii ləm, Ma m’wɔji səi ta m’ila ne riɓar dɔi’g Loo gə́ i gərm el ɓəi lé ləm tɔ!

Esai 45:4 ပူးပေါင်းရင်းမြစ်များ

Pakɔsje 105:6

Arje meḛ sí olé dɔ nédumkooje gə́ yeḛ ra lé ləm, Gə dɔ némɔrije gə́ yeḛ ra ləma, Gə rəwta-gaŋgje ləa gə́ teḛ təa’g lé ləm tɔ.

Pakɔsje 136:22

To nénduba lə Israɛlje gə́ to kuraje ləa Mbata meekɔrjol ləa lé to saar-saar gə no̰.

Esai 43:1

Nɛ ɓasinè Njesigənea̰, yeḛ gə́ njekunda sí-seḭ njé’g lə Jakob ləm, Gə yeḛ gə́ njekuba sí-seḭ Israɛlje ləm tɔ lé Pa togə́bè pana: Maji kar sí ɓəlje el Mbata ma nja m’uga dɔ sí, Ma m’ɓar sí gə ri sí Ndá seḭ toje kamaje ya!

Esai 43:14

Njesigənea̰, njekoga dɔ sí Gə́ to Njerɔkunda lə Israɛlje lé Pa togə́bè pana: Gə mbata lə sí-seḭ ɓa Ma m’ula ne njeba̰ m’aree rɔ ne gə njé gə́ Babilɔn gə mbəa Ndá m’ar dee-deḛ lai gə́ to njékaḭje d’oso ləm, Gə Kaldeje gə́ d’aḭ gə batoje lə dee Gə́ d’ɔs ne gaji rɔ dee lé kara d’oso ləm tɔ.

Esai 44:1

Nɛ ɓasinè seḭ njé’g lə Jakob gə́ toje kuraje ləm, Seḭ Israɛlje gə́ m’ɔr sí m’unda sí gə kəmee ləm tɔ lé Maji kar sí ooje ta nee!

Esai 44:28

Ma m’pata wɔji dɔ Sirus m’pana: Yeḛ to gə́ njekulbadje ləm, Yeḛ a ra torndum karee aw lée’g béréré, Yeḛ a pata kwɔji dɔ Jerusalem pana: Maji kar dee tel gɔlee gogo! Tɔɓəi yeḛ a pata kwɔji ne dɔ kəi gə́ to gə kəmee pana: Maji kar dee tel tum gelee gogo!

Matiyo 24:22

Ɓó lé kuree əw waga el ndá dəw-kunda lə Ala kára kara a kaji el, nɛ mbɔl dɔ deḛ gə́ d’ɔr dee d’unda dee gə kəmee lé kuree a kəw ne waga ya.

Mark 13:20

Ndəaje neelé ɓó lé Mbaidɔmbaije a rəm ne karee nai gwɔji el ndá dəw-kunda lə Ala gə́ kára kara a kaji el, nɛ yeḛ rəm gə ndəaje neelé ya̰ aree nai gwɔji ya mbata lə deḛ gə́ yeḛ mbər dee unda dee gə kəmee lé tɔ.

Néra Njékaḭkulaje 17:23

Mbata loo gə́ ma m’gugu mee ɓee’g lə sí ma m’tən magəje lə sí ɓəd-ɓəd lé ndá m’iŋga loo-nékinjaməs gə́ kára gə́ deḛ ndaŋg ta kaaree’g pana: Wɔji dɔ magə gə́ dəw gəree el. Né gə́ seḭ poleje lal gəree lé yee ɓa ma m’ree gə mba riba dəa kar sí ya.

Njé gə́ Rɔmə 11:7

See ɗi tɔɓəi wa. Né gə́ Israɛlje ndolè lé d’iŋgá el nɛ deḛ gə́ yeḛ ɔr dee unda dee gə kəmee lé ɓa d’iŋgá nɛ njé gə́ raŋg lé deḛ to gə́ njédɔkədərəje

Njé gə́ Rɔmə 9:6

Ta lə Ala lé ra née nja ɓó təa wa ŋgɔ el. Mbata deḛ lai gə́ to gə́ ŋgaka Israɛlje lé to Israɛlje gə́ kojikəi ɓa lai el.

Njé gə́ Epesə 2:12

mee ndəaje’g neelé seḭ lalje Kristi ləm, d’ɔg sí loo ra ɓee mee ɓee gə́ Israɛl ləm, ndukun gə́ Ala ar dee lé seḭ toje njékwagireeje ləm, nékunda-mee-yel dɔ’g lə sí godo ləma, Ala kara seḭ toje njékwagireeje ya ləm tɔ.

1 Njé gə́ Tesalonikə 4:5

ɓó a ra gə goo malee gə́ ula na̰’d el mbata yee ɓa gə́ néra njépole-magəje lé.