Esai 42:16 - Maktub gə́ To gə Kəmee

¹⁶ M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 42:16 ပူးပေါင်းရင်းမြစ်များ

Pakɔsje 94:14

Mbata Njesigənea̰ lé Uba dəwje ləa lé ya̰ dee el ləm, Deḛ gə́ to nédɔji ləa lé kara Yeḛ uba dee ya̰ dee gə goo ŋgalee el ləm tɔ

Njekillamber 1:15

Né gə́ rugu lé askəm ndɔji rəa karee aar dana el ləm, né gə́ godo lé loo tura godo ləm tɔ.

Njekillamber 7:13

Tə̰ kula ra Ala oo: See na̰ ɓa askəm ndɔji né gə́ Ala aree rugu lé wa.

Esai 26:7

Rəw-kaw njemeekarabasur lé to danasur, I gə́ to njemeekarabasur lé I gɔl kila rəw lə njemeekarabasur aree asəna rai-rai.

Esai 29:18

Mee ndəa’g neelé njémbikuduje d’a koo ta Gə́ to mee maktub’g gə mbi dee ləm, Njékəmtɔje gə́ d’oo loo el lé D’a kunda ne loo mee loo gə́ ndul njudu-njudu’g teḛ ləm tɔ.

Esai 29:24

Deḛ gə́ takə̰ji lə dee gə́ àr godo lé D’a tel to njégosonégərje ləm, Deḛ gə́ njejémta gə ŋgan gwɔs deeje lé kara D’a kya̰ rɔ dee kar dee ndoo dee né ləm tɔ.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 30:21

Loo gə́ seḭ a gə kawje dɔkɔl əsé dɔgel ndá Mbi sí a koo ndu gə́ ɓar goo sí’g gogo pana: Aa ooje, rəw ɓa nee, njaaje keneŋ!

Esai 32:3

Deḛ gə́ d’oo loo lé Kəm dee a tel libi el ŋga ləm, Deḛ gə́ d’oo ta lé D’a kur mbi dee gèŋ ləm tɔ.

Esai 35:5

Yen ɓa kəm njékəmtɔje a kinja ləm, Mbi njémbikuduje kara d’a kinja bərəŋ ləm tɔ,

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Esai 40:4

Maji kar kəm godə wəlje lai lé tula ləm, Maji kar mbalje gə dɔdərlooje lai lé pugudu naŋg pugudu-pugudu ləm tɔ! Maji kar kila-rəwje gə́ nduni koŋ-koŋ lé Tel d’aar dana njoroŋ ləma, Kar dee gɔl rəwje gə́ to guduru-guduru D’ar dee tel d’asəna rai-rai ləm tɔ.

Esai 41:17

Njénékəmndooje gə njéndooje lé Saŋg mán ndá d’iŋga el, Ta dee tudu kurum-kurum Mbata kṵdaman gə́ tɔl dee Ndá ma Njesigənea̰ m’a koo ndu no̰ lə dee, Ma Ala lə Israɛlje m’a kuba dee kya̰ dee nda̰ el.

Esai 41:3

Yeḛ tuba goo dee dəs gə́ majee aw Gə rəw gə́ yeḛ ila gɔlee keneŋ gɔl kára el ɓəi.

Esai 45:2

M’a njaa nɔḭ’g ləm, M’a gɔl rəwje gə́ dɔ mbal’g kar dee d’asəna rai-rai ləm, M’a təd tarəwkəije gə́ ra gə lar gə́ kas lé rém-rém ləma, M’a təd kag larndulje kərm-kərm ləm tɔ.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Esai 52:12

Maji kar sí undaje loo teḛje gə kaar gəd el ləm, Gə teḛje gə ŋgwɔd el ləm tɔ, Mbata Njesigənea̰ a kaw no̰ sí’g ləm, Yeḛ gə́ to Ala lə Israɛlje a korè goo sí ndəŋ ləm tɔ.

Esai 54:13

Ŋganije lai gə́ diŋgam lé D’a to njekwakila Njesigənea̰-je ləm, Némajije d’a daa na̰ rɔ ŋganije’g lé rib-rib ləm tɔ.

Esai 58:10

Ɓó lé i un né ləi gə́ i sí ne kəmba Ar yeḛ gə́ ɓó tɔlee ləm, Ɓó lé i ar mee njendoo ndan tub ləm tɔ ndá Ndogó ləi a ndogó jol-jol loondul’g ləm, Loondulje ləi lé D’a to asəna gə kàr gə́ aar daŋdɔ bèe ləm tɔ.

Esai 62:12

D’a ɓar dee dəwje gə́ to gə kəmee Gə́ Njesigənea̰ uga dɔ dee. I ɓee gə́ Jerusalem kara d’a ɓari ɓee-boo Gə́ Ala unda dan kəmee’g Ɓó ɓee-boo gə́ yeḛ uba ya̰ bèe lé el.

Ejekel 14:23

Deḛ d’a gɔl meḛ sí loo gə́ seḭ a kooje panjaa deeje ləm, gə kula ra deeje ləm tɔ ndá seḭ a gərje ne to gə́ néje lai gə́ neḛ n’ra lé n’ra gə mḭdé ba el, Mbaidɔmbaije gə́ Njesigənea̰ ɓa pa bèe.

Ojee 2:14

N’a tuji kag-nduúje ləa gə kag-kodéje ləa gə́ yeḛ pa ne pana: To né gə́ njéto sə neḛje d’ar neḛ Gə́ nékoga dɔ ji neḛ lé! N’a kar dee tel to kag-kɔr Kar daje gə́ wala d’a sɔ lai-lai tɔ.

Ojee 2:6

N’a koo kəmtondoo lə ŋganeeje lé el Mbata deḛ to ŋganeeje gə́ to ŋgan kaiyaje

Amɔs 5:8

Yeḛ lé ra kéréméje Gə́ ɓar dee Ŋgama̰dje-gə́-siri gə Bisi-tɔb-talje ləm, Yeḛ ar loo gə́ ndul njudu-njudu lé Tel to loo gə́ a gə kàr ləm, Yeḛ ar lookàr lé kara tel to loondul ləma, Yeḛ ɓar manje mee baa-boo-kad’g Ar dee d’ər dɔ naŋg nee ləm tɔ lé Ria lə Njesigənea̰ ya.

Lugu 3:5

Kəm godə wəlje lai lé d’a tula ləm, Dɔ mbalje gə dɔdərlooje kara d’a pugudu naŋg pugudu-pugudu ləm tɔ. Kila rəwje gə́ nduni koŋ-koŋ lé d’a kar dee d’ar dana njoroŋ-njoroŋ ləm, Rəwje gə́ to guduru-guduru lé kara d’a gɔl dee yəg-yəg kar dee d’asəna rai-rai ləm tɔ.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

Njé gə́ Epesə 5:8

Kédé lé seḭ toje gə́ ka̰ loondul, nɛ ɓasinè seḭ ɔmje na̰’d gə Mbaidɔmbaije toje ne ka̰ lookàr ya. Bèe ndá njaaje asəna gə ŋgan lookàrje.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

Jujé 3:4

Nɛ mbuna sí-seḭ gə sa̰duk gə́ neelé seḭ a kya̰je pən-loo as kəmkil dəw tɔl-dɔg loo joo (2.000): seḭ a teḛje mbɔree’g dəb el. Yee nja a tɔji sí rəw gə́ kəm kar sí njaaje keneŋ mbata seḭ njaaje rəw’g neelé kédé el ɓəi.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.