Esai 45:19 - Maktub gə́ To gə Kəmee

¹⁹ Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Esai 45:19 ပူးပေါင်းရင်းမြစ်များ

1 Sôrta Gḭka-Israɛlje 28:8

Ɓasinè, kəm Israɛlje’g lai ləm, gə loo-mbo̰-dɔ-na̰’g lə koso-dəwje lə Njesigənea̰ ləma, gə kəm Ala’g lə sí gə́ oo ndu sí ləm tɔ lé godnduje lai gə́ to ka̰ Njesigənea̰, Ala lə sí lé maji kar sí taaje dɔɓəŋgərə sí’g mba kaa dɔ dee kər-kər gə mba kar sí taaje ɓee gə́ maji dum neelé gə́ né ka̰ sí gə́ seḭ a kya̰je gə́ nénduba karje ŋgan síje gə́ goo sí’g gə́ kédé-kédé tɔ.

2 Sôrta Gḭka Israɛlje 15:2

ndá Ajaria aw aar no̰ Asa’g ulá pana: Ooje ta ləm maji, Asa seḭ gə Judaje gə Bḛjamije lai! Njesigənea̰ nai sə sí loo gə́ seḭ naije səa, ɓó lé seḭ sa̰geeje ndá seḭ a kḭgáje, nɛ ɓó lé seḭ ubáje yá̰je ndá yeḛ kara a kuba sí kya̰ sí tɔ.

2 Sôrta Gḭka Israɛlje 7:14

ɓó lé koso-dəwje ləm gə́ d’unda rim dɔ dee’g lé, d’oso kul ra ne tamaji tam’g ləm, gə d’uba goo rəw-kaw deeje gə́ majel d’ya̰ ləm tɔ ndá m’a koo ta lə dee mee dara’g ləm, m’a kar məəm oso lemsé dɔ kaiyaje’g lə dee ləma, m’a kar ɓee-si dee tel to maji péd-péd ləm tɔ.

Esdras 8:22

Nɛ m’ra rɔkul gə mba dəji mbai karee ar sí kudu njérɔje gə njékundaje mba kar dee d’aa dɔ sí rəw-kaw sí’g mbata kédé lé jeḛ j’ula mbai lé m’pajena: Ji Ala lə sí to dɔ deḛ lai gə́ saŋg gée mba karee ra sə dee meemaji nɛ oŋg ləa nduba gə siŋgamoŋgee dɔ deḛ lai gə́ d’ubá d’yá̰ tɔ.

Pakɔsje 12:6

Njesigənea̰ pana: Njénékəmndooje lé d’ula kəm dee ndòo ləm, Njéndooje kara tuma̰ gə no̰ ŋgururu-ŋgururu ya ləm tɔ. Bèe ndá ɓasinè n’a kḭ ra né ya. N’a la gə deḛ gə́ d’oma̰ sə dee D’ar dee d’aw ne jələ-jələ lé.

Pakɔsje 24:6

Aa ooje, yee ɓa to nédɔji lə dəwje gə́ ɓar rii, Deḛ gə́ saŋg loo koo kəmi-i Ala lə Jakob ya.

Pakɔsje 69:13

Deḛ gə́ d’isi tarəwkɔg’d lé Pata d’wɔji ne dɔm ləm, Njékai kidoje gə́ mḭ lé kara D’ilam pa ya ləm tɔ.

Pakɔsje 69:32

Yee neelé taa kəm Njesigənea̰ rəgm Unda bɔ maŋg gə gajee gə ŋgo gɔleeje lé tɔ.

Pakɔsje 78:34

Loo gə́ yeḛ unda dee ar yoo tɔl dee ndá Deḛ tel saŋgee ləm, Deḛ d’ɔs badm tel ree ne rɔ Ala’g lé ya ləm tɔ.

Pakɔsje 9:10

Njesigənea̰ lé to njo̰loo lə dee gə́ d’orè dɔ dee naŋg ləm, Yeḛ to njo̰loo lə deḛ gə́ néurti teḛ dɔ dee’g ləm tɔ.

Gosota-Kəmkàrje 1:21

Ndia ɓar ta loo-kunda-bulaje’g Ar dee d’oo tapeaje tarəwkɔgje’d Gə́ mee ɓee-boo’g lé ləm tɔ pana:

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 30:5

Taje lai gə́ Ala pa lé to taje gə́ àr ŋgad-ŋgad. Yeḛ to dər lə deḛ gə́ saŋg njo̰loo-kula-dɔ dee rəa’g.

Gosota-Kəmkàrje 8:6

Ooje ta ləm mbata m’aw gə ta néje Gə́ boo-boo mba kula sí ləm, Tam a teḛ gə mba ndoo sí né gə́ danasur ləm tɔ.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Esai 43:12

To ma nja m’ila mber ta kaji ləm, M’aji sí ləma, m’ula sí taree kédé ləm tɔ Ɓó to magəje gə́ rara kara gə́ mbuna sí’g el. Njesigənea̰ pana: Seḭ toje njékɔrgootaje ləm ləm, Ma ɓa m’to Ala ləm tɔ.

Esai 44:8

Ɓəlje el ləm, undaje bala el ləm tɔ, See m’ula sí taree kédé gə́ ləw təsərə el wa. Seḭ toje njékɔrgootaje ləm: See Ala gə́ raŋg to gə́ ma bèe si keneŋ wa. Kɔr mbal gə́ raŋg godo ləm, Ma m’gər yeḛ gə́ raŋg el ləm tɔ.

Esai 45:23

Ma nja ma man rɔm gə rim ləm, Kankəmta ɓa teḛ tam’g Ɓó m’a telee ɓəd el ŋga ləm tɔ, Nana kara a rəm gə no̰ kəjee naŋg nɔm’g ləm, Dəw gə́ rara kara a kubu rəa gə rim-ma ya ləm tɔ.

Esai 45:25

Mbɔl dɔ Njesigənea̰ ɓa Ŋgaka Israɛlje lai lé D’a kɔr ne ta dɔ dee’g ləm, D’a kula ne rɔnduba dɔ dee’g ləm tɔ.

Esai 48:16

Rəmje pər gə́ rɔm’g nee ooje ta! Un kudee kédé gə́ dɔtar lé Ma m’pata loo-ŋgəḭ’g el, Un kudee kédé gə́ dɔtar ndɔ tum gin néje’g neelé M’isi keneŋ ya. (Nɛ ɓasinè Mbaidɔmbaije gə́ Njesigənea̰ ulam gə ndilee na̰’d.)

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Esai 65:9

M’a kar ŋgaka Jakob d’ḭ mée’g teḛ ləm, M’a kar deḛ gə́ d’ḭ ginkoji Judaje’g lé D’a kwa mbalje ləm gə́ nénduba lə dee ləm tɔ, Koso-dəwje ləm gə́ m’ɔr dee m’unda dee gə kəmee lé D’a kiŋga ɓee gə́ né ka̰ dee ləm, Kuraje ləm d’a si keneŋ ləm tɔ.

Esai 8:19

Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Jeremi 2:31

Seḭ ginkoji dəwje, Maji kar sí ooje ta lə Njesigənea̰ gə́ né ya! See ma m’to asəna gə dɔdilaloo mbata lə Israɛlje Esé ma m’to ɓee gə́ loo ndul keneŋ njudu-njudu wa. See gelee ban ɓa dəwje ləm pana: Loo gə́ meḛ sí ndigi ya j’a kaw’g Jeḛ ndigi kaw rɔi’g el lé wa.

Amɔs 5:4

Mbata Njesigənea̰ ula ginkoji Israɛlje togə́bè pana: Maji kar sí saŋgmje ndá Seḭ a síje ne kəmba ya.

Tagə́maji gə́ Ja̰ ndang 18:20

Jeju ilá keneŋ pana: Tapam to kəm dəwje’g raga pai-pai. Ma m’ndoo dee ta mee kəi-kwa-dɔ-na̰je’g gə mee kəi-Ala’g loo gə́ Jibje lai mbo̰ dɔ na̰ keneŋ ɓó m’ula dee ta gə goo ŋgəḭ kára kara el.

Tagə́maji gə́ Ja̰ ndang 7:26

Aa ooje, yeḛ aar pata yororo-yororo nɛ deḛ d’ilá keneŋ el. See mbaije lə sí lé gəree gə́ Kristi tɔgərɔ ya wa.

Tagə́maji gə́ Ja̰ ndang 7:28

Loo gə́ Jeju aar ndoo dee né mee kəi-Ala’g lé ndá yeḛ teḛ təa wəl pana: Seḭ gərmje gao ləm, loo gə́ m’ḭ keneŋ kara seḭ gərje gao ləm tɔ. To ma ɓa m’ree gə dɔrɔm el. Yeḛ gə́ njekulam lé to kankəm dəw ya, nɛ seḭ gəreeje el.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Maktub gə́ Jak ula ne ar ngan-Allaje 4:3

Seḭ kwɔiyeeje nɛ seḭ iŋgaje el mbata seḭ kwɔiyeeje kəmee’g el, seḭ kwɔiyeeje gə mba tɔl ne malee gə́ ra sí ɓa.