Esai 42:6 - Maktub gə́ To gə Kəmee

⁶ Ma Njesigənea̰ m’ɓari Mba kari ra néra gə́ gə dɔ najee. M’a kwa jii ləm, M’a ŋgəmi ləma, M’a kundai gə́ némanrɔ Gə́ m’a man ne rɔm kar koso-dəwje ləm tɔ Gə mba kari to lookàr lə ginkoji dəwje gə raŋg.

Esai 42:6 ပူးပေါင်းရင်းမြစ်များ

Esai 26:3

Yeḛ gə́ aar njaŋg dɔ néje gə́ yeḛ wɔji ɔm ne mée dɔ’g lé I aree meekulɔm gə́ ɔr njal Mbata yeḛ ɔm mée jəb-jəb dɔi’g ya.

Esai 27:3

Ma Njesigənea̰ m’to gə́ njeŋgəmee, Ma m’saga mán dɔ’g ta-ta Nà dəw a ree tujee, Ma m’ŋgəm loondul’g gə dan kàrá.

Esai 32:1

Togə́bè mbai a ko̰ɓee gə néra gə́ gə dɔ najee ləm, Mbaije kara d’a ko̰ɓee gə goo rəbee ləm tɔ.

Esai 41:13

Mbata ma m’to Ala lə sí gə́ Njesigənea̰ Gə́ m’ar jikɔl sí to kɔgərɔ-kɔgərɔ. Ma m’to yeḛ gə́ ula sí pana: Ɓəlje el, M’a la sə sí lé ya.

Esai 41:2

See na̰ ɓa ar dəw gə́ njekur dɔ loo’g unda loo bər teḛ, Yeḛ gə́ ndu kaji ɓar gée’g lé wa. See na̰ ɓa ɔm ginkoji dəwje gə raŋg jia’g ləm, Ar mbaije d’ula dɔ dee nea̰’g ləm tɔ wa. See na̰ ɓa ar kiambas lə dee tel nduji naŋg ləm, Ar ɓandaŋgje lə dee tel to ləm mu gə́ lel ula ne bèe ləm tɔ wa.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Esai 43:1

Nɛ ɓasinè Njesigənea̰, yeḛ gə́ njekunda sí-seḭ njé’g lə Jakob ləm, Gə yeḛ gə́ njekuba sí-seḭ Israɛlje ləm tɔ lé Pa togə́bè pana: Maji kar sí ɓəlje el Mbata ma nja m’uga dɔ sí, Ma m’ɓar sí gə ri sí Ndá seḭ toje kamaje ya!

Esai 45:1

Njesigənea̰ pata togə́bè ar Sirus gə́ yeḛ wa dəa gə ubu lé Yeḛ gə́ yeḛ wá jikɔlee’g Gə mba kunda ne ginkoji dəwje gə raŋg naŋg nea̰’g ləm, Gə mba tudu ne mina-mbai reŋ mbaije’g ləma, Gə mba kɔr tarəwkɔgje karee Kar dəw kára kara a kudu tarəwje lé el ləm tɔ pana:

Esai 45:13

Ma ɓa m’ar Sirus ḭ gə goo meekarabasur ləm Ndá m’a gɔl rəwje ləa lai kar dee d’asəna rai-rai, Yeḛ a tel gɔl ɓee-boo ləm gogo ləm, Yeḛ a kɔr ɓər dɔ dəwje’g Gə́ d’wa dee gə́ ɓər lé ləm tɔ Lal dəji nékoga dɔ dee ləm, Lal dəji néndogo-gel ləm tɔ, Njesigənea̰ gə́ njeboo-néje ɓa pa bèe.

Esai 49:6

Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Esai 49:8

Njesigənea̰ pa togə́bè pana: Ndɔ noji’g lé m’a koo ndu sí ləm, Ndɔ kaji’g lé m’a la sə sí ləm tɔ, M’a ŋgəm sí ləm, m’a tel sí gə́ nékɔm gə ginkoji dəwje lé na̰’d ləm tɔ Gə mba tel kun ne ɓee kuree tar ləm, Mba kai ne nénduba gə́ tuji kar sí gogo lé ləm tɔ,

Jeremi 12:16

Ɓó lé deḛ ndoo panjaa koso-dəwje lə neḛ ləm, ɓó lé deḛ manrɔ dee gə ri neḛ pa ne pana: Njesigənea̰ to Njesikəmba to gə́ deḛ ndoo koso-dəwje lə neḛ d’ar dee manrɔ dee gə ri Baal ləm tɔ lé ndá d’a si dan rɔlel’g mbuna koso-dəwje’g lə neḛ ya.

Matiyo 26:28

mbata yee neelé to məsm, yee to məs manrɔ gə́ ula dɔ naŋg nee mbata lə dəwje bula-bula gə nékoga kaiyaje tɔ.

Lugu 2:32

Yee neelé to lookàr gə́ a ndogó jol-jol dɔ ginkoji dəwje gə raŋg’g ləm, A kula rɔnduba dɔ koso-dəwje ləi gə́ Israɛl lé ləm tɔ.

Tagə́maji gə́ Ja̰ ndang 8:12

Jeju un ta gə́ raŋg ula dee pana: Ma m’to lookàr lə njé gə́ naŋg nee. Yeḛ gə́ un rəw goom’g ndá a njaa loondul’g el nɛ yeḛ a nai dan lookàr’g gə́ ka̰ si ne gə kəmə lé.

Néra Njékaḭkulaje 13:47

Mbata Mbaidɔmbaije un ndia ar sí togə́bè pana: Neḛ n’undai gə́ lookàr lə ginkoji dəwje gə raŋg Mba kari un ta kaji lé aw ne saar teḛ ne gwɔi naŋg’d.

Néra Njékaḭkulaje 26:23

Deḛje neelé pana: Kristi lé némeeko̰ a gə rəa ləm, yeḛ nja a to dəw gə́ doŋgɔr gə́ a teḛ dan njé gə́ d’wəi’g ləma, yeḛ nja a kila mber ta lə lookàr lé kar koso-dəwje ləm, ginkoji dəwje gə raŋg ləm tɔ.

2 Njé gə́ Kɔrḭtə 1:20

Mbata ndukunje lə Ala lai lé to ne njaŋg tɔ. Gelee gə́ nee ɓa jeḛ m’pa gə ria-yeḛ m’pana: Amen, j’ula ne rɔnduba dɔ Ala’g lé.

Ǝbrəje 12:24

gə́ rɔ Jeju gə́ to njekaar dana loo manrɔ gə́ sigi’g lé ləma, gə́ rɔ məs gə́ saga gə́ ɓar yaa̰ unda ka̰ Abel’g lé ləm tɔ.

Ǝbrəje 13:20

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé

Ǝbrəje 7:2

Abrakam lé kai nébanrɔje lé kudu dɔg ɓa un təa kára ar Melkisedek. Melkisedek lé to mbai gə́ ka̰ meekarabasur gə goo gin ria-yeḛ nja ləm, yeḛ to mbai gə́ Salem, yee ɓa wɔji dɔ mbai gə́ njekar dəwje d’isi gə meekulɔm ləm tɔ.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

Ǝbrəje 8:6

Nɛ ɓasinè lé Kristi iŋga mbai-kula gə́ ur dɔ yeḛ gə́ kédé mbata yeḛ to njekaar dana loo manrɔ gə́ maji ur dɔ nje gə́ kédé ləm, manrɔ neelé tum gelee dɔ ndukun gə́ maji undá ləm tɔ.

Ǝbrəje 9:15

Togə́bè ɓa, yeḛ to ne njekaar dana gə goo manrɔ gə́ sigi lé mba kar deḛ gə́ deḛ ɓar dee lé d’a kwa səa nénduba gə́ to gə no̰ gə goo ndukun gə́ Ala un ar dee. Mbata kwəi gə́ yeḛ wəi lé yeḛ udu ne kəm kalta lə dee gə́ d’al ne dɔ manrɔ gə́ dɔtar lé.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.