Esai 42:3 - Maktub gə́ To gə Kəmee

³ Ŋgawlal gə́ mbəl lé yeḛ a korè tɔ el ləm, Kúla pər gə́ o̰ jḛ̀ lé kara Yeḛ a kunda tɔl el ləm tɔ, Yeḛ a kila mber ta gə́ to gə dɔ najee gə goo kankəmta.

Esai 42:3 ပူးပေါင်းရင်းမြစ်များ

Pakɔsje 147:3

Yeḛ aji deḛ gə́ ɓəŋgərə dee ti dus ləm, Yeḛ tɔ ta dooje lə dee ləm tɔ.

Pakɔsje 54:5

Mbata dəwje gə́ d’ḭ raŋg lé d’ḭ səm, Gayim-dəwje kara ndigi tujim to Ɓó d’ə̰ji ta meḛ dee’g teḛ ne dɔ Ala’g lé el.

Pakɔsje 94:15

Mbata rəwta-gaŋg lé a kaw na̰’d gə néra gə dɔ najee ləm, Deḛ lai gə́ meḛ dee to kára ba sur lé D’a ndigi səa dɔ’g ya ləm tɔ.

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Esai 2:4

Yeḛ a to njegaŋ-rəwta dɔ ginkoji dəwje gə raŋg’g ləm, Yeḛ a to njekaar-dana mbuna koso-dəwje’g bula ləm, Kiambasje lə dee ɓa d’a tel kila gə́ kwɔs-paŋgmje ləma, Niŋga-ndəije lə dee ɓa d’a tel ra gə́ marmje ləm tɔ. Ginkoji dəwje gə́ gel kára d’a kun kiambas Rɔ ne gə ginkoji dəwje gə́ raŋg el ləm, D’a ndoo loo-rɔ el ləm tɔ.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 42:2

Yeḛ a ra né ɓəgəgə-ɓəgəgə el ləm, Ndia a ɓar wəl-wəl el ləma, Yeḛ a ra né kar dee d’oo ndia mba̰-rəwje’g el ləm tɔ.

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Esai 50:4

Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 31:25

Mbata yeḛ gə́ ɔr kɔd-kɔd lé m’a karee siŋgá ləm, nana ɓa gə́ unda ndolè kara m’a karee né gə́ yeḛ aw ndée ləm tɔ.

Ejekel 34:16

Yeḛ gə́ igi lé n’a saŋgee ləm, yeḛ gə́ ndəm lé kara n’a ndolee ree səa ləm, yeḛ gə́ iŋga doo lé n’a tɔ ta doo ləa ləma, yeḛ gə́ rəa tée lé n’a kar siŋgá ḭ dɔ maree’g ləm tɔ. Nɛ deḛ gə́ rɔ dee to ndəb-ndəb gə́ to njésiŋgaje lé n’a kar dee godo. Neḛ ndigi kul dee gə goo rəbee sur.

Misee 7:9

Jeḛ j’waje meḛ sí mbidi n’tije dɔ oŋg’d lə Njesigənea̰ Mbata jeḛ n’raje kaiya j’ɔsje ne ta ləa rəw ya, Saar loo gə́ yeḛ a koso gel sí’g Kɔr ne ta lə sí gə goo rəbee lé Yeḛ a kɔr no̰ sí teḛ sə sí dan lookàr’g ləa Ndá j’a kooje néra gə́ gə dɔ najee ləa.

Matiyo 11:28

Reeje rɔm’g, seḭ gə́ nékodo gə́ wɔi to dɔ sí’g ar sí daoje ne ɓa m’a kun dɔ sí’g.

Matiyo 12:20

Ŋgawlal gə́ mbəl lé yeḛ a korè tɔ el ləm, Kúla pər gə́ o̰ jḛ̀ lé kara yeḛ a kunda tɔl el ləm tɔ Saar mba kar ta gə́ to gə dɔ najee a dum ne dɔ loo dɔ naŋg nee ya.

Tagə́maji gə́ Ja̰ ndang 20:27

Tɔɓəi yeḛ tel ula Tomas pana: Maji kari ula ŋgaw jii gə́ kédé oo ne jim ləm, ula ŋgaw jii gə́ kédé gə́ ŋgel məəm’g oo ne ləm tɔ, ɓó gə əw ne rɔi maḭta ləi ɔm ne məəi dɔ’g.

Tagə́maji gə́ Ja̰ ndang 5:30

Ma m’askəm ra né kára kara gə dɔrɔm el, nɛ torndu né gə́ ma m’oo gə mbim ɓa m’gaŋg ne rəwta ɓəi. Rəwta gə́ ma m’gaŋg lé to gə dɔ najee ya mbata né gə́ mee njekulam wɔji ɓa ma m’ra ɓó ma m’ra né gə́ məəm-ma ɓa wɔji el.

Loo gə́ killa rea kəm Ja̰’g 19:11

Tɔɓəi ma m’oo kəm dara teḛ ndá aa ooje, kunda-dɔmal teḛ keneŋ. Yeḛ gə́ njekubá lé ria lə Ŋgonkoji ləm, gə Kankəmta ləm tɔ ndá rəwta gə́ yeḛ gaŋg ləm, gə rɔ gə́ yeḛ rɔ ləm tɔ lé to gə dɔ najee ya.