Esai 45:14 - Maktub gə́ To gə Kəmee

¹⁴ Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 45:14 ပူးပေါင်းရင်းမြစ်များ

Gḭ-Néje 27:29

Maji kar dəwje ra né d’ari ləm, Kar ginkoji dəwje gə raŋg d’unda barmba nɔḭ’g ləm tɔ! Maji kari to mbai dɔ ŋgakɔḭje ləm, Kar ŋgakɔḭje gə́ diŋgam d’unda barmba nɔḭ’g ləm tɔ! Ndɔl a kwa dɔ nana ɓa gə́ ila ndɔl dɔi’g ləm, Ndutɔr a nai dɔ nana ɓa gə́ tɔr ndia dɔi’g ləm tɔ.

2 Samel 21:20

Rɔ tel ḭ Gat’g ya ɓəi. Dəw kára si keneŋ, to dəw gə́ ŋgal yaa̰, yeḛ lé ŋgan jia misa̰-misa̰ ləm, ŋgan gɔleeje misa̰-misa̰ ləm tɔ ar deḛ lai d’aḭ rɔ-joo-gir-dee-sɔ. Yeḛ kara ḭ ginka’g lə Rapa ya tɔ.

Este 8:17

Mee dəb ɓeeko̰je kára kára lai ləm, gə mee ɓee-booje kára kára lai ləm tɔ lé loo gə́ d’ila mber ndukun lə mbai keneŋ ndá loo gə́ mbuna Jibje’g lé rɔlel gə boo-rɔkal gə ra muru-gad gə ra naḭje ɓa to keneŋ ya. Tɔɓəi dəwje bula mbuna koso-dəwje gə́ mee ɓee’g tel rɔ dee gə́ Jibje mbata ɓəl gə́ deḛ ɓəl Jibje lé ɓa unda dee badə gaŋg dee tɔ.

Maktub gə́ wɔji dɔ Jɔb 1:15

Ndá Sabaje ree d’ur dɔ dee’g tɔl kuraje ləi gə kiambas, tɔɓəi d’ɔr dee lai d’aw sə dee. Nɛ ma nja gə karm ba m’teḛ ta yoo’g pe’d-pe’d m’ree mba kulai taree.

Maktub gə́ wɔji dɔ Jɔb 11:19

I a to naŋg ndá dəw kára kara a jɔgi el, Dəwje bula d’a bɔr bèli.

Pakɔsje 149:6

Maji kar ta pidi Ala to ta dee’g ləm, Maji kar kiambas gə́ adə gə́ ŋgaŋgee joo lé To ji dee’g kel-kel ləm tɔ

Pakɔsje 149:8

Gə mba tɔ mbaije lə dee gə kúla lar ləm, Gə mba kila ɗa lar gɔl dəwje gə́ boo’g lə dee ləma,

Teḛ-Raga 11:8

Togə́bè ɓa kuraje ləi lai gə́ d’aar neelé d’a rəm pər gə́ rɔm’g ləm d’a kunda barmba nɔm’g ndá d’a kulam pana: Maji kam m’teḛ, ma ləm gə dəwje lai gə́ d’wa kilam lé. Gée gə́ gogo m’a teḛ kaw ya. Moyis unda loo mee kəi’g lə Parao̰ teḛ gə oŋg gə́ aw səa biriri-biriri ya.

Esai 10:33

Aa ooje, Mbaidɔmbaije gə́ to Njesigənea̰ gə́ njeboo-néje lé Riba barkəm kagje gə siŋgamoŋgee: Njé gə́ boo d’ur dɔ mar deeje lé Yeḛ gaŋg dee ləm, Njé gə́ ŋgal d’unda mar deeje lé kara Yeḛ guru dee rug-rug ləm tɔ.

Esai 18:1

Ǝi dɔ naŋg, i gə́ kaa bagije ɓar Dɔ baaje gə́ Etiopi lé!

Esai 18:7

Mee ndəa’g neelé koso-dəwje gə́ to njésiŋgamoŋje gə́ d’aw kɔgərɔ-kɔgərɔ ləm, koso-dəwje gə́ to ɓəl kədm-kədm un kudee ləw ba gə́ d’isi ne ləma, ginkoji dəwje gə́ to njésiŋgamoŋje gə́ njétuji néje lai lé, deḛ gə́ mán baaje unda ɓeeje lə dee dana gaŋg ləm tɔ lé d’a ree gə nékarje kar Njesigənea̰ gə́ njeboo-néje ya. D’a kaw ne loo gə́ ri Njesigənea̰ gə́ njeboo-néje ɓar keneŋ dɔ mbal gə́ Sio̰ ya.

Esai 19:21

Njesigənea̰ a riba dɔ rəa kar Ejiptəje gəree ndá Ejiptəje d’a gər Njesigənea̰ mee ndəa’g neelé ya. Deḛ d’a kinja nékinjanéməsje ləm, d’a kar nékarje ləma, d’a kun ndu dee gə ndu manrɔ kar Njesigənea̰ mba ra né ndá d’a ra née ləm tɔ.

Esai 19:22

Togə́bè ɓa Njesigənea̰ a kunda Ejiptəje ya, yeḛ a kunda dee ya nɛ a tel kaji dee ɓəi, ndá deḛ d’a tel ree rɔ Njesigənea̰’g yeḛ gə́ a koo ndu dee ləm, a kaji dee ləm tɔ.

Esai 23:18

Nɛ nékiŋgaje lə dee gə nékoga-dɔ-ji dee gə́ mina̰ lé d’a kunda dee gə kəmee kar Njesigənea̰ ɓó d’a mbo̰ dee dɔ na̰’d əsé d’a ŋgəm dee gə́ ŋgəm el, mbata nékiŋgaje lə dee lé d’a kar deḛ gə́ d’isi no̰ Njesigənea̰’g mba kar dee d’isi ne dan nékul rɔ dee’g bèdèg ləm, kar dee d’iŋga ne kubuje gə́ bḭ-maji ləm tɔ.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 44:8

Ɓəlje el ləm, undaje bala el ləm tɔ, See m’ula sí taree kédé gə́ ləw təsərə el wa. Seḭ toje njékɔrgootaje ləm: See Ala gə́ raŋg to gə́ ma bèe si keneŋ wa. Kɔr mbal gə́ raŋg godo ləm, Ma m’gər yeḛ gə́ raŋg el ləm tɔ.

Esai 45:24

Dəwje d’a kulam pana: Néra gə́ danasur gə siŋgamoŋ lé To rɔ Njesigənea̰’g ya kára ba ɓa. Deḛ lai gə́ meḛ dee ḭ sə dee pu dəa’g lé D’a tel ree rəa’g ndá Rɔkul a ra dee.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 54:3

Mbata i a taa loo par gə́ dɔ jikɔl ləm, gə dɔ jigel ləm tɔ, Ŋgakaije d’a taa loo pəl-pəl mbuna ginkoji dəwje gə raŋg’g, D’a rusu ɓee-booje gə́ to nduba lé.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Esai 60:3

Ginkoji dəwje gə raŋg d’a njaa Goo néndogó’g ləi ləm, Mbaije kara d’a njaa Goo lookàr’g ləi ləm tɔ.

Esai 61:9

D’a gər ginkoji dee mbuna ginkoji dəwje gə raŋg’g ləm, Gə ŋgaka deeje mbuna koso-dəwje’g ləm tɔ. Deḛ lai gə́ d’a koo dee lé D’a gər gao To gə́ deḛ to gə́ ginkoji dəwje Gə́ Njesigənea̰ tɔr ndia dɔ dee’g.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Ejekel 23:42

Ndu koso-dəwje gə́ bula digi-digi ɓar gə rɔlel, mbuna koso-dəwje’g neelé deḛ d’ar Sabaje d’ḭ dɔdilaloo’g ree, to deḛ gə́ d’ula niŋgaje ji ŋgako̰ na̰je gə́ dené gə́ joo lé ləm, gə dɔgugu gə́ maji dum dɔ dee’g ləm tɔ.

Ejekel 31:3

Aa oo, Asiri to kag-sɛdrə gə́ Liba̰, Barkəmeeje kura yaa̰ ləm, Kameeje idi lub-lub ləm, Kagee ŋgal ləma, Semee teḛ tar dan barkəmeeje gə́ ndər siŋ-siŋ ləm tɔ.

Bula lə Israɛlje 13:32

Deḛ pata gə́ yèr dɔ ɓee gə́ d’aw tən loo keneŋ lé no̰ Israɛlje’g. Deḛ pana: Ɓee gə́ jeḛ j’aw njaa keneŋ mba tən koo lé to ɓee gə́ tuji dəwje ləa gə́ d’isi keneŋ, deḛ lai gə́ j’oo dee keneŋ lé to dəwje gə́ kagrɔ dee ŋgal,

1 Njé gə́ Kɔrḭtə 14:25

ta gə́ mée’g a kinja gə́ raga ləm tɔ. Yen ɓa yeḛ a kunda barmba dəb kəmee naŋg gə mba kwa ne Ala mée’g ləm, yeḛ a kḭ kaw kila ne mbər pana: Ala lé sí mbuna sí’g tɔgərɔ ya ləm tɔ.

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.