Esai 43:23 - Maktub gə́ To gə Kəmee

²³ Seḭ amje badje gə́ nékinjaməs gə́ ka̰ roo el ləm, Seḭ ulaje rɔnduba dɔm’g gə nékinjanéməsje lə sí el ləm tɔ. Ma lé m’jɔg sí mbata lə nékarje gə́ to nduji lé el ləm, Ma m’ar sí daoje gə mbata né gə́ ə̰də sululu el ləm tɔ.

Esai 43:23 ပူးပေါင်းရင်းမြစ်များ

Nehemi 13:10

Ma m’oo né gə́ raŋg ya tɔɓəi, to gə́ néje gə́ wɔji dɔ Ləbije lé d’ar dee el ndá ar Ləbije gə njékɔspaje gə́ ra kula lé d’aḭ ar nana kara aw dɔ naŋg’d ləa-ləa.

Teḛ-Raga 30:34

Njesigənea̰ ula Moyis pana: Odo néje gə́ ə̰də sululu, gə́ ri dee lə baḭ-rɔko̰, gə ŋgadko̰ gə́ ə̰də sululu, gə dilo, gə no̰ kag gə́ ə̰də sululu bèe gə́ àr ŋgad-ŋgad tɔ, gə́ kwɔi lə dee asəna kára ba.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 21:27

Nékinjaməs lə njémeeyèrje to né gə́ mina̰, Nɛ ɓəd ɓəi ɓa see loo gə́ deḛ d’un d’ar Gə takə̰ji lə deḛ gə́ yèr lé ɓəi wa.

Gosota-Kəmkàrje 3:9

Tədkag Njesigənea̰ gə némajije ləi ləm, Gə néje gə́ doŋgɔr lai gə́ i iŋga dee ləm tɔ.

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Jeremi 7:21

Njesigənea̰ gə́ njeboo-néje gə́ to Ala lə Israɛlje lé pa togə́bè pana: Ɔmje nékinjanéməsje lə sí gə́ ka̰ roo lé dɔ nékinjanéməsje’g lə sí ndá seḭ nja a sɔje dakas dee!

Jeremi 7:22

Mbata ma m’pata gə bɔ síje-je el ləm, m’un ndum kára bèe kara m’ar dee m’wɔji ne dɔ nékinjanéməsje gə́ ka̰ roo əsé nékinjanéməsje m’ar dee mee ndɔ gə́ d’unda ne loo mee ɓee gə́ Ejiptə teḛ lé el ləm tɔ.

Ləbije 2:1

Loo gə́ dəw a gə kun nékar gə́ to nduji mba kar Njesigənea̰ ndá yeḛ a kun nduji gə́ ndá léréré, yeḛ a kɔm ubu dɔ’g ləm, yeḛ a kɔm né gə́ ə̰də sululu dɔ’g ləm tɔ.

Ləbije 24:7

I a kɔm bodé kag gə́ ə̰də sululu dɔ loo ndureje’g ndá gée gə́ gogo d’a roo bodé kag neelé tor mbəje’g ləm tɔ.

Amɔs 5:25

Seḭ Israɛlje lé loo gə́ seḭ njaaje dɔdilaloo’g as ləb sí rɔ-sɔ lé see seḭ injaje nékinjanéməsje əsé reeje gə nékarje lə sí amje wa.

Misee 6:3

Yeḛ pana: Seḭ koso-dəwje ləm lé, See ɗi ɓa m’ra sə sí wa. See né gə́ m’ar sí daoje ne to ɗi wa. Ilamje keneŋ ɓa!

Malasi 3:8

See dəw a su kəm Ala wa. Mbata seḭ suje kəm ya. Nɛ seḭ pajena: See loo gə́ ra ɓa seḭ suje kəm keneŋ wa. To loo gə́ néje lə sí dɔg ɓa kəm kar sí unje təa kára arje Ala ləm, gə loo kar nékarje ləm tɔ.

Matiyo 11:30

Mbata néməməna̰ ləm lé a kul gwɔb sí’g kwɔji-kwɔji ləm, nékodo ləm kara wɔilɔ pélé-pélé ləm tɔ.