Esai 41:26 - Maktub gə́ To gə Kəmee

²⁶ Un kudee ndɔ gə́ dɔtar lé See na̰ ɓa ila mber mba kar sí n’gərje wa. See na̰ ɓa ula sí taree kédé gə́ ləw Mba kar sí m’pajena: To né gə́ tɔgərɔ ya wa. Dəw kára kara ila mberee əsé pa taree kédé el ləm, Dəw kára kara oo taje lə sí el ləm tɔ.

Esai 41:26 ပူးပေါင်းရင်းမြစ်များ

Esai 41:22

Maji kar dee teḛ gə taree gə́ raga d’ula sí Né gə́ a gə teḛ. See ta gə́ seḭ paje taree ləw Gə́ wɔji dɔ néje gə́ d’a gə ree lé to ban wa. Paje mba kar sí j’unda ne kəmkàr dɔ rɔ sí’g Gə mba kar sí n’gərje loo gə́ née teḛ, Esé paje ta né gə́ a gə teḛ Ndɔ gə́ gogo ar sí j’ooje.

Esai 41:4

See na̰ ɓa ra néje neelé Ar dee d’aw lée’g béréré-béréré wa. To yeḛ nja ɓa ɓar ginka dəwje-dəwje kédé gə́ dɔtar. Ma Njesigənea̰ ya m’to yeḛ gə́ dɔtar ləm, M’a to yeḛ gə́ rudu ləm tɔ.

Esai 43:9

Maji kar ginkoji dəwje gə raŋg lai mbo̰ dɔ na̰ ləm, Kar koso-dəwje kara d’wa dɔ na̰ ləm tɔ. See na̰ ɓa mbuna dee’g Pa ta néje neelé kédé wa. See njé gə́ ra ɓa d’ar sí j’oo Ta gə́ wɔji dɔ néje gə́ d’a gə ree lé dɔtar wa. Maji kar dee teḛ gə njékɔrgootaje lə dee Mba tɔji sí to gə́ tapa dee to lée’g, Maji kar dee d’oo ndá Ar dee pa pana: To tɔgərɔ ya!

Esai 44:7

See na̰ ɓa pata néje gə́ d’a gə ree kédé To gə́ ma m’pa ne taree Un kudee mee ndəa’g m’unda ne dəwje gə́ ləw lé wa. Maji karee pa taree am m’oo! Maji karee pata néje gə́ nai no̰ sí’g ləm, Gə néje gə́ d’a gə ree gogo lé ləm tɔ.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Esai 46:9

Arje meḛ sí olé dɔ néje gə́ dəs’g Mee ndəaje gə́ ləw’g lé Mbata ma m’to Ala Ɓó yeḛ gə́ njekorè dɔm-ma’g godo, Ma m’to Ala Ɓó yeḛ gə́ njetana səm kára kara godo ya saar.