Esai 43:3 - Maktub gə́ To gə Kəmee

³ Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 43:3 ပူးပေါင်းရင်းမြစ်များ

Gḭ-Néje 10:7

Ri ŋgalə Kus ɓa nee: Saba, Habila, Sabta, Raema gə Sabteka. Ri ŋgalə Raema ɓa nee: Seba gə Dedan.

Pakɔsje 72:10

Mbaije gə́ Tarsis gə deḛ gə́ d’isi dɔgoré-loo’g lé D’a karee nékoga-dɔ-rɔ dee ləm, Mbaije gə́ Saba gə Seba lé D’a karee nénojije ləm tɔ.

Teḛ-Raga 10:7

Kuraje lə Parao̰ d’ulá pana: See dəw neelé a to gum kwa sí ya bèe-bèe saar gə́ ndɔ gə́ ra wa. Maji kari ya̰ dəwje neelé ar dee d’aw gə mba pole Njesigənea̰ Ala lə dee. Ɓee gə́ Ejiptə lé si tuji gə́ tuji nɛ see i oo el ya ɓəi wa.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Gosota-Kəmkàrje 11:8

Njemeekarabasur lé teḛ ta nékəmndoo’g Ndá njemeeyèr ɓa taa toree oso keneŋ.

Gosota-Kəmkàrje 21:18

Njemeeyèr lé to nékoga dɔ njemeekarabasur ləm, Dəw gə́ to majikoji el kara to mbata lə dəwje gə́ njéra nédanaje ləm tɔ.

Esai 19:20

Yee ɓa a to nétɔji gə nékɔrgoota lə Njesigənea̰ gə́ njeboo-néje mee ɓee gə́ Ejiptə tɔ. D’a no̰ ɓar Njesigənea̰ mbata lə deḛ gə́ to njékula kəm dee ndooje ndá yeḛ a kar dee njekaji dee ləm, gə njekaḭ bada dɔ dee’g mba kɔm dee ne tar ləm tɔ.

Esai 20:3

Bèe ɓa Njesigənea̰ pa pana: To gə́ kura ləm Esai njaa ne gə kudee dum ləm, gə gɔlee kari ba ləm tɔ lé, né gə́ a gə teḛ mee ləbje munda gə́ a gə ree lé a to nétɔji ləm gə né gə́ teḛ kédé ar dee d’oo ləm tɔ gə mbata lə Ejiptəje gə Etiopije tɔ.

Esai 30:11

Maji kar sí ya̰je rəw gə́ danasur ləm, Ubaje kila-rəwje ya̰je ləma, Arje Njerɔkunda lə Israɛlje nai əw sə sí ləm tɔ!

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 42:8

Ma m’to Njesigənea̰, yee ɓa to rim, Ndá m’a kya̰ rɔnduba ləm kar dəw gə́ raŋg el ləm, Riɓar ləm kara m’a kya̰ kar magəje el ləm tɔ.

Esai 43:11

To ma nja ɓa m’to Njesigənea̰, Ɓó lé ma m’godo ndá Njekaji kára kara godo tɔ.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 45:15

Nɛ i Ala lə Israɛlje gə́ njekaji dee lé I to Ala gə́ iya rɔi.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 63:8

Yeḛ pana: Tɔgərɔ ya, deḛ to koso-dəwje lə neḛ, Deḛ to ŋganje gə́ d’a to njékaltaje el. Yeḛ to njekaji lə dee.

Jeremi 14:8

I ɓa Israɛlje d’unda meḛ dee yel dɔi’g ləm, I ɓa gə́ njekaji dee ndɔ néurti’g ləm tɔ, See mbata ɗi ɓa i tel rɔi Asəna gə dəw-dɔ-ɓee mee ɓee’g nee Esé tel rɔi gə́ mbá Gə́ andə mee ɓee’g Gə mba to keneŋ til’g bèe wa.

Jeremi 16:21

Gelee gə́ nee ɓa Ma m’ar dee gər ɓasinè ləm, M’ar dee gər siŋgamoŋ ləm Gə roŋgəŋ ləm ləm tɔ. Yen ɓa d’a gər to gə́ rim To Njesigənea̰.

Ejekel 39:7

N’a kar dee gər ri neḛ gə́ to gə kəmee mbuna koso-dəwje’g lə neḛ gə́ Israɛl ndá n’a kya̰ loo kar dee d’ila ndɔl dɔ ri neḛ gə́ to gə kəmee lé el ŋga. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰, Njerɔkunda gə́ mee ɓee gə́ Israɛl.

Ojee 13:4

Ma Njesigənea̰ ma m’to Ala lə sí Un kudee mee ndəa gə́ seḭ undaje ne loo mee ɓee gə́ Ejiptə teḛje lé. Ma Ala lə sí gə́ kára ba ɓa Seḭ a koomje gə́ Ala lə sí ya Ɓó yeḛ gə́ raŋg godo. Njekaji gə́ raŋg to gə́ ma bèe lé godo.

Ləbije 11:44

Mbata ma m’to Njesigənea̰, Ala lə sí, seḭ a kɔrje rɔ sí kundaje gə kəmee ndá seḭ a toje ne dəwje gə́ to gə kəmee mbata ma nja m’to njerɔkunda ya. Seḭ a karje rɔ sí tel to né gə́ mina̰ mbata lə néje nee lai gə́ d’ag naŋg gə ta meḛ dee lé el.

Amɔs 9:7

Njesigənea̰ pa togə́bè pana: Seḭ Israɛlje lé See seḭ toje asjena gə Etiopije mbata lə neḛ el wa. See neḛ ɓa n’ar Israɛlje d’unda loo mee ɓee gə́ Ejiptə teḛ el wa To gə́ neḛ ɓa n’ar Pilistije d’unda loo mee ɓee gə́ Kaptɔr teḛ ləm, N’ar Aramje d’unda loo mee ɓee gə́ Kir teḛ ləm tɔ el wa.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Jude 1:25

yeḛ nja ɓa gə́ Ala kára ba kiao, gə́ j’aji ne gin Jeju Kristi Mbaidɔmbaije lə sí lé maji kula rɔnduba dəa’g ləm, gə maji karee ur dɔ dəwje’g lai ləm, maji karee dum dɔ loo gə siŋgamoŋ ləa kédé par-par gə ɓasinè ləma, gə saar-saar gə no̰ ləm tɔ. Amen!