Esai 42:11 - Maktub gə́ To gə Kəmee

¹¹ Maji kar deḛ gə́ d’isi dɔdilaloo’g gə ɓee-booje ləa lé D’ɔr ndu gə́ tar ləm, Maji kar njé gə́ Kedar gə́ d’isi ɓee-kogoje’g lé D’ɔr ndu dee gə́ tar ləm tɔ! Maji kar dəwje gə́ d’isi dɔ mbalje’g lé D’al rɔ dee gə boo-rɔkal! Maji kar ndu kii rɔlel ɓar dɔ sém mbalje gə́ tar to!

Esai 42:11 ပူးပေါင်းရင်းမြစ်များ

Gḭ-Néje 25:23

Ndá Njesigənea̰ ulá pana: Ginkoji dəwje joo to məəi’g ləm, Gin dəwje joo gə́ d’a kḭ rɔi’g lé D’a kai na̰ ɓəd-ɓəd ləm tɔ. Siŋga yeḛ gə́ kára a kur dɔ maree’g Ndá yeḛ gə́ dəa ɔs naŋg kédé lé a kula dəa no̰ yeḛ gə́ ndɔḭ’g lé.

Pakɔsje 120:5

Kisi gə́ m’isi Mesek lé ləm, Gə kisi gə́ m’isi mbuna kəi-kubuje’g lə njé gə́ Kedar ləm tɔ lé Kəm to ne ndòo keneŋ yaa̰.

Esai 12:5

Ɔsje pa arje Njesigənea̰ Mbata néreaje gə́ maji dum lé: Maji kar dəwje lai dɔ naŋg nee gər ta nee.

Esai 16:1

Seḭje gə́ Moab, ulaje gə ŋgan badje Arje mbai gə́ Juda Gə́ si dɔ mbal gə́ Sio̰, Ar deeje d’ḭ sə dee Sela D’aw sə dee gə rəw gə́ dɔdilaloo’g.

Esai 21:16

Mbata Mbaidɔmbaije ulam togə́bè pana: Ləb nai kára ɓəi asəna gə ləb lə njekula lar bèe ndá rɔnduba lə Kedar lai a godo.

Esai 32:16

Bèe ɓa néra gə́ danasur a nai dɔdilaloo’g ləm, Néra gə́ gə dɔ najee a to loo-ndɔ gə́ maji kó’g lé ləm tɔ.

Esai 35:1

Dɔdilaloo gə ɓee gə́ tudu kurum-kurum d’a ra rɔlel, Ndag-mbo lé a si dan rɔlel’g ləm, A kidi lururu to gə́ pudu néje bèe ləm tɔ,

Esai 35:6

Yen ɓa njémədje d’a tal jagəra-jagəra To gə́ arkas bèe ləm, Ndo̰ njégwɔskuduje kara D’a ɗila gə rɔlel ləm tɔ. Mbata manje d’a kuba tir-tir dɔdilaloo’g ləm, Kəm-rəw-manje d’a kula ndag-mbo’g yal-yal ləm tɔ.

Esai 40:3

Ndu dəw ɓar pana: Gɔlje rəw lə Njesigənea̰ dɔdilaloo’g Gɔlje rəw mbata lə Ala lə sí Areeje to dana njoroŋ mee looje gə́ tudu kurum-kurum’g .

Esai 43:19

Aa ooje, m’a gə tum gin né gə́ sigi gə́ aw ree: See seḭ a gəreeje el wa. M’a ra rəw dɔdilaloo’g ləm, M’a kar mán baa to ndag-mbo’g ləm tɔ.

Esai 52:7

Dəw gə́ ḭ dɔ sém mbal’g ree ula sí tagə́maji ləm, Gə́ ila mber ta gə́ wɔji dɔ meekulɔm ləm, Yeḛ gə́ ula sí tagə́maji ləm, Gə́ ila mber ta gə́ wɔji dɔ kaji ləma, Yeḛ gə́ ula njé gə́ Sio̰ pana: Ala lə sí lé o̰ ɓee ləm tɔ lé Gɔlee to njam-njam.

Esai 60:7

Koso-nékulje lə njé gə́ Kedar D’a mbo̰ na̰ rɔi’g, Bàl badje lə njé gə́ Nebajot D’a to néra kula ləi, D’a kaw sə dee dɔ loo-nékinjaməs’g ləm ndá D’a taa kəm rəgm ləm, M’a kula rɔnduba dɔ kəi rɔnduba’g ləm ləm tɔ.

Jeremi 21:13

Njesigənea̰ pana: Aa ooje, seḭ gə́ síje ɓee-boo Gə́ to kəm wəl-loo’g Dɔ kɔr mbal gə́ ndag-loo’g lé Neḛ n’aw sə sí gə ta. To seḭ gə́ pajena: See na̰ ɓa a ree koma̰ sə sí wa, See na̰ ɓa a kandə kaw mee loo-si sí’g wa.

Jeremi 48:28

Ubaje ɓee-booje ya̰je Aw síje mbuna mbalje’g, Seḭ gə́ síje Moab lé! Maji kar sí toje asəna gə dərje Gə́ d’ula kəi lə dee kaar bolè mbalje’g.

Jeremi 49:16

Tɔji rɔ lə sí gə ti-rɔ lə sí To dɔɓəŋgərə sí’g ar sí ndəmje ne, Seḭ gə́ síje mbuna mbalje’g ləm, Gə́ síje sém dɔdərlooje’g lé ləm tɔ. Lée seḭ ulaje kəije lə sí tar To gə́ ka̰ niŋgatə̰də bèe kara M’a kɔs sí keneŋ piriŋ kila sí naŋg, Njesigənea̰ ɓa pa bèe.

Jeremi 49:31

Ḭje tar aw rɔje gə ginkoji dəwje Gə́ d’isi lɔm ləm, Gə d’isi gə́ majee ləm tɔ lé. Njesigənea̰ ɓa pa bèe. Tarəwkɔg lə dee godo ləm, Pəgərə tarəw lə dee godo ləma, Deḛ d’isi gə kar dee ba ləm tɔ.

Ejekel 27:21

Arabi bura gə mbaije lai gə́ njékaa dɔ dəb ɓeeko̰je gə́ Kedar lé seḭ sə deeje toje njéndogo gə na̰ néje. Deḛ ndogo səi né gə ŋgan badje gə bàl badje, gə bàl bya̰je.

Abdias 1:3

Ti gə́ i ti rɔi lé ɓa ari rəm ne ya, I gə́ ra ɓee mee bolè mbalje’g, I gə́ loo-sii to dɔ looje gə́ tar, I gə́ ula rɔi pana: See na̰ ɓa a kɔsi kalaŋ kilai naŋg wa lé,