Esai 42:22 - Maktub gə́ To gə Kəmee

²² Nɛ deḛ to dəwje Gə́ d’unda dee banrɔ taa néje lə dee! Deḛ tɔ deḛ lai gə kúla larje D’ɔm dee mee bolè mbalje’g ləm, D’ula dee mee duu-looje’g ləm tɔ. Deḛ d’unda dee banrɔ Ar dəw kára kara gə́ njetaa dɔ dee godo!

Esai 42:22 ပူးပေါင်းရင်းမြစ်များ

Pakɔsje 102:20

Mbata yeḛ si loo ləa gə́ to tar sab gə́ wɔji dɔ meenda ləa Aa ne loo gərərə ləm, Njesigənea̰ lé si sém dara gə́ tar nu ya Ila kəmee oo ne loo gə́ dɔ naŋg nee ləm tɔ

Pakɔsje 50:22

Seḭ gə́ meḛ sí wəi dɔ Ala’g lé Maji kar sí undaje kəmkàr dɔ rɔ sí’g Nà n’a kḭ ti sí ne mbidi-mbidi Lal kar dəw kára kara ɔr sí ila sí tar.

Esai 1:7

Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 14:17

Gə njekar dɔ naŋg tel to gə́ dɔ nduba ləm, Gə njetuji ɓee-booje ləma, Gə njekɔr dəwje gə́ yeḛ wa dee gə́ ɓər lé Kɔm dee tar el ləm tɔ lé el wa.

Esai 18:2

I gə́ ula njékaḭkulaje Gə rəw gə́ dan baa-boo-kad’g Gə toje gə́ d’ɔs dee gə mu ŋgawlal Gə́ to dɔ mán’d pana: Awje, seḭ njékaḭkulaje gə́ njérɔkwɔilɔje, Awje gə́ rɔ ginkoji dəwje gə́ to ɓəl kədm-kədm’g ləm, Gə́ rɔ dee to kɔgərɔ-kɔgərɔ ləm tɔ, Awje rɔ dəwje gə́ to ɓəl kədm-kədm’g Un kudee ləw ba gə́ deḛ d’isi ne ləm, Rɔ ginkoji dəwje gə́ to njésiŋgamoŋje Gə́ to njétuji néje lai ləma, Deḛ gə ɓeeje lə dee lé mán baaje unda dee dana gaŋg dee ləm tɔ.

Esai 24:18

Yeḛ gə́ aḭ no̰ kaa ɓəl-boo’g neelé ndá Oso mee bwa’g. Yeḛ gə́ unda loo mee bwa’g teḛ ndá Oso gum’g tɔ, Mbata kəm dara ɔr wuyum gə mán ləm, Gel naŋg nee yə ɓugu-ɓugu ləm tɔ.

Esai 24:22

D’a mbo̰ dee dɔ na̰’d to gə́ daŋgaije gə́ d’wa dee d’ɔm dee kəi-daŋgai’g bèe ləm, d’a kudu dee mee bwa gə́ ɔr duu’g ləm tɔ, ndá loo gə́ ndɔ bula dəs ndá bo̰ néra dee a kɔs ta dee’g ya.

Esai 24:3

Ɓee a tel to dɔ nduba gə́ d’undá banrɔ, Mbata Njesigənea̰ wɔji togə́bè mba̰.

Esai 36:1

Mee ləb gə́ njekɔm’g dɔg-giree-sɔ gə́ Ejekias to ne mbai lé Sa̰kɛrib, mbai gə́ Asiri ḭ rɔ gə ɓee-booje lai gə́ to Juda gə́ siŋga dee tɔ ndá yeḛ dum dee.

Esai 42:23

See na̰ ɓa mbuna sí’g a kur mbia njor Dɔ ta néje’g neelé wa. See na̰ ɓa a ndigi si gèŋ Ndɔ gə́ raŋg’d gə mba koo ta wa.

Esai 42:7

Gə mba kar kəm njékəmtɔje teḛ ləm, Gə mba kar deḛ gə́ d’wa dee ɓər lé D’unda loo teḛ ləma, Kar deḛ gə́ d’udu dee duu-loo gə́ loondul’g lé D’unda loo teḛ ləm tɔ.

Esai 45:13

Ma ɓa m’ar Sirus ḭ gə goo meekarabasur ləm Ndá m’a gɔl rəwje ləa lai kar dee d’asəna rai-rai, Yeḛ a tel gɔl ɓee-boo ləm gogo ləm, Yeḛ a kɔr ɓər dɔ dəwje’g Gə́ d’wa dee gə́ ɓər lé ləm tɔ Lal dəji nékoga dɔ dee ləm, Lal dəji néndogo-gel ləm tɔ, Njesigənea̰ gə́ njeboo-néje ɓa pa bèe.

Esai 5:29

Ndu no̰ lə dee to asəna gə ndu no̰ lə ko̰ toboḭ bèe ləm, Deḛ no̰ to gə́ ŋgan toboḭje ləma, D’inja miḭ d’wa né ndá ndɔree d’aw ne D’ar dəw kára kara taa ji dee’g el ləm tɔ.

Esai 51:23

M’a kulá ji deḛ gə́ to njékula kəm sí ndooje’g, Deḛ gə́ d’ula sí kédé pana: Rogoje naŋg ar sí njaaje dɔ sí’g! Seḭ a telje gir sí kaareeje To asəna gə naŋg bèe ləm, Asəna gə kila-rəw gə́ dəwje njaa keneŋ bèe ləm tɔ.

Esai 56:9

Seḭ daje lai gə́ mee wala’g, Gə daje lai gə́ mee kag-kɔr’g, Gə́ reeje sɔje!

Jeremi 50:17

Israɛl lé to ŋgon badə gə́ ndəm Gə́ toboḭje tuba gée, Mbai gə́ Asiri ɓa gə́ njesɔ dakasee kédé, yeḛ gə́ rudu lé to Nebukadnesar, mbai gə́ Babilɔn ndá yeḛ təd siŋga rém-rém.

Jeremi 52:31

Ləb gə́ njekɔm’g rɔ-munda-giree-siri gə́ Jojakḭ, mbai gə́ Juda si ne ɓee-ɓər’g lé naḭ gə́ njekɔm’g dɔg-giree-joo, ra ndɔ rɔ-joo-giree-mi ndá Ebil-Merodak, mbai gə́ Babilɔn ra meemaji gə Jojakḭ, mbai gə́ Juda ɔree kəi-daŋgai’g mee ləb ko̰ɓee’g ləa gə́ dɔtar ilá tar.