Esai 45:23 - Maktub gə́ To gə Kəmee

²³ Ma nja ma man rɔm gə rim ləm, Kankəmta ɓa teḛ tam’g Ɓó m’a telee ɓəd el ŋga ləm tɔ, Nana kara a rəm gə no̰ kəjee naŋg nɔm’g ləm, Dəw gə́ rara kara a kubu rəa gə rim-ma ya ləm tɔ.

Esai 45:23 ပူးပေါင်းရင်းမြစ်များ

Gḭ-Néje 31:53

Maji kar Ala lə Abrakam gə Naɔr ləm, gə Ala lə bɔ deeje ləm tɔ lé to njegaŋ-rəwta mbuna sí’g ya. Jakob un ndia aree gə ri yee gə́ Isaak ɓəlee lé.

Nehemi 10:29

Ges koso-dəwje ləm, gə njékinjanéməsje ləm, gə Ləbije ləm, gə njéŋgəm tarəwkəije ləm, gə njékɔspaje ləm, gə njéra kula kəi-Ala’d gə́ raje ləm, gə deḛ lai gə́ d’ɔr rɔ dee rɔ dəw-mee-ɓeeje’g mba kun goo godndu Ala ləm, gə denéje lə dee ləm, gə ŋgan deeje gə́ diŋgam gə njé gə́ dené ləma, gə deḛ lai gə́ d’askəm gər né gə gosonégər ləm tɔ lé d’ɔm sə dee na̰’d tɔ.

Pakɔsje 132:2

Yeḛ ubu rəa ar Njesigənea̰ ləm, Yeḛ man rəa ar Njesiŋgamoŋ lə Jakob ləm tɔ pana:

Pakɔsje 63:11

D’a kwəi ta kiambas gə́ adə làm-làm’g Tel ne nésɔ lə tàlje ya.

Pakɔsje 98:2

Yeḛ ar dee gər kaji ləa ya ləm, Yeḛ riba dɔ meekarabasur ləa Ar kəm ginkoji dəwje gə raŋg inja dəa’g ləm tɔ.

Esai 21:17

Ges njérɔ gə ɓandaŋgje gə́ to njésiŋgamoŋje mbuna ŋgalə Kedar’g lé d’a nai jebəre ba mbata Njesigənea̰, Ala lə Israɛlje lé ɓa pa bèe.

Esai 45:19

Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Esai 48:1

Ooje ta nee, Seḭ gel-bɔje lə Jakob, Seḭ gə́ undaje ri Israɛl dɔ sí’g ləm, Seḭ gə́ ḭje ginka’g lə Juda ləm tɔ, Seḭ gə́ manje rɔ sí gə ri Njesigənea̰ ləm, Seḭ gə́ ɓarje ri Ala lə Israɛlje ləm tɔ Nɛ lal kankəmta gə néra gə́ danasur lé!

Esai 49:18

Unje kəm sí ooje ne loo gə́ gugu dɔ sí! Deḛ lai mbo̰ dɔ na̰ ree gə́ rɔ sí’g. Njesigənea̰ pana: Ma m’to njesikəmba. Seḭ a kɔm deeje rɔ sí’g Asəna gə néra ma̰dje ləm, Seḭ a tɔ deeje reŋ sí’g To gə́ njeŋgao-sigi tɔ ne néra ma̰dje rḛgee’g bèe ləm tɔ.

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Esai 61:11

Mbata to gə́ dɔ naŋg ar kandə né gə́ dubu keneŋ lé idi ləm, To gə́ loo-kamnaḭ ar kandə néje gə́ dubu keneŋ d’uba ləm tɔ lé Mbaidɔmbaije gə́ Njesigənea̰ a kar kaji gə néra gə́ gə dɔ najee uba Kəm ginkoji dəwje gə raŋg’g lai togə́bè tɔ.

Esai 62:8

Njesigənea̰ man rəa gə goo ji siŋgamoŋ ləa Ndá yeḛ pana: N’a kun kó ləi kar njéba̰je ləi D’ul ne rɔ dee nda̰ el ləm, Ŋgalə dəw-dɔ-ɓeeje d’a kai mán-nduú ləi Gə́ to kandə néndɔje ləi lé nda̰ el ləm tɔ.

Esai 65:16

Yeḛ gə́ a ndiŋga rəa Mba kiŋga ndutɔr mee ɓee’g neelé Yeḛ a ndiŋga rəa kar Ala gə́ tɔgərɔ Ɓa tɔr ndia dəa’g, Yeḛ a kubu rəa mee ɓee’g nee Ndá a kubu rəa gə ri Ala gə́ tɔgərɔ ya tɔ. Mbata nékəmndoo gə́ ləw lé Meḛ dəwje a kwəi dɔ’g ləm, D’a kiya rɔ dee kəm’g kág ləm tɔ.

Jeremi 22:5

Nɛ ɓó lé seḭ unje mbi sí rəw dɔ taje’g neelé ndá Njesigənea̰ pana: Neḛ manrɔ neḛ bər-bər mba kar kəi-mbai neelé tel to dɔ nduba.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Jeremi 49:13

Mbata ma man rɔm gə rim. Njesigənea̰ ɓa pa bèe. Bosra a to nékwa dɔ jiim ləm, gə nékila rɔkul-boo dɔ’g ləm, gə né gə́ tuji pugudu ləma, gə nékila ndɔl dɔ’g ləm tɔ, ndá ɓee-booje ləa lai d’a to dɔ nduba ya saar gə no̰.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Jakari 14:9

Njesigənea̰ ya kára ba a to mbai dɔ naŋg nee lai, Mee ndəa’g neelé Njesigənea̰ ya kára ba kiao a to Njesigənea̰ Ndá ria-yeḛ nja a to ri gə́ kára ba kiao tɔ.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Njé gə́ Rɔmə 11:4

Nɛ see ta ɗi ɓa Ala ilá keneŋ wa. Ma m’aa dɔ dəwje ləm gə́ tɔl-dɔg-loo-siri lé kər-kər m’ar dəw kára kara ɔs kəjee naŋg no̰ magə Baal’g el.

Tel tura Godndu 6:13

Ala ləi gə́ Njesigənea̰ lé i a ɓəlee ləm, i a ra né karee ləma, i a man rɔi gə ria ləm tɔ.

Njé gə́ Pilibə 2:10

Ri Jeju lé dəwje gə́ d’isi mee dara’g ləm, gə deḛ gə́ d’isi dɔ naŋg nee ləma, gə deḛ gə́ d’isi gin naŋg’d ləm tɔ lé d’a rəm gə no̰ kəji dee naŋg nea̰’g ya.