Esai 45:2 - Maktub gə́ To gə Kəmee

² M’a njaa nɔḭ’g ləm, M’a gɔl rəwje gə́ dɔ mbal’g kar dee d’asəna rai-rai ləm, M’a təd tarəwkəije gə́ ra gə lar gə́ kas lé rém-rém ləma, M’a təd kag larndulje kərm-kərm ləm tɔ.

Esai 45:2 ပူးပေါင်းရင်းမြစ်များ

Pakɔsje 107:16

Mbata yeḛ təd tarəwkəije gə́ ra gə lar gə́ kas lé kərm-kərm ləm, Kɔgərɔ larndul lé yeḛ təd kərm-kərm ləm tɔ.

Esai 13:2

Dɔ mbal gə́ sémee to kari ba lé Raje nétɔji keneŋ, Ɔrje ndu sí gə́ tar gə́ rɔ dee’g, Raje nétɔjije gə ji sí Gə mba kar dee d’andə gə tarəw lə njé gə́ boo!

Esai 14:31

Seḭ gə́ síje tarəwkəi’g lé Gə́ tuma̰je ŋgururu-ŋgururu! Seḭ gə́ síje ɓee-boo’g lé Gə́ no̰je rɔ sí! Seḭ njéɓeeje gə́ Pilisti lai lé Undaje bala! Mbata sa pər ḭ gə́ dɔgel si ree ləm, Mbuna loo-kaar njéba̰je lé udu jigi-jigi ləm tɔ.

Esai 24:12

Tuji-boo nai mee ɓee-boo’g Ar tarəwkɔgje gə́ tɔs dee lé tuji pugudu-pugudu.

Esai 40:4

Maji kar kəm godə wəlje lai lé tula ləm, Maji kar mbalje gə dɔdərlooje lai lé pugudu naŋg pugudu-pugudu ləm tɔ! Maji kar kila-rəwje gə́ nduni koŋ-koŋ lé Tel d’aar dana njoroŋ ləma, Kar dee gɔl rəwje gə́ to guduru-guduru D’ar dee tel d’asəna rai-rai ləm tɔ.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 45:13

Ma ɓa m’ar Sirus ḭ gə goo meekarabasur ləm Ndá m’a gɔl rəwje ləa lai kar dee d’asəna rai-rai, Yeḛ a tel gɔl ɓee-boo ləm gogo ləm, Yeḛ a kɔr ɓər dɔ dəwje’g Gə́ d’wa dee gə́ ɓər lé ləm tɔ Lal dəji nékoga dɔ dee ləm, Lal dəji néndogo-gel ləm tɔ, Njesigənea̰ gə́ njeboo-néje ɓa pa bèe.

Esai 48:15

To ma ɓa m’pata ndá M’ɓaree ne m’aree ree ləm, M’ar kula ləa teḛkɔr ya ləm tɔ.

Jeremi 28:13

Aw ula Hanania pana: Njesigənea̰ pa togə́bè pana: I təd néməməna̰ gə́ ra gə kag ya nɛ i a kiŋga néməməna̰ gə́ ra gə́ larndul ɓa toree’g.

Jeremi 51:30

Bao-rɔje gə́ Babilɔn d’əw rɔ dee rɔ ləm, Deḛ d’isi mee kəi-kaar-kɔgərɔje’g ləma, Siŋga dee godo Ar dee to d’asəna gə denéje bèe ləm tɔ. Deḛ tula pər dɔ kəije’g lə ɓee lé biriri-biriri ləm, Deḛ təd pəgərə tarəwje ləa kərm-kərm ləm tɔ.

Jeremi 51:58

Njesigənea̰ lə bao-rɔje lé Pa togə́bè pana: Ndògo-bɔrɔ gə́ Babilɔn gə́ tad rəg-rəg lé A təd kərm-kərm ləm, Tarəwkɔgje ləa gə́ ndəw lé Pər a roo dula-dula ləm tɔ, Togə́bè ɓa koso-dəwje D’ula ne rɔ dee ndubu kari ba ləm, Ginkoji dəwje gə raŋg Dao ne dao-dao ləm tɔ Nɛ pər ɓa roo kula ra dee.

Loo gə́ killa rea kəm Daniel’g 5:28

PARSIN: D’a kunda kəm ɓeeko̰ ləi dana kai kar Medəje gə Persəje.

Loo gə́ killa rea kəm Daniel’g 8:4

Ma m’oo bàl badə lé tuga loo gə gajeeje par gə́ dɔ-gó ləm, gə dɔgel ləma, gə dɔkɔl ləm tɔ. Da kára kara gə́ askəm kaar nea̰’g koma̰ səa godo ləm, daje gə́ yee wa dee kara dəw kára kara gə́ a taa dee kɔm dee tar godo ləm tɔ. Yeḛ ra né to gə́ mée ndigi ndá siŋgamoŋ ləa ḭ dɔ maree’d gə́ kédé-kédé.

Nahum 3:13

Aa ooje, koso-dəwje lə sí to d’asəna gə denéje gə́ mee ɓee’g lə sí ləm, Tarəwkɔgje lə ɓee lə sí teḛ to tag bə̰dəŋ no̰ njéba̰je’g lə sí ləma, Pər roo pəgərə tarəwje lə sí ləm tɔ.

Lugu 3:5

Kəm godə wəlje lai lé d’a tula ləm, Dɔ mbalje gə dɔdərlooje kara d’a pugudu naŋg pugudu-pugudu ləm tɔ. Kila rəwje gə́ nduni koŋ-koŋ lé d’a kar dee d’ar dana njoroŋ-njoroŋ ləm, Rəwje gə́ to guduru-guduru lé kara d’a gɔl dee yəg-yəg kar dee d’asəna rai-rai ləm tɔ.

Néra Njékaḭkulaje 1:15

Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana: