Esai 45:3 - Maktub gə́ To gə Kəmee

³ M’a kari nébaoje gə́ to loo-kiya’g ləm, Gə némajije gə́ d’iya dee loo-ŋgəḭ’g ləm tɔ Gə mba kari gər gao to gə́ ma Njesigənea̰ Gə́ m’ɓari gə rii lé Ma m’to Ala lə Israɛlje.

Esai 45:3 ပူးပေါင်းရင်းမြစ်များ

2 Sôrta Gḭka Israɛlje 6:17

Ɓasinè lé, Njesigənea̰ Ala lə Israɛlje, maji kar ndukun ləi gə́ i un ar kura ləi Dabid lé aw lée’g béréré ya!

Esdras 1:2

Sirus, mbai gə́ Persə pa togə́bè pana: Njesigənea̰ Ala gə́ si dara lé am ɓeeko̰je lai gə́ dɔ naŋg nee ləm, yeḛ un ndia mba kam m’unda kəi-mbai mee ɓee gə́ Jerusalem dɔ naŋg gə́ Juda’g m’aree ləm tɔ.

Teḛ-Raga 33:12

Moyis ula Njesigənea̰ pana: Aa oo, i ulam pana: M’ar dəwje neelé d’ḭ d’aw! Nɛ i am m’gər yeḛ gə́ i a gə kulá səm na̰’d lé el. Lé bèe kara i pana: I gərm gə rim ləm, m’taa kəmi rəgm ləm tɔ.

Teḛ-Raga 33:17

Njesigənea̰ ula Moyis pana: M’a ra né gə́ i dəjim neelé ya mbata i taa kəm rəgm ləm, ma m’gəri gə rii-i ləm tɔ.

Esai 41:23

Paje ta né gə́ a gə ree gogo ar sí j’ooje Gə mba kar sí n’gərje To gə́ seḭ toje gə́ magəje ya, Raje né gə́ maji əsé né gə́ majel ya kara Mba kar sí mbo̰je kəm sí dɔ’g sɔmɔmo̰ j’ooje.

Esai 43:1

Nɛ ɓasinè Njesigənea̰, yeḛ gə́ njekunda sí-seḭ njé’g lə Jakob ləm, Gə yeḛ gə́ njekuba sí-seḭ Israɛlje ləm tɔ lé Pa togə́bè pana: Maji kar sí ɓəlje el Mbata ma nja m’uga dɔ sí, Ma m’ɓar sí gə ri sí Ndá seḭ toje kamaje ya!

Esai 48:15

To ma ɓa m’pata ndá M’ɓaree ne m’aree ree ləm, M’ar kula ləa teḛkɔr ya ləm tɔ.

Esai 49:1

Seḭ gə́ síje dɔgoré-looje’g lé Ooje ta ləm! Seḭ koso-dəwje gə́ síje əw lé Urje mbi sí gèŋ! Njesigənea̰ ɓarm mee ndəa gə́ d’ojim ne ləm, Yeḛ unda rim mee ndɔ gə́ ma m’teḛ ne mee kɔm’g ya ləm tɔ.

Jeremi 41:8

Nɛ dəwje dɔg mbuna dee’g lé d’ula Ismael pana: Maji kari tɔl sí el mbata nḛ́gəmrɔje gə́ to kó-wa, gə kó-ɔrj, gə ubu, gə ubu-tḛji lé jeḛ j’iya mee wala’g. Yen ŋga yeḛ ya̰ dee ɓó tɔl dee gə ŋgako̰ deeje lé na̰’d el.

Jeremi 50:26

Maji kar sí ḭje gə looje lai A̰dje mee ɓee gə́ Babilɔn, Ɔsje ta damje ləa ilaje ləm, Waje kugu dɔ na̰’d to gə́ kugu mu bèe Ndá tujeeje pugudu ləm tɔ!

Jeremi 50:37

Ɔrje kiambas wɔji ne Kundaje lə dee gə pusu-rɔje lə dee! Wɔjije ne dəwje gə́ gə gel dee gel dee Gə́ d’isi mbuna dee’g! Maji kar dee tel to d’asəna gə denéje! Ɔrje kiambas wɔjije ne nébaoje lə dee! Maji kar dee d’odo dee mbad-mbad Gə́ nébanrɔ ya!

Jeremi 51:13

Seḭ gə́ síje mbɔr baa-boo’g Gə́ nébaoje lə sí taa loo pəl-pəl lé Rudu ndɔ lə sí lé teḛ mba̰ ləm, Kəmkəḭ lə sí rudee un ɗiao ləm tɔ.

Jeremi 51:53

Lée Babilɔn aw saar teḛ dará ləm, Lée kəi-kaar-kɔgərɔje ləa to tar sab ləm tɔ kara M’a kar njétujilooje ree rɔ səa. Njesigənea̰ ɓa pa bèe.