Esai 43:20 - Maktub gə́ To gə Kəmee

²⁰ Daje gə́ mee wala’g ləm, Gə tàlje ləma, gə miruje ləm tɔ lé D’a kula rɔnduba dɔm’g Mbata m’ar manje to dɔdilaloo’g ləm, M’ar baa to ndag-mbo’g ləm tɔ Gə mba kar dəwje ləm gə́ m’ɔr dee m’unda dee gə kəmee lé d’ai.

Esai 43:20 ပူးပေါင်းရင်းမြစ်များ

1 Sôrta Gḭka-Israɛlje 16:13

Seḭ gə́ toje ginka Israɛlje Gə́ toje kuraje ləa lé ləm, Seḭ gə́ toje ŋgaka Jakob Gə́ yeḛ ɔr sí unda sí gə́ dəwje ləa lé ləm tɔ.

Pakɔsje 104:21

Ŋgan toboḭje lé d’wa miḭ ɓiriri-ɓiriri goo nékwa’g lə dee Dəji ne Ala nésɔ dee.

Pakɔsje 148:10

Daje gə́ wala gə nékulje lai ləm, Néje gə́ d’ag naŋg gə yelje ləm,

Pakɔsje 33:12

Ginkoji dəwje gə́ Njesigənea̰ to Ala lə dee lé D’isi dan rɔlel’g ya, Koso-dəwje gə́ yeḛ ɔr dee unda dee gə kəmee gə́ nédɔji ləa lé Rɔ dee lel dee tɔ.

Esai 13:22

Rigəmje d’a no̰ mee kəi-mbaije’g lə dee ləm, Tálje d’a no̰ mee kəije’g lə deḛ gə́ maji péd-péd ləm tɔ. Ndɔ lə dee nai dəb ba ŋga Ndá d’a kila ndɔje lə dee dɔ maree’g kar dee el ŋga.

Esai 30:25

Dɔ mbalje lai gə́ ŋgal léŋgé-léŋgé ləm, Gə dɔdərlooje gə́ ḭtar gə́ rara kara ləm tɔ lé Man baaje gə kəm-rəw-manje d’a to keneŋ Ndɔ ndum dəwje mburug-mburug ləm, Loo gə́ kəi-kaar-kɔgərɔje gə́ duu dɔ loo d’a təd ləm tɔ.

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 33:21

Tɔgərɔ ya, lé neelé Njesigənea̰ a riba dɔ boo-ronduba ləa kar sí, Lée neelé yeḛ a kar baaje gə kəm-rəw-manje gə́ tad rəg-rəg to keneŋ ləm, To kaw-rɔje a dəs keneŋ el ləma, Bato kára kara a dəs keneŋ el ləm tɔ.

Esai 35:7

Naŋgəra gə́ nuŋga kəd-kəd a tel to duu-mán Kar naŋg gə́ tudu kurum-kurum tel to ŋgira manje tɔ, Mee loo-si-kiya-rɔ lə tàlje lé Ko-ab gə ŋgawlal d’a kuba keneŋ.

Esai 41:17

Njénékəmndooje gə njéndooje lé Saŋg mán ndá d’iŋga el, Ta dee tudu kurum-kurum Mbata kṵdaman gə́ tɔl dee Ndá ma Njesigənea̰ m’a koo ndu no̰ lə dee, Ma Ala lə Israɛlje m’a kuba dee kya̰ dee nda̰ el.

Esai 41:18

M’a kar mán baa ula yal-yal dɔdərlooje’g ləm, Ŋgira manje d’a tuba tir-tir kəm wəlje’g ləm tɔ, M’a kar dɔdilaloo tel to gə́ duu-mán ləm, Naŋg gə́ tudu kurum-kurum lé M’a karee tel to gə́ kəm-rəw-mán ləm tɔ.

Esai 43:19

Aa ooje, m’a gə tum gin né gə́ sigi gə́ aw ree: See seḭ a gəreeje el wa. M’a ra rəw dɔdilaloo’g ləm, M’a kar mán baa to ndag-mbo’g ləm tɔ.

Esai 48:21

Mee dɔdilalooje gə́ yeḛ a kɔr no̰ dee keneŋ lé Kṵdaman a tɔl dee el. Yeḛ a kar mán uba tir-tir kaar biri mbal’g Gə mbata lə dee ləm, Yeḛ a ta̰ biri mbal ndá Man a kaḭ ya ləm tɔ.

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Esai 65:15

Seḭ a kya̰je ri sí Karee to gə́ nékubu rɔ lə koso-dəwje ləm Gə́ m’unda dee gə kəmee, Mbaidɔmbaije gə́ Njesigənea̰ a kar sí wəije mburug Ndá yeḛ a kar kuraje ləa ri gə́ raŋg.

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Mark 13:20

Ndəaje neelé ɓó lé Mbaidɔmbaije a rəm ne karee nai gwɔji el ndá dəw-kunda lə Ala gə́ kára kara a kaji el, nɛ yeḛ rəm gə ndəaje neelé ya̰ aree nai gwɔji ya mbata lə deḛ gə́ yeḛ mbər dee unda dee gə kəmee lé tɔ.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Tagə́maji gə́ Ja̰ ndang 4:14

Nɛ nana ɓa a kai mán gə́ m’a karee neelé ndá kunda a tɔlee gogo el ŋga. Man gə́ m’a karee lé a tel to ŋgira mán mée’g gə́ a kaḭ teḛ kuji-kuji ndá yeḛ a si gə kəmə gə́ gə no̰ lé mée’g.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 21:6

Tɔɓəi yeḛ ulam pana: Neḛ n’tɔlee bém. Neḛ n’to Alpa gə Omega, yeḛ gə́ dɔtar gə yeḛ gə́ rudu tɔ. Yeḛ gə́ kṵdaman tɔlee ndá n’a karee mán kəmə gə́ aḭ kəm-rəw-mán gə́ teḛ kuji-kuji lé ai, n’a karee gə́ kar ɓó yeḛ a ndogo el.

Loo gə́ killa rea kəm Ja̰’g 22:17

Ndil lé gə njeŋgao-sigi lé pata pana: Maji kari gə́ ree. Yeḛ gə́ oo maji ndá aree pa togə́bè tɔ pana: Maji kari gə́ ree. Yeḛ gə́ kṵdaman tɔlee ndá maji karee ree taa mán kəmə gə́ aḭ teḛ kuji-kuji lé ai, m’a karee gə́ kar ya ɓó yeḛ a ndogo el.