Esai 41:25 - Maktub gə́ To gə Kəmee

²⁵ Ma m’ɓar dəw kára par gə́ dɔgel Ndá yeḛ si ree ya, Loo-kuba’g lə kàr lé deḛ ɓar ria keneŋ, Yeḛ mbula njésiŋgamoŋje naŋg To gə́ mbula ne bɔrɔ bèe ləm, To gə́ njekubajo mbɔḭ ne a̰ji bèe ləm tɔ.

Esai 41:25 ပူးပေါင်းရင်းမြစ်များ

2 Samel 22:43

Ma m’iri dee budu-budu M’ar dee to d’asəna gə babur bèe ləm, Ma m’təd dee mbɔḭ dee naŋg mbaji-mbaji Asəna gə bɔrɔ gə́ to rəbə bèe ləm tɔ.

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Esai 21:2

Némḭdi gə́ to ɓəl kədm-kədm inja kəm’g. Njekula kəm loo ndòo ula kəm loo ndòo ləm, Njetujiloo tuji loo ləm tɔ. Seḭje gə́ Elam, ɔrje rɔ rɔje! Seḭje gə́ Médi, aḭje dɔ ɓee-boo sub gə rɔ! M’a kar tuma̰ rɔ ŋgururu-ŋgururu lə dəwje godo lai.

Esai 41:2

See na̰ ɓa ar dəw gə́ njekur dɔ loo’g unda loo bər teḛ, Yeḛ gə́ ndu kaji ɓar gée’g lé wa. See na̰ ɓa ɔm ginkoji dəwje gə raŋg jia’g ləm, Ar mbaije d’ula dɔ dee nea̰’g ləm tɔ wa. See na̰ ɓa ar kiambas lə dee tel nduji naŋg ləm, Ar ɓandaŋgje lə dee tel to ləm mu gə́ lel ula ne bèe ləm tɔ wa.

Esai 44:28

Ma m’pata wɔji dɔ Sirus m’pana: Yeḛ to gə́ njekulbadje ləm, Yeḛ a ra torndum karee aw lée’g béréré, Yeḛ a pata kwɔji dɔ Jerusalem pana: Maji kar dee tel gɔlee gogo! Tɔɓəi yeḛ a pata kwɔji ne dɔ kəi gə́ to gə kəmee pana: Maji kar dee tel tum gelee gogo!

Esai 45:1

Njesigənea̰ pata togə́bè ar Sirus gə́ yeḛ wa dəa gə ubu lé Yeḛ gə́ yeḛ wá jikɔlee’g Gə mba kunda ne ginkoji dəwje gə raŋg naŋg nea̰’g ləm, Gə mba tudu ne mina-mbai reŋ mbaije’g ləma, Gə mba kɔr tarəwkɔgje karee Kar dəw kára kara a kudu tarəwje lé el ləm tɔ pana:

Esai 45:13

Ma ɓa m’ar Sirus ḭ gə goo meekarabasur ləm Ndá m’a gɔl rəwje ləa lai kar dee d’asəna rai-rai, Yeḛ a tel gɔl ɓee-boo ləm gogo ləm, Yeḛ a kɔr ɓər dɔ dəwje’g Gə́ d’wa dee gə́ ɓər lé ləm tɔ Lal dəji nékoga dɔ dee ləm, Lal dəji néndogo-gel ləm tɔ, Njesigənea̰ gə́ njeboo-néje ɓa pa bèe.

Jeremi 1:14

Njesigənea̰ ulam pana: Loo gə́ par gə́ kel dɔgel ɓa néurti a kḭ keneŋ Mba kɔm dɔ dəwje lai gə́ d’isi dɔ naŋg nee.

Jeremi 50:3

Mbata ginkoji dəwje d’ḭ dɔgel D’aw gə mba rɔ səa, D’a kar ɓee ləa tel to dɔdilaloo ləm, Dəwje d’a si keneŋ el ŋga ləm tɔ. Dəwje gə daje d’aḭ d’aw.

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Jakari 10:5

D’a to kasəna gə bao-rɔje Gə́ tuba bɔrɔ gə́ mba̰-rəwje loo-rɔ’g bèe, D’a rɔ rɔ ya mbata Njesigənea̰ a nai sə dee, Ndá deḛ gə́ njérɔ gə kundaje lé Rɔkul a dəb dɔ dee’g.

Loo gə́ killa rea kəm Ja̰’g 16:12

Kura gə́ dara gə́ njekɔm dee’g misa̰ aw ɔm oŋg gə́ to mee bai’g ləa dɔ baa-boo gə́ ria lə Epratə ndá manee yi tə-tə gə mba gɔl ne rəw lə mbaije gə́ d’a gə kḭ bər lé.