Esai 45:25 - Maktub gə́ To gə Kəmee

²⁵ Mbɔl dɔ Njesigənea̰ ɓa Ŋgaka Israɛlje lai lé D’a kɔr ne ta dɔ dee’g ləm, D’a kula ne rɔnduba dɔ dee’g ləm tɔ.

Esai 45:25 ပူးပေါင်းရင်းမြစ်များ

1 Mbaije 8:32

maji kari oo ta ləa mee dara’g, ra ne né ləm, gaŋg-rəwta lə kuraje ləi ləm tɔ. Dəw gə́ taa wa dəa lé ila ta dəa’g ləm, ar bo̰ nérea ɔs təa’g ya, dəw gə́ ta wa dəa el lé maji kari ra səa gə goo ta gə́ wa dəa lé el ya tɔ.

1 Sôrta Gḭka-Israɛlje 16:13

Seḭ gə́ toje ginka Israɛlje Gə́ toje kuraje ləa lé ləm, Seḭ gə́ toje ŋgaka Jakob Gə́ yeḛ ɔr sí unda sí gə́ dəwje ləa lé ləm tɔ.

Pakɔsje 22:23

M’a teḛ gə rii mbuna ŋgakɔmje’g ləm, M’a pidii loo-kwa-dɔ-na̰’g lə koso-dəwje ləm tɔ.

Pakɔsje 64:10

Dəwje lai lé ɓəl unda dee badə gaŋg dee Ar dee d’ila mber né gə́ Ala ra lé, D’aar gèŋ d’ə̰ji ne dɔ kula rəa’g.

Esai 26:2

Ɔrje tarəwje ilaje tag Arje ginkoji dəwje gə́ to njémeekarabasurje ləm, Gə majikojije ləm tɔ d’andə keneŋ.

Esai 28:5

Mee ndəa’g neelé Njesigənea̰ gə́ njeboo-néje a to gə́ dɔgugu-ronduba Gə néɗɔi-rɔ mbata lə ges koso-dəwje ləa gə́ nai lé ləm,

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 45:19

Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Esai 45:24

Dəwje d’a kulam pana: Néra gə́ danasur gə siŋgamoŋ lé To rɔ Njesigənea̰’g ya kára ba ɓa. Deḛ lai gə́ meḛ dee ḭ sə dee pu dəa’g lé D’a tel ree rəa’g ndá Rɔkul a ra dee.

Esai 50:8

Yeḛ gə́ njekɔr ta dɔm’g aar mbɔrm’g dəb, See na̰ ɓa a maḭ səm ta wa. Ar sí j’iŋga na̰ no̰ njegaŋ-rəwta’g. See na̰ ɓa to njeba̰ ləm wa. Maji karee ree iŋgam!

Esai 53:11

Mbɔl dɔ kula rɔ ndubu ləa lé ɓa Kəmə gə́ orè gée lé a taa ne kəmee rəgm. Mbɔl dɔ négər lə kura ləm gə́ to njegelgodo lé Dəwje bula d’a tel to ne njégelgodoje tɔ, Mbata yeḛ a taa néra kori-korije lə dee kɔm dəa’g.

Esai 60:19

Kàr ɓa a to néndogó ləi dan kàrá el ləm, Naḭ ɓa a kar loo àr ŋgad-ŋgad dɔi’g loondul’g el ləm tɔ, Nɛ Njesigənea̰ ɓa a to lookàr ləi saar-saar gə no̰ ləm, Ala ləi ɓa a to gə́ nérɔnduba ləi ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 61:9

D’a gər ginkoji dee mbuna ginkoji dəwje gə raŋg’g ləm, Gə ŋgaka deeje mbuna koso-dəwje’g ləm tɔ. Deḛ lai gə́ d’a koo dee lé D’a gər gao To gə́ deḛ to gə́ ginkoji dəwje Gə́ Njesigənea̰ tɔr ndia dɔ dee’g.

Esai 65:23

Deḛ d’a ra kula karee nai rɔ dee’g kari ba el ləm, D’a koji ŋganje kar dee tuji el ləm tɔ, Mbata d’a to ginka dəwje gə́ Njesigənea̰ tɔr ndia dɔ dee’g Gə dɔ ŋgan deeje’g sə dee na̰’d.

Esai 65:9

M’a kar ŋgaka Jakob d’ḭ mée’g teḛ ləm, M’a kar deḛ gə́ d’ḭ ginkoji Judaje’g lé D’a kwa mbalje ləm gə́ nénduba lə dee ləm tɔ, Koso-dəwje ləm gə́ m’ɔr dee m’unda dee gə kəmee lé D’a kiŋga ɓee gə́ né ka̰ dee ləm, Kuraje ləm d’a si keneŋ ləm tɔ.

Jeremi 33:16

Mee ndəaje’g neelé ɓeeko̰ lə Juda a kaji ləm, njé gə́ Jerusalem d’a si gə meekulɔm loo-si dee’g ləm tɔ. Aa ooje, d’a ɓaree Njesigənea̰ gə́ to njegin meekarabasur lə sí ya.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Néra Njékaḭkulaje 13:39

Mbɔl dəa ɓa nana ɓa gə́ ɔm mée dəa’g ndá ta kaiya gə́ godndu Moyis askəm kɔr ne dɔ sí’g el lé yee ɓa ɔr dəa’g ya.

Njé gə́ Rɔmə 4:16

Togə́bè ɓa meekun ɓa dəwje d’a to ne njékiŋga nédɔjije ɓəi mba karee to gə́ nénoji lə Ala ya. Yee ɓa gə mba kar ndukun lé to ne njaŋg mbata lə ŋgaka Abrakamje lai ɓó a kwɔji dɔ deḛ gə́ to gə́ ŋgakeaje gin godndu’g goo kára ba el nɛ a kwɔji dɔ deḛ gə́ d’ɔm meḛ dee dɔ Ala’g to gə́ Abrakam yeḛ gə́ to bɔ síjeḛ lai bèe tɔ, to gə́ deḛ ndaŋg mee maktub gə́ to gə kəmee pana:

Njé gə́ Rɔmə 5:1

Jeḛ lé mbɔl dɔ meekun lə sí ɓa Ala ɔr ne ta dɔ sí’g yee ɓa Mbaidɔmbaije lə sí Jeju Kristi lé ar sí j’ɔm na̰’d yəg gə Ala tɔ.

Njé gə́ Rɔmə 8:1

Bèe ndá deḛ gə́ d’ɔm na̰’d gə Jeju Kristi lé ta kára kara wa dɔ dee ɓasinè el.

Njé gə́ Rɔmə 8:30

Deḛ gə́ yeḛ wɔji dee mée’g kédé lé yeḛ ɓar dee ləm, deḛ gə́ yeḛ ɓar dee lé yeḛ ɔr ta dɔ dee’g ləma, deḛ gə́ yeḛ ɔr ta dɔ dee’g lé yeḛ ula rɔnduba dɔ dee’g ləm tɔ.

1 Njé gə́ Kɔrḭtə 1:31

ɓó gə mba kar ta gə́ ndaŋg mee maktub’g lé to ne lée’g béréré pana: Nana ɓa gə́ ti rəa ndá maji karee ti rəa gə ri Mbaidɔmbaije ɓa.

1 Njé gə́ Kɔrḭtə 6:11

Yee nja ɓa gə́ néra sí-seḭ gə́ na̰je mbuna sí’g. Nɛ ɓasinè Ndil Ala ɔr won kaiya lə sí ndɔs-ndɔs mba̰ ləm, ɔr sí ne unda sí gə kəmee ləma, ɔr ta dɔ sí’g gə ri Mbaidɔmbaije Jeju Kristi lé ləm tɔ.

2 Njé gə́ Kɔrḭtə 10:17

Togə́bè ɓa yeḛ gə́ a gə ti rəa ndá maji karee ti rəa gə ri Mbaidɔmbaije ɓa.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Galati 6:14

Né gə́ wɔji dɔm ma lé kag-dəs lə Jeju Kristi Mbaidɔmbaije lə sí lé yee ɓa ma m’ti ne rɔm dɔ’g ɓó ma m’a ti rɔm dɔ né gə́ raŋg kára kara pai godo. Gin Jeju Kristi lé m’wa naŋg nee bura m’ɗar kaar kag’d mbata ləm ləm, ma m’wa rɔm m’ɗar kar kag’d mbata lə naŋg neelé ləm tɔ.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.