Esai 43:1 - Maktub gə́ To gə Kəmee

¹ Nɛ ɓasinè Njesigənea̰, yeḛ gə́ njekunda sí-seḭ njé’g lə Jakob ləm, Gə yeḛ gə́ njekuba sí-seḭ Israɛlje ləm tɔ lé Pa togə́bè pana: Maji kar sí ɓəlje el Mbata ma nja m’uga dɔ sí, Ma m’ɓar sí gə ri sí Ndá seḭ toje kamaje ya!

Esai 43:1 ပူးပေါင်းရင်းမြစ်များ

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

Pakɔsje 100:3

Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 102:18

Yeḛ orè mbia ndəŋ dɔ tamaji’g lə njendoo lé Ɓó oo tamaji ləa gə́ né gə́ sḭ kari ba el.

Teḛ-Raga 15:13

Mbɔl dɔ meekɔrjol ləi lé ɓa I ɔr ne no̰ dəwje neelé I ɔm dee ne tar, Mbɔl dɔ siŋgamoŋ ləi lé ɓa, I ɔr ne no̰ dee Par gə́ loo-sii gə́ to gə kəmee ɓəd’g lé.

Teḛ-Raga 15:16

Ɓəl gə ndəb lé a teḛ dɔ dee’g wai, Gə goo siŋgamoŋ lə jii lé ɓa D’a tel kisi ne dɔ mundu to gə́ mbal bèe, Saar njen kar dəwje ləi dəs d’aw, əi Njesigənea̰, Saar njen kar dəwje gə́ i uga dee lé dəs d’aw ya.

Teḛ-Raga 33:17

Njesigənea̰ ula Moyis pana: M’a ra né gə́ i dəjim neelé ya mbata i taa kəm rəgm ləm, ma m’gəri gə rii-i ləm tɔ.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 42:6

Ma Njesigənea̰ m’ɓari Mba kari ra néra gə́ gə dɔ najee. M’a kwa jii ləm, M’a ŋgəmi ləma, M’a kundai gə́ némanrɔ Gə́ m’a man ne rɔm kar koso-dəwje ləm tɔ Gə mba kari to lookàr lə ginkoji dəwje gə raŋg.

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.

Esai 43:5

Ɓəlje el mbata ma m’nai sə sí, M’a kar ŋgaka síje d’ḭ bər ree ləm, M’a mbo̰ deḛ gə́ d’isi dɔ-gó mba ree sə dee ləm tɔ.

Esai 43:7

Deḛ lai gə́ d’unda rim dɔ dee’g, Deḛ gə́ m’unda dee mba kar dee d’ula rɔnduba dɔm’g ləm, M’uba kubururɔ dee ləma, m’ra dee ləm tɔ.

Esai 44:2

Njesigənea̰ gə́ njera sí ləm, Yeḛ gə njekuba sí meḛ ko̰ síje’g ləma, Yeḛ gə́ njegəd sí ləm tɔ lé Pa togə́bè pana: Seḭ njé’g lə Jakob gə́ toje kuraje ləm, Seḭ Israɛlje ləm gə́ m’ɔr sí m’unda sí gə kəmee ləm tɔ lé Ɓəlje el!

Esai 45:11

Njesigənea̰, Njerɔkunda lə Israɛlje, Yeḛ gə́ njekunda dee lé pa togə́bè pana: See deḛ ndigi dəjim ta dɔ né gə́ a gə teḛ gogo wa. See deḛ ndigi kun ndu dee kam m’ra ne né gə́ wɔji dɔ ŋganəmje ləm, Gə dɔ kulaje gə́ jim ɓa ra dee ləm tɔ lé wa.

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Esai 48:20

Undaje loo mee ɓee gə́ Babilɔn teḛje ləm, Ḭje dan Kaldeje’g aḭje ləm tɔ! Paje gə ndu kalrɔ, ilaje ne mberee Ar deḛje gə́ d’isi gwɔi naŋg’d d’oo taree Pajena: Njesigənea̰ uga dɔ kura ləa Jakob!

Esai 49:1

Seḭ gə́ síje dɔgoré-looje’g lé Ooje ta ləm! Seḭ koso-dəwje gə́ síje əw lé Urje mbi sí gèŋ! Njesigənea̰ ɓarm mee ndəa gə́ d’ojim ne ləm, Yeḛ unda rim mee ndɔ gə́ ma m’teḛ ne mee kɔm’g ya ləm tɔ.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 51:13

Seḭ arje meḛ sí wəi dɔ Njesigənea̰ gə́ njekunda sí’g lé Yeḛ gə́ naji dara gə tum gel naŋg nee. Seḭ undaje bala gə ndɔje kára-kára lai No̰ oŋg’d lə njekula kəm loo ndòo, Mbata yeḛ saŋg loo gə mba tuji sí pugudu! See oŋg lə njekula kəm loo ndòo lé ɓa to ra wa.

Esai 52:9

Seḭ dɔ ndubaje gə́ Jerusalem gə́ tujije lé Ndubaje rɔ sí na̰’d gə pa rɔlel! Mbata Njesigənea̰ gɔl meḛ koso-dəwje ləa ləm, Yeḛ taa dɔ njé gə́ Jerusalem ləm tɔ.

Esai 62:12

D’a ɓar dee dəwje gə́ to gə kəmee Gə́ Njesigənea̰ uga dɔ dee. I ɓee gə́ Jerusalem kara d’a ɓari ɓee-boo Gə́ Ala unda dan kəmee’g Ɓó ɓee-boo gə́ yeḛ uba ya̰ bèe lé el.

Esai 63:16

Lée togə́bè kara i ɓa to bɔ síje Mbata Abrakam gər sí el ləm, Israɛl kara gər sí el ləm tɔ. I Njesigənea̰ ɓa to bɔ síje Un kudee ləw-ləw ba lé Rii lə njekoga dɔ sí.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Jeremi 31:3

Njesigənea̰ tɔjim rəa Loo gə́ əw’g ya pana: Ma ndigi sí gə meenoji gə́ to gə no̰, Gelee gə́ nee ɓa ma m’ar meemaji ləm To keneŋ mbata lə sí.

Jeremi 33:24

Ta gə́ dəwje nee pa pana: Gel-bɔje gə́ joo gə́ Njesigənea̰ mbər dee ɓa yeḛ tel uba dee ya̰ dee ɓəi lé see i oo el wa. Togə́bè ɓa deḛ d’ə̰ji koso-dəwje ləm bəḭ-bəḭ ɓó d’oo dee ne gə́ ginkoji dəwje el.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Nɔ̰-ndôo gə́ wɔji dɔ Jerusalem 3:57

Ndɔ gə́ ma m’no̰ m’ɓar ne rii lé I ree pər gə́ rɔm’g Ulam pana: Maji kam m’ɓəl el.

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Loo gə́ killa rea kəm Daniel’g 10:19

Tɔɓəi yeḛ ulam pana: I gə́ Ala undai dan kəmee’g lé maji kari ɓəl el ləm, si gə meelɔm ləma, wa rɔi kɔgərɔ wa diŋgam məəi’g ləm tɔ! Loo gə́ yeḛ si ulam ta bèe-bèe ndá siŋgam tel ree rɔm’g am m’pana: Maji kar mbai ləm pata ya mbata i am siŋgam mba̰ ya.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Malasi 3:17

Njesigənea̰ gə́ njeboo-néje lé pana: D’a to koso-dəwje gə́ to ka̰ ma ya mee ndəa gə́ m’wa dɔ gɔlee’g lé. M’a koo kəmtondoo lə dee to gə́ dəw oo ne kəmtondoo lə ŋgonee gə́ ra né aree bèe.

Néra Njékaḭkulaje 27:20

Ndɔ aḭ bula lé j’oo kəm kàr əsé gə kéréméje el tɔɓəi lel-boo ula kəmee gə́ kédé-kédé, ar meḛ sí pélé dɔ rɔ sí’g wəs-wəs m’pana: J’a kudu ɓó j’a kaji el.

Néra Njékaḭkulaje 27:25

Wah dəwje, gelee gə́ nee ɓa maji kar sí ilaje kaar sí més, mbata ma m’unda məəm yel dɔ Ala’g m’oo gao ta gə́ yeḛ ulam lé a kaw lée’g béréré ya.

Njé gə́ Epesə 2:10

Mbata jeḛ gə́ j’ɔm na̰’d gə Kristi lé jeḛ n’toje nékundaje lə Ala gə́ yeḛ unda sí mba kar sí n’ra ne néraje gə́ maji gə́ Ala nja wa dəa gɔl-gɔl kédé mba kar sí n’raje.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

Tel tura Godndu 32:6

Mbə-dəwje gə́ kəmkàr na sí tas See néraje gə́ togə́bè ɓa Seḭ waje ilaje dɔ Njesigənea̰’g wa. See yeḛ to bɔ síje gə́ njekunda sí el wa. See yeḛ nja ɓa gə́ njekunda sí Kar sí síje kəmba lé el wa.

Tel tura Godndu 32:9

Mbata né lə Njesigənea̰ lé To koso-dəwje ləa, Jakob lé ɓa to nénduba ləa tɔ.

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.