Esai 43:22 - Maktub gə́ To gə Kəmee

²² Nɛ seḭ njé’g lə Jakob seḭ ɓarje rim el ləm, Mbata seḭ Israɛlje rɔ sí wəi sululu dɔm’g ləm tɔ.

Esai 43:22 ပူးပေါင်းရင်းမြစ်များ

Pakɔsje 14:4

Deḛ lai gə́ ra néje gə́ yèr lé See deḛ gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Njesigənea̰ bèe el.

Pakɔsje 79:6

Maji kari ɓugu boo-oŋg ləi Dɔ Ginkoji dəwje gə raŋg’d gə́ gəri el ləm, Gə dɔ ɓeeko̰je’d gə́ ɓar rii keneŋ el lé ləm tɔ.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Jeremi 2:5

Njesigənea̰ pa togə́bè pana: See néra gə́ kori-kori ɗi ɓa Bɔ síje-je d’oo rɔm’g ɓa D’unda ne rɔ dee ŋgərəŋ rɔm’g D’aw ne goo néje gə́ gə mḭdé ba Gə́ ar dee-deḛ nja kara Tel to né gə́ gə mḭdé ba lé wa.

Loo gə́ killa rea kəm Daniel’g 9:13

Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Misee 6:3

Yeḛ pana: Seḭ koso-dəwje ləm lé, See ɗi ɓa m’ra sə sí wa. See né gə́ m’ar sí daoje ne to ɗi wa. Ilamje keneŋ ɓa!

Malasi 1:13

Seḭ pajena: Seḭ daoje ne yaa̰! Tɔɓəi seḭ unje kəm sí dəa’g rəw, Njesigənea̰ gə́ njeboo-néje lé ɓa pa bèe. Nɛ lé bèe kara seḭ reeje gə daje gə́ seḭ ɓogoje ləm, əsé gə́ d’oso məd ləma, əsé gə́ rɔ dee to dee ləm tɔ, yee ɓa gə́ nékinjanéməsje gə́ seḭ reeje ne! See m’askəm taa ji sí’g wa. Njesigənea̰ gə́ njeboo-néje lé ɓa dəji sí togə́bè.

Malasi 2:17

Tapa sí lé ar Njesigənea̰ dao ne, nɛ seḭ pajena: See seḭ areeje dao ne to gə́ ban wa. To loo gə́ seḭ pajena: Nana ɓa gə́ ra né gə́ majel lé yeḛ to dəw gə́ maji kəm Njesigənea̰’g, yeḛ nja ɓa mée lelee dəa’g. Esé see Ala gə́ njegaŋgta gə goo rəbee lé si ra wa.

Malasi 3:14

Tapa sí ɓa nee: Ra kula kar Ala to né gə́ kari ba. Koji gə́ seḭ ilaje dɔ torndumje’g lé əsé njaa gə́ seḭ njaaje gə kəmndoo mbata lə Njesigənea̰ gə́ njeboo-néje lé see ɗi ɓa seḭ iŋgaje keneŋ wa.