Esai 43:12 - Maktub gə́ To gə Kəmee

¹² To ma nja m’ila mber ta kaji ləm, M’aji sí ləma, m’ula sí taree kédé ləm tɔ Ɓó to magəje gə́ rara kara gə́ mbuna sí’g el. Njesigənea̰ pana: Seḭ toje njékɔrgootaje ləm ləm, Ma ɓa m’to Ala ləm tɔ.

Esai 43:12 ပူးပေါင်းရင်းမြစ်များ

Esai 37:20

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Esai 37:7

N’a gə kɔsee ɓɔḭ-ɓɔḭ mba kar loo gə́ yeḛ oo sorta kára ndá yeḛ a tel mee ɓee’g ləa. Tɔɓəi n’a kar dee tɔlee gə kiambas dan mee ɓee’g ləa tɔ.

Esai 43:10

Njesigənea̰ pana: Seḭ nja toje njékɔrgootaje ləm Seḭ gə kura ləm gə́ ma m’ɔree Gə mba kar sí gərje gao ləm, Kar sí ɔmje meḛ sí dɔm’g ooje to gə́ to ma nja ləm tɔ. Ma m’to gə́ dɔtar Ɓó Ala gə́ njekunda rəa nɔm’g Ɓa m’orè gée ɓəi lé godo ləm, Yeḛ gə́ a korè goom kara godo ləm tɔ.

Esai 44:8

Ɓəlje el ləm, undaje bala el ləm tɔ, See m’ula sí taree kédé gə́ ləw təsərə el wa. Seḭ toje njékɔrgootaje ləm: See Ala gə́ raŋg to gə́ ma bèe si keneŋ wa. Kɔr mbal gə́ raŋg godo ləm, Ma m’gər yeḛ gə́ raŋg el ləm tɔ.

Esai 45:19

Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Esai 55:4

Aa ooje, ma m’undá gə́ njekɔrgoota ləm Mbuna koso-dəwje’g ləm, M’undá gə́ mbai gə́ njedum dɔ koso-dəwje ləm tɔ.

Tel tura Godndu 32:12

Njesigənea̰ nja kára ba Ɓa gə́ njekɔrno̰ koso-dəwje ləa, Ɓó magə dɔɓee gə́ a korè dəa’g godo.

Tel tura Godndu 32:16

Deḛ d’ar kəmkəḭ lə Njesigənea̰ ḭ dɔ maree’d gə́ kédé-kédé mbata lə magəje gə́ dɔɓee’g, Deḛ d’ar mée ḭ səa pu gə néje gə́ mina̰ tɔ.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.