Esai 42:19 - Maktub gə́ To gə Kəmee

¹⁹ See na̰ ɓa gə́ njekəmtɔ wa, See to gə́ kura ləm el wa. Esé na̰ ɓa to njembikudu Asəna gə njekaḭkula ləm gə́ m’ulá lé wa. See na̰ ɓa to njekəmtɔ to gə́ baokura lə Ala Esé to njekəmtɔ asəna gə kura lə Njesigənea̰ lé wa.

Esai 42:19 ပူးပေါင်းရင်းမြစ်များ

Esai 26:3

Yeḛ gə́ aar njaŋg dɔ néje gə́ yeḛ wɔji ɔm ne mée dɔ’g lé I aree meekulɔm gə́ ɔr njal Mbata yeḛ ɔm mée jəb-jəb dɔi’g ya.

Esai 27:5

Nɛ deḛ gə́ d’oom gə́ njo̰loo-kula-dɔ lə dee Gə́ d’ɔm səm na̰’d gə meekulɔm lé Oiyo! deḛ gə́ d’ɔm səm na̰’d gə meekulɔm lé Ndá m’a ra sə dee bèe el.

Esai 29:18

Mee ndəa’g neelé njémbikuduje d’a koo ta Gə́ to mee maktub’g gə mbi dee ləm, Njékəmtɔje gə́ d’oo loo el lé D’a kunda ne loo mee loo gə́ ndul njudu-njudu’g teḛ ləm tɔ.

Esai 41:8

Nɛ seḭ Israɛlje gə́ toje kuraje ləm, Seḭ ŋgaka Jakob gə́ ma m’ɔr sí, Seḭ ŋgaka Abrakam gə́ m’unda sí dan kəm’g lé.

Esai 43:8

Deḛ gə́ kəm dee to keneŋ Nɛ d’oo loo el ləm, Gə deḛ gə́ mbi dee to keneŋ Nɛ d’oo ne ta el ləm tɔ lé Maji kar dee d’unda loo teḛ raga.

Esai 44:26

Ta gə́ kura ləm pa lé m’aree to njaŋg, Deḛ gə́ m’ula dee lé M’ar ta gə́ deḛ pa lé aw lée’g béréré, Ma m’pata m’wɔji dɔ Jerusalem m’pana: Dəwje d’a tel si keneŋ ɓəi ləm, M’pata wɔji dɔ ɓee-booje gə́ Juda m’pana: D’a tel gɔl dee gogo ləma, Dɔ nduba lə dee lé M’a kar dee tel d’unda gogo ləm tɔ.

Esai 56:10

Njékaa dɔ Israɛlje lai to gə́ njékəmtɔje Gə́ lal gosonégər, Deḛ lai to bisije gə́ gwɔb dee udu Gə́ d’askəm ro el, Deḛ to gə́ njénije Gə́ to naŋg ləm, D’unda ɓi ɓa dan kəm dee’g ləm tɔ.

Esai 6:9

Yen ŋga yeḛ pana: Maji kam m’aw ndá m’ula koso-dəwje neelé m’pana: Seḭ a kooje gə mbi sí ya Nɛ a ɓar mbi sí’d gə́ ɓar Ɓó a gərje ginee el ləm, Seḭ a kooje gə kəm sí ya Nɛ a kaaje gə́ kaa mbə̰ ləm tɔ.

Jeremi 4:22

Tɔgərɔ ya, koso-dəwje ləm tɔ mbəje, Deḛ gərm el, Deḛ to ŋganje gə́ dɔ dee godo Ar gosonégər lal dee, Kəm dee àr dɔ néra gə́ majel’g ɓa Néra gə́ maji ndá deḛ gər loo rəa el.

Jeremi 5:21

Ooje ta nee, Seḭ koso-dəwje gə́ gosonégər lal sí! Kəm sí to gən nɛ seḭ ooje ne loo el ləm, Mbi sí to gən nɛ seḭ ooje ne ta el ləm tɔ.

Ejekel 12:2

Ma ŋgon-dəw lé m’isi mbuna dəwje gə́ to njékɔsta-rəwje gə́ kəm dee to keneŋ mba kar dee d’oo ne loo ya nɛ d’oo ne loo el ləm, mbi dee to keneŋ mba kar dee d’oo ne ta ya nɛ d’oo ne ta el ləm tɔ, mbata deḛ to gel-bɔje gə́ to njékɔsta-rəwje.

Matiyo 13:13

Togə́bè ɓa ma m’ula dee ta gə gosotaje mbata d’oo ya nɛ d’aa gə́ kaa mbə̰ ləm, deḛ d’oo ya nɛ ɓar mbi dee’g gə́ ɓar koo ɓó gər ginee el ləm tɔ.

Tagə́maji gə́ Ja̰ ndang 12:40

Yeḛ ar kəm dee tɔ sum-sum ləm, Yeḛ ɔm meendər dɔ dee’g ləm tɔ, Ɓa nà d’a koo gə kəm dee ləm, D’a kḛji meḛ dee’g gər ginee ləma, D’a kɔs badm tel kam m’aji dee ləm tɔ.

Tagə́maji gə́ Ja̰ ndang 9:39

Yen ŋga Jeju ulá pana: Ma lé m’ree naŋg nee mba gaŋg rəwta loo kára ba sur mba kar njé gə́ d’oo loo el d’oo loo ləm, mba kar deḛ gə́ d’oo loo lé tel to njékəmtɔje ləm tɔ.

Tagə́maji gə́ Ja̰ ndang 9:41

Jeju ila dee’g pana: Ɓó lé seḭ toje njékəmtɔje ndá kaiya a godo dɔ sí’g. Nɛ ɓasinè to gə́ seḭ pajena seḭ ooje loo. Yee ɓa ta kaiya wa dɔ sí njaŋg ya ɓəi.

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

2 Njé gə́ Kɔrḭtə 4:4

Deḛ gə́ meḛ dee ndər dɔ kɔs Ala rəw’g lé njetaa loo-kɔg gə́ dɔ naŋg nee ɓasinè lé yeḛ nja tɔ kəm dee wə-wə nà Tagə́maji gə́ wɔji dɔ rɔnduba lə Kristi gə́ njekɔr rɔ Ala pai-pai lé a ndogó no̰ dee’g.