Esai 42:12 - Maktub gə́ To gə Kəmee

¹² Maji kar dee d’ula rɔnduba dɔ Njesigənea̰’g ləm, Maji kar dee d’ila mber pidee dɔgoré-looje’g ləm tɔ.

Esai 42:12 ပူးပေါင်းရင်းမြစ်များ

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 66:2

Ɔsje pa ulaje ne rɔnduba dɔ ria’g ləm, Ɔsje gaji rɔnduba ləa gə pa pidije lə sí lé ləm tɔ.

Pakɔsje 97:1

Njesigənea̰ lé o̰ ɓee, Maji kar dɔ naŋg nee to dan boo-rɔkal’g ləm, Maji kar dɔgoré-looje gə́ bula lé d’al rɔ dee ya ləm tɔ.

Esai 12:4

Mee ndəa’g neelé seḭ a pajena: Pidije Njesigənea̰ ɓarje ne ria ləm, Ilaje mbər néreaje mbuna koso-dəwje’g Arje meḛ dee olé ne dɔ riɓar’g ləa ləm tɔ!

Esai 42:4

Mée a kila kas el ləm, Yeḛ a kya̰ gée yɔgɔ el ləm tɔ Saar karee tum gin né gə́ gə dɔ najee dɔ naŋg nee ləm, Saar kar koso-dəwje gə́ d’isi dɔgoré-looje’g D’unda meḛ dee yel dɔ godndia’g ləm tɔ.

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.

1 Samel 6:5

Maji kar sí raje néndajije gə́ to tana gə nékubaje lə sí ləm, gə yəgje gə́ njétuji ɓeeje lə sí ləm tɔ ndá ulaje ne rɔnduba dɔ Ala lə Israɛlje’g lé. Dɔmaji-nà yeḛ a kun jia gə́ wɔi ndiŋ-ndiŋ lé dɔ sí’g gə́ raŋg ləm, gə dɔ magəje’g lə sí ləma, gə dɔ ɓee’g lə sí ləm tɔ.